رد مع اقتباسجمدين,موووووووووووووووت,وس وري,عشن
مبردش,من.كتيييييييييييير,ع� �دي,مزكرة,كتييييييير,جدن.
بس,موضوع.تحفة,ميرسي,كتييييي يييير
قهوتنا على الانترنت
المشرفه المميزه لقسم مصراوي يتحدى الملل و قسم الترحيب المناسبات
اكيد هيه الى غلطانه علشان كذبت عليه المفروض تقوله عن كل حياتها للانهم خلاص بقم روح واحده حد يخبى حاجه عن روحه ولازم تصلحه يارب يتصالحم ، تسلم على الحلقه هيرو تجنن اوووووووووووى ومستنيه الجايه بسرعه
نجم مصراوي
جمدين,موووووووووووووووت,وس وري,عشن
مبردش,من.كتيييييييييييير,ع� �دي,مزكرة,كتييييييير,جدن.
بس,موضوع.تحفة,ميرسي,كتييييي يييير
موقوف
مشكور لمروركم واسف على التاخير
موقوف
الحلقه العشرون
عشر دقايق و تليفون ريم رن
ريم* حبيب قلبي كنت عارفه اني مش ههون عليه ابدا
ريم: الو
مازن: ازيك دلوقتي يا ريم؟
ريم: الحمد لله
مازن: اخبار البرد ايه مش احسن النهارده؟
ريم: اها احسن شويه الحمد لله
مازن: الحمد لله طب عاوزه حاجه؟
ريم: هتقفل؟
مازن: اها هقفل اصلي بلف من الصبح و عاوز انام
ريم: بتلف فين يعني؟
مازن: عادي هلف فين يعني مع وليد شويه و عالبحر شويه يلا بقي سلام و خلي بالك من نفسك
ريم: انا اسفه
مازن: بتتاسفي علي ايه ؟
ريم: علي اني كدبت عليك اول و اخر مره
مازن: لا براحتك عادي
ريم: لا مش عادي انا مخنوقه اوي عشان مزعلاك انت عمرك مازعلت مني
مازن: اعتبريني خلاص مش زعلان
ريم و الدموع ملت عنيها: يا حبيبي عشان خاطري سامحني دي اول غلطه ليا
مازن: و انتي ناويه تكرريها
ريم خلاص انهارت في العياط و مقدرتش تمسك نفسها
مازن: لا يا ريم مش عاوز اسمعك تعيطي الا دموعك
ريم: ـــــــــــــــــــــــ
مازن: خلاص يا ريم انا مش زعلان بقي بس متعيطيش عشان خاطري تهدي
ريم: حاضر مش هعيط بس انت سامحني انا مكنتش قاصده ازعلك
مازن: عارف يا حبيبتي بس انا محبش ان حبيبتي تكدب عليا في اي حاجه مهما كانت حتي لو كانت عاوزه ترضيني
ريم: غلطه و مش هتتكرر تاني اوعدك اني عمري ما هكدب عليك تاني ابدا
مازن: ماشي يا حبيبتي انا عارف ان حبيبتي قد وعدها
ريم: حبيبتك بتحبك اوي و كل يوم معزتك بتزيد في قلبها
مازن: و انا بقي بموت فيها و بعشقها و انا اسف عشان خليتك تعيطي انا عمري ما هسامح نفسي لو دمعه نزلت من عنيكي بسببي
ريم: لا يا حبيبي متتاسفش انا اللي غلطت في حقك و كمان تعبي ضيع اجمل يوم كان هيمر علينا في حياتنا
مازن: بسس بلاش تفكريني عشان خاطري خلاص اللي حصل حصل و الحمد لله تتعوض ان شاء الله مره تانيه
ريم: لو كان عليا كنت نزلت و رحت قابلتك و مكنش هيفرق معايا لا تعب و لا غيره و مكنتش هحسسك اساسا اني تعبانه بس بابا صدقني موافقش و لا كان هيوافق اخرج و انا تعبانه كده و كان هيشك لو اصريت
مازن: خلاص يا حبيبتي المهم انك كويسه
ريم: الحمد لله
مازن: طيب عاوزه حاجه دلوقتي انا هقفل عشان بره البيت من الصبح
ريم: بحبك
مازن:اممممم بتثبتيني بكلامك الحلو
ريم: لا بحبك
مازن: و انا بحبك اوي
ريم: يعني خلاص مش زعلان مني بجد
مازن: تؤ تؤ .... بحبك
ريم: هيييييييييه خلاص سامحني و انا بحبك و بموت فيك و بعشقك و كله كله
مازن: هههههههه كله كله طيب يا مجنونه يعني صوتك علي و بقيتي قرده اهه
ريم: ايه علي ده ايه كح كح ده انا تعبانه اوي و بموت
مازن: ههههههه نصابه. روحي بقي نامي كفايه سهر عشان متتعبيش اكتر من كده
ريم: حاضر هقفل بس مش هنام غير لما تروح و تطمني عليك
مازن: حاضر يا قمر من عنيا
ريم: يسلملي عيونك يا روح قلبي
ـــــــــــــــــــــــــ ـــــــــــــــــــــــــ ـــــــــــــــــــــ
و اتصالحوا و ريم من فرحتها حست انها بقت كويسه اوي و لا تعبانه و لا حاجه عدي الاسبوع و رجع مازن بلده مع باباه و مامته و اخواته
جيه رمضان و الاتصالات بينهم كانت كل يوم باليل يفضلوا يتكلموا لحد لما رصيدهم هما الاتنين يفنش
في فتره رمضان دي والد ريم بدأ يتعب اكتر من الاول و التعب يزيد عليه و في يوم فضل مازن يرن علي ريم طول النهار مبتردش و لا بترن عليه و كان هيتجنن و في الاخر ردت و كان باليل
مازن: ايه ياريم كنتي فين مبترديش عليا ليه طول النهار
ريم: معلش يا حبيبي نسيت الموبايل في البيت
مازن: ليه و انتي كنتي فين؟
ريم: كنت في المستشفي
مازن:مستشفيليه انتي تعبانه يا حبيبتي؟
ريم: لا مش انا ده بابا
مازن: بابا ماله ؟
ريم: تعب اوي و نقلناه المستشفي
مازن: الف سلامه عليه بجد زعلتيني اوي طب و هو عامل ايه؟
ريم بدات تعيط: انا خايفه عليه اوي يا مازن ده خس بطريقه مش طبيعيه الفتره اللي فاتت و لا بياكل و لا بيشرب و لا حتي بينام
مازن: حبيبتي اهدي ان شاء الله هيبقي كويس
ريم: لا بس ده تعبان اوي ده لو جراله حاجه انا هموت فيها
مازن: بعد الشر عنك و عنه ان شاء الله هيبقي كويس بس انتي خليكي جنبه و مش تسبيه
ريم: ياااااااااارب
مازن: ان شاء الله , هو هيبات في المستشفي النهارده؟
ريم: لا خرج معانا
مازن: يعني بقي كويس؟
ريم: الدكاتره قالوا هيبقي كويس مع العلاج ده و نقلوله دم و حاجات كتير كده
مازن: طيب خلاص هيبقي كويس ان شاء الله متقلقيش بقي
ريم: ان شاء الله
ـــــــــــــــــــــــــ ـــــــــــــــــــــــــ ـــــــــــــــــــــ
فات رمضان و خلص و جيه يوم وقفه العيد
مازن: كل سنه و انتي طيبه يا حبيبه قلبي
ريم: و انت طيب يا حبيبي
مازن: يارب يعدي علينا الف عيد و احنا مع بعض
ريم: يااااااااارب
و فضلوا ساكتين شويه
مازن: ايه ساكته ليه قلبي بيقولي فيه مصيبه
ريم: لا مش اوي
مازن: اها يبقي فيه... خير؟؟؟؟
ريم: لا بس اصل شهنده اتصلت بيا النهارده و قالتلي كل اصحابنا رايحين يصلوا العيد بكره في النادي و تعالي معانا و كده
مازن: اها و طبعا هيبقي في شباب
ريم: طبعا شباب البلد كلها بيروحوا
مازن: و بتقوليها كده عادي شباب البلد كلهم
ريم:يا حبيبي ما الشباب هيبقوا في مكان و البنات في مكان
مازن: بس هيكونوا موجودين و الدنيا هتبقي زحمه و الولاد بيستغلوا حاجه زي دي عشان يدايقوا البنات صح؟
ريم: يا حبيبي طب و انا مالي و مالهم انا في حالي و هما في حالهم
مازن:انتي في حالك اها لكن هما مضمنهاش دي
ريم: يعني هيعملوا ايه دول ولاد بلدي
مازن: طب خلاص نحط حل وسط عايزه تروحي خلي ايمن يروح معاكي
ريم: بس ايمن مبيحبش يروح بيصلي في المسجد
مازن: خلاص متروحيش
ريم: حبيبي عشان خاطري صحابي وحشوني اوي و نفسي اشوفهم
مازن: خليهم يجيلوك
ريم: يعني ازاي يعني اتصل بيهم اقولهم وحشتوني تعالوا زوروني عشان اشوفكوا ده كلام
مازن: امال يعني عايزه تروحليهم لوحدك
ريم: يعني هتخطف ؟
مازن: ريم ده اخر كلام عندي عايزه تروحي خدي ايمن غير كده مفيش مرواح
ريم: بس بابا موافق اني اروح
مازن: باباكي ممكن ميكنش عارف اللي بيحصل انا شاب و عارف بشوف بعيني
ريم: يا حبيبي ده العيد مبتكملش فرحته غير بالصلاه دي
مازن: ريم مش باباكي موافق بتاخدي رايي ليه انا مين انا عشان تاخدي رايي
ريم: انت حبيبي و مقدرش اعمل حاجه انت مش راضي عنها
مازن: و انا مش موافق لكن لو عايزه تروحي و مصره متسمعيش كلامي اتفضلي
ريم: يعني ده اخر كلام
مازن: و معنديش كلام تاني
ريم: طيب خلاص
مازن: خلاص ايه هتروحي ؟
ريم: مش رايحه يا مازن خلاص
مازن: اتكلمي كويس معايا و متعليش صوتك
ريم: حاضر
قفلوا الاتنين و ريم متغاظه اوي هتموت ...نفسها اوي تروح مع صحابها
* هو ماله بيتحكم فيا كده ليه ... هو انا عشان بحبه يعمل فيا كده عمرو عمره ما اتحكم فيا بالطريقه دي كان بيسبني اعمل اللي انا عيزاه انا اساسا مكنتش بستاذن منه اني اخرج او اروح و اجي.. انتي هبله ازاي تقارني مازن بعمرو و بعدين ده مش تحكم ده خوف و فعلا الشباب كلهم بيبقوا موجودين و كل واحد عايز يبين نفسه و لو سمحتي متقوليش عمرو ده تاني ال عمرو ال .. طب اعمل ايه بس ياربي انا عايزه اروح دي فرصه متتعوضش اصحابي كلهم موجودين ووحشوني اوي.. مفيش قدامي غير ايمن لازم يقتنع و الا هتشل
راحت لايمن تجيبه يمين تجيبه شمال مش راضي ابدا
اتصلت بيها ندي العصر كده عشان تاكد عليها انها تيجي
ندي: ها يا ريم هتيجي طبعا
ريم: مازن مش راضي اجي غير مع ايمن
ندي: طب ما تيجي مع ايمن
ريم: ايمن يا ستي مش راضي و متنشن جامد اليومين دول معايا
ندي: امممم خلاص تعالي معايا انا مش هروح لوحدي اخواتي هيكونوا معايا و هما كبار و متجوزين يعني مفيش حجه اهه
ريم: اممممم تصدقي فكره خلاص هقوله بس يارب يقتنع
ندي: ان شاء الله .. ابقي كلميني باليل عشان تقوليلي وافق و لالا
ريم: اوك
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ
اتصلت بيه و قالتله علي الحوار اللي حصل بينها و بين ندي و زعل جداااااا منها
ونعرف بقي سبب الزعل المره دي بس الحلقه الجايه
موقوف
الحلقه 21
اتصلت ريم بمازن و قالتله علي الحوار اللي حصل بينها و بين ندي
ريم: ها ايه رايك يا حبيبي اظن كده مفيش مانع
مازن: اتفقتي معاها تتقابلوا؟
ريم: اها بكره الصبح الساعه 6
مازن: اوك براحتك
ريم: ايه يا مازن برده مش موافق
مازن: لا خلاص يا ريم مش مهمه موافقتي خلاص ماانتي اتفقتي و اللي حصل حصل
ريم**اوووووبس يالهوي زعل عشان اتفقت من وراه
ريم: انا اسفه خلاص مش هروح معاها
مازن: لا روحي براحتك سلام عشان انا عند واحد صاحبي دلوقتي
ريم: طب اسمعني مش هروح معاها خلاص
مازن: قلت براحتك و يلا سلام
قفل معاها و هي هتتجنن مش عارفه تعمل ايه راحت لايمن و قعدت تتحايل عليه مرضيش خالص دخلت نامت و شالت من دماغها فكره انها تروح خالص
الفجر لقت ايمن جيه يصحيها و قالها خلاص يا ريم عشان خاطرك هروح معاكي كمان بابا تعبان و مش هيقدر يصلي العيد النهارده و انا كنت عاوز اروح عشان ابقي معاه لو تعب و كده ..و خلاص هو مش رايح قومي البسي
فرحت اوي و قامت لبست و راحت
ريم** كده خلاص بقي مش هيزعل مني اللي عايزه هيحصل و ايمن هيجيي معايا .. طب اكلمه اقوله ... لا بلاش هبقي اقوله العصر بلاش دلوقتي
راحت الصلاه و رجعت اتصلت بيه مردش عليها بعتتله ماسج تهنيه بالعيد برده مردش عليه فضلت زعلانه اوي طول اليوم و مش طايقه تكلم حد و مرضيتش تخرج خالص
شهنده مهانش عليها زعل ريم بعتت لمازن ماسج تطلب منه يسامحها و قالتله انها مكنتش عايزه تزعله و ان ايمن راح معاها و نفذت اللي انت عايزه و بلاش تزعله مع بعض ده اول عيد يعدي عليكوا
اقتنع مازن بكلام شهنده و كلم ريم
مازن: علي فكره انا مزعلتش عشان انتي روحتي انا زعلت عشان روحتي اتفقتي مع ندي و انتي عارفه اني مش موافق
ندي : بس انا متفقتش بمعني اتفقت يا مازن انا قلتلها هقول لمازن لو وافق هقابلك الساعه 6 لكن مش قلتلها خلاص اكيد هاجي و حطيت رايك في الاولويه
مازن: بجد
ريم: طبعا بجد انت عندي بالدنيا و انت عارف كده كويس
مازن: طيب خلاص انا مش زعلان
ريم: بس انا بقي زعلانه هيه بس
مازن: ليه بس ؟
ريم: عشان ظلمتني
مازن: خلاص انا اسف
ريم: تؤ تؤ مش هقبل اي اعذار كفايه اليوم كله مش طايقه نفسي و مخرجتش خالص
مازن: انتي كنتي عايزه تخرجي تاني من غير ما تقوليلي ؟
ريم: يالهووووووووي مخرجتش
مازن: ههههههههه ماانا عارف انك مكنتيش هتخرجي غير لما تقوليلي
ريم: تصدق بابا لو عرف اللي بيحصل ده هيزعل مني اوي
مازن: لالالا مش هيزعل.. علي فكره باباكي لو عرف انا بحبك قد ايه و بخاف عليكي ازاي عمره ما هيزعل بالعكس ده هيقولي يا مازن ياابني البت بنتي دي انا متنازل عنها ليك ربيها انت
ريم: نعم
مازن: لالالا طبعا هو انتي لو مكنتش متربيه كنت حبيتك انا اقصد يعني هيقولي تولي انت زمام امورها
ريم: اممممممم لا يا حبيبي بابا لسه موجود ربنا يخليه ليا
مازن: ربنا يخليه لينا احنا الاتنين
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ
رابع يوم العيد الصبح جيه ايمن يصحي ريم الصبح و صوته مخنوق اوي
ايمن: ريم اصحي
ريم: في ايه ياايمن ؟
ايمن: هننقل بابا المستشفي دلوقتي
ريم: ايييييه؟؟؟؟؟ ليه هو ماله؟
ايمن: تعبان اوي
قامت ريم جري تطل علي باباها قبل ما يخدوه المستشفي و مقدرتش تقرب حتي منه لانه تقريبا مكنش حاسس بحاجه و الدموع ملت عنيها و مرضيتش تقرب ناحيته عشان ميشوفش دموعها دي
جم عمامها و طلبوا الاسعاف و خدوه علي المستشفي و مرضيوش انها تروح معاهم و فجأه بيتهم اتقلب و جدتها و عماتها و قرايب باباها كلهم جم و بيعيطوا جامد حست انهم عارفين حاجه و مش عايزين يقولوا كانت هتتجنن راح ايمن و جيه علي العصر و قالهم انه كويس بس في العنايه المركزه
ريم من خنقتها و كانت بتحاول تخفف علي نفسها الخوف و القلق اللي جواها دخلت علي اللاب توب فتحت الاميل بتاعها القديم ملقتش مازن فاتح مقدرتش تكلمه عشان يفتح و بعدين لقت واحد من اللي كانت بتكلمهم زمان طالعلها و مع انها كانت بطلت كلام من زمان مع الولاد اللي كانوا علي ميلها الا انها قعدت تتكلم مع الولد ده اكتر من ساعه
و في نص كلامها معاه مازن فتح قفلت معاه بسرعه و راحت لمازن
مازن: ازيك يا حبيبتي انتي فاتحه من بدري؟
ريم: اها بقالي حوالي ساعه
مازن: و كنتي بتكلمي مين بقي؟
مازن كان بيسال السؤال في هزار و كان متاكد انها مكنتش بتكلم حد لكن رد ريم صدمه
ريم: كنت ... انا هقولك الحقيقه عشان متعودتش اكدب عليك انا فتحت الميل ده مش لقيتك و لقيت واحد من اللي كنت بكلمهم زمان اتكلمت معاه شويه
مازن: و الله طيب كملي كلامك معاه سلام
ريم: بابا بيموت يا مازن
مازن:
ريم: بقولك بابا بيموت انا حاسه بيه مش هيرجع البيت تاني مش هيرجع
مازن: طب اهدي بس و فهميني ايه اللي حصل؟
ريم: نقلوه المستشفي قلبي بيقولي مش هيرجع تاني
مازن: لا متقوليش كده هيرجع ان شاء الله اهدي يا ريم و خليكي جنب مامتك ان شاء الله باباكي هيبقي كويس
ريم: مش قادره حاسه اني هموت
مازن: بعد الشر عليكي و عليه يا حبيبتي ان شاء الله هيبقي كويس و هيرجعلكوا تاني
ريم: ــــــــــــــــــــــــ
مازن: عشان خاطري متعيطيش انا حاسس بيكي اوي و نفسي ابقي جنبك بس مش في ايدي حاجه
ريم: ثواني يا مازن
رن جرس الباب و كان عم ريم جيه و الدموع ماليه عنيه وطلب من ريم و مامتها يلبسوا عشان هيروحوا علي بيت العيله و مرضيش يتكلم و لا يقول في ايه
ريم قلبها وقع في رجليها و انهارت في العياط و مقدرتش تكتب لمازن غير كلمه
ريم: بابا يا مازن بابا
و قفلت اللاب توب و لبست بسرعه و راحت مع عمها هي و مامتها
طول الطريق بيحاولوا يستفسروا منه علي اللي حصل طب هو عايش و لا خلاص مش راضي يرد عليهم وصلوا بيت العيله دخلت ريم الاوضه اللي باباها فيها و كان لسه عايش بصتله و الدموع ماليه عنيها لقته مفتح عنيه و بينهج جامد و شكله بيقول ان هي دي النهايه ....
بعدها مشفاتش باباها تاني للابد
عرفت من بنت عمها اللي عشان تخفف صدمتها شويه قالتلها ان باباها كان عنده المرض الخبيث في الدم
كانت صدمه كبيره لريم بس ريحتها شويه لان باباها ارتاح من العذاب اللي كان فيه
ـــــــــــــــــــــــــ ـــــــــــــــــــــــــ ــ
اول حاجه لقت نفسها بتعملها لما باباها اتوفي بعتت ماسج لمازن من موبايلها ان باباها مات
الدموع ملت عيونه اول ما شاف الرساله
مازن* يا حبيبتي يا ريم دي كانت بتحب باباها اوي و من كلامها عنه انا حبيته اوي انا كمان و كان نفسي اتعرف عليه ... الله يرحمه و يصبرها يارتني كنت اقدر اكون جنبها ... ليه يارب البعد ده كله بيني و بينها ... استغفر الله العظيم ... ربنا يصبرك يا حبيبتي انا هتصل بشهنده عشان لازم تكون جنبها مفيش في ايدي غير اني اعمل كده
اتصل بشهنده و كانت عرفت الخبر و لابسه عشان تروح لريم و طلب منها انها تفضل جنبها و تطمنه عليها و تحاول تخفف عنها
شهنده راحت لريم و اخدت ندي معاها
ندي: صعبانه عليا اوي ريم بتخرج من ازمه لازمه اكبر منها مبتلحقش تفرح
شهنده: عندك حق بس الحمد لله دايما بتلاقي اللي يقف جنبها و يخفف عنها ازماتها دي
ندي: تقصدي مين مازن؟
شهنده: طبعا مازن من يوم ما عرفته و هو الوحيد اللي بيقدر يخرجها من حزنها يخفف عنها انا عمري ما شفت الفرحه علي وش ريم زي ما بشوفها لما بتحكي عنه
ندي: مازن انسان محترم اوي ربنا يخليه ليها
شهنده: ياااااارب
مستنى رائكم فى الحلقه
المشرفه المميزه لقسم مصراوي يتحدى الملل و قسم الترحيب المناسبات
تسلم هيرو الحلقتين يجننوا
وحشتنى حلقاتك اوووووووووووووووووووووووو وووووووووووى
و ثانكس ليها
تقبل مرورى
موقوف
الحقله اتنين و عشرين
تاني يوم بعد وفاه والد ريم اتصل مازن بشهنده عشان تطمنه علي ريم و طلب منها تحاول باي طريقه تخليه يكلمها و هي وعدته بكده
راحت لريم و قالتلها ان مازن عاوز يكلمها... ريم كانت هتموت و تسمع صوت الوحيد اللي بيقدر يخفف عنها حبيب قلبها مازن و حاولت تبعد شويه عن الناس اللي كانت في وسطهم و اتصلت بيه
مازن: حبيبتي ازيك عامله ايه دلوقتي؟
ريم: الحمد لله كويسه
مازن: كان نفسي ابقي جنبك و اضمك لحضني اوي و اخفف عنك
ريم انهارت في العياط و مقدرتش ترد عليه
مازن: لا ياريم الا دموعك دي غاليه عليا اوي عشان خاطري تهدي
ريم:مش قادره يا مازن حاسه اني بموت روحي بتتسحب مني
مازن: لا يا حبيبتي متقوليش كده مامتك عيزاكي و اخوكي و شهنده و مازن حبيبك عاوزك و بيحبك
ريم: ربنا يخليكوا ليا انا مش باقيلي غيركوا
مازن: انا مش هقولك هعوضك عن باباكي لانه ميتعوضش انا عارف... بس هحاول علي قد مااقدر اقلل من احساسك بغيابه و ربنا يقدرني و اعوضك عن كل الحزن اللي عشتيه
ريم: ربنا يخليك ليا يا حبيبي
مازن: طيب يلا خلي بالك من نفسك و انا هتصل بيكي الصبح اول ما تصحي من النوم هتلاقيني علي دماغك و باليل كمان قبل ما تنامي زي دوا الكحه كده
ريم: احسن دوا كحه في الدنيا
مازن: و انتي احلي بنت قابلتها في حياتي
مرت فتره علي وفاه والدها حوالي 5 شهور وقتها كان مازن بيحاول علي قد ما يقدر يخفف عنها و يحسسها دايما بوجوده جنبها في كل حاجه لكن ريم كانت بتحس بشعور غريب اوي مقالتوش لحد غير لمازن
ريم: اقولك علي حاجه يا مازن هتستغربها اوي
مازن: قولي
ريم: بعد ما بابا مات لما بروح ازوره في قبره بقوله كلام غريب اوي بيطلع مني تلقائي مش عارفه بقوله ليه
مازن: كلام ايه يا حبيبتي؟
ريم: بقول انا مش زعلانه عليك زيهم يا بابا هما لازم يزعلوا اكتر مني اكيد...عشان هيقعدوا فتره كبيره اوي مش يشفوك لكن انا لا ....انا هجيلك قريب و هندفن جنبك هنا ....متزعلش انا مش هسيبك لوحدك طول عمري بحب اروح معاك في كل حته و هنا كمان هاجي وراك مش هتاخر عليك يا حبيبي
مازن انصدم بالكلام اوي لدرجه ان عنيه دمعت و اترعب من كلامها
مازن: ريم انتي بتقولي ايه حرام عليكي متقوليش كده عشان خاطري
ريم: مش عارفه انا بقول كده ليه مش عارفه
مازن: لا لالا اكيد في سبب انتي تعبانه...تعبانه صح ردي يا ريم ارجوكي
ريم: لا انا مش تعبانه و لا حاجه
مازن: امال بتقولي كده ليه فهميني ؟
ريم: حبيبي متقلقش كده انا كويسه و الله
مازن: امال ليه يا ريم بتعملي في نفسك و فيا كده ليه؟
ريم: متزعلش مني مش هقول كده تاني
مازن: ريم نامي النهارده في حضن مامتك ممكن؟
ريم: مينفعش
مازن: ليه مينفعش لا هينفع عشان خاطري
ريم: يا حبيبي اانا بحب انام لوحدي في اوضتي
مازن: لا النهارده بالذات نامي معاها و حياه مازن
ريم: حاضر بس متقلقش كده انا مش هموت انا قاعده علي قلبك اهه انت فاكرني هموت و اسيبك لوحده غيري ده بعدك
مازن: بتهزري ده وقت هزار و النبي حرام عليكي سيبتي ركبي انا مش قادر اقف علي رجلي
ريم: روح اقعد واقف ليه
مازن: يالهوي عليكي يابت حرام عليكي نفسك ارحميها شويه من افكارك السوده دي من يوم ما عرفتك و دماغك دي شغاله ليل نهار بتفكر في بلاوي زرقا
ريم: ههههههه اصل انا مازن2 و حبيبه مازن1 لازم دماغي تبقي كده و لا ايه يا كابتن؟
مازن: الله يخربيت سنين مازن اللي انتي شبهه طب اختاري حد عدل
ريم: تؤ تؤ تؤ احترم نفسك متشتمش حبيبي فاهم
مازن: حاضر يا روح حبيبك مش هشتمه بس و حياه حبيبك بلاش تفكري كده تاني ماشي
ريم: يا حبيبي لازم تكون مؤمن ان ساعتي لما تيجي مفيش مفر سواء النهارده بكره دلوقتي و انا بكلمك مثلا
مازن: يالهوي بت قومي اتخمدي نامي قومي
ريم: هههههههه لا قاعده علي قلبك برده
مازن: تقعدي بادبك و ترمي لسانك و مخك الزباله ده بعيد و ترجعي لسان ريم الحلو اللي بينقط عسل و مخها ماشي و الا
ريم: هتضربني؟
مازن: هحضنك اوي و ابوس دماغك و احطك جوه عيوني عشان احافظ عليكي
ريم: يالهوووووووي بحبك
مازن: و انا بحبببببببببك بحببببببببببك بحبببببببببك يا بت
ريم: وطي صوتك يا مجنون هتصحي محمود اخوك
مازن: انا عاوز الدنيا كلها تصحي و تسمع اني بحبك اوووووووووي
ريم: و انا نفسي امشي معاك في وسط العالم كله و اقول القمر ده حبيبي و روحي و عقلي و بموت فيه
مازن: لما انتي هتقولي كده انا اقول ايه بقي وقتها؟
ريم: انا اللي هقولك تقول ايه وقته
مازن: هقول
ريم: ها بسرعه عشان اقيم
مازن بصوت عالي: يا ناااااااااااااااااااااس البنت دي حبيبتي و بموووووووت فيها و بعشق التراب اللي بتمشي عليه و نفسي تبقي مراتي و ام عيالي و حبيبتي للابد و مش هسمح لحد ياخدها مني و هعمل المستحيل عشان تبقي ليا سواء رضيتوا و لا مرضتوش لاني مش هستغني ابدا عن روحي و قلبي و عنيا و دنيتي كلها حبيبتي ريييييم بحببببببببببببببببببببببب بببببببك
ريم:
مازن: بت انتي نمتي؟
ريم: لا هنسحب بقي الناس بعد كلامك ده هتقول عليا خرسه
مازن: هههههههههه لا هيقولوا دي الملكه اللي متوجه علي عرش قلب مازن و اللي عمره ما هيستغني عنها و لا هيسمح لمخلوق علي وجهه الارض يحرمه منها ابدا مهما كان
ريم:انا بحبك اوي بحبك بجنون و بعشق كل حاجه فيك بعشقك كده كلك علي بعضك... مازن الشخصيه مازن الانسان مازن الرومانسي مازن الحنين مازن الطيب مازن الجدع مازن لاعب الكوره مازن حبيب قلب ريم من جوه و نور عينها اللي بتشوف بيهم
مازن: يخربيتك كل دول مازن بتحبيهم يا مفتريه
ريم: كل الصفات دي متجيش نقطه في بحر صفاتك يا حبيبي ربنا ما يحرمني من حبك يارب
مازن: و لا يحرمني منك يا نور عيوني بقولك
ريم: ايه؟
مازن: في واحده رخمه جنبي عايزه تكلمك
ريم: لا متقولش ريهام
مازن: ايون هي البت الرخمه دي
ريم: طب امشي يا واد من هنا و اديها الموبايل كفايه عليك كده
مازن:بتبعيني يا ريم ماشي و الله لاربيكي انتي و هي
ريم: انجز يا حاج ووسع كده شويه للبنت
مازن: ماشي ياختي خديها اهيه
ريهام: ازيك يا ريمو عامله ايه يا حبيبتي ؟
ريم: الحمد لله ازيك انتي يا ريهام اخبارك ايه و اخبار المذاكره معاكي ايه؟
ريهام: اها ادعيلي دي اخر سنه ليه و امتحانات الترم قربت
ريم: ربنا معاكي يا قمر
ريهام: يارب و معاكي انتي كمان اخبار المذاكره ايه؟
ريم: ايه ...اها الحمد لله ماشيه المهم مازن بيذاكر و لا زي عوايده
ريهام: لا ده بقي انا سيبهولك ولا ليا علاقه بيه في موضوع المذاكره دي بالذات؟
مازن: بس يا زفته يخربيت سنينكوا هاتي يا بت الموبايل
ريهام: بس يله سيبني اشكيلها شويه من اللي شايفينه
ريم: لا مالكيش دعوه انا هتصرف معاه في موضوع المذاكره ده
ريهام: يارب تقدري عليه ..... ماشي يا حبيبتي خدي بقي كلمي الواد ده اصله خنقني
ريم: ماشي يا عسل
ريم: دي بجد ريهام اللي كانت بتكلمني؟
مازن: امال امي ؟
ريم: لا بجد مش مصدقه انت وصفتهالي حد تاني خالص
مازن: لا يا حبيبتي ارجع و احذرك ريهام مش سهله خلي بالك من كلامك معاها كويس
ريم: يعني ايه مش سهله؟؟؟؟
موقوف
الحلقه الثالثه و العشرون
ريم: دي بجد ريهام اللي كانت بتكلمني؟
مازن: امال امي ؟
ريم: لا بجد مش مصدقه انت وصفتهالي حد تاني خالص
مازن: لا يا حبيبتي ارجع و احذرك ريهام مش سهله خلي بالك من كلامك معاها كويس
ريم: يعني ايه مش سهله
ريم: ههههههههه و انا بموت في كده علي فكره حبيبتك ذكيه و بتفهم و بتعرف تخرج نفسها من اي حفره بمنتهي السهوله متخافش عليا يا قلبي
مازن: اموت انا في الثقه بالنفس
ريم: اموت انا في روح قلبي و حياتي
ـــــــــــــــــــــــــ ــــــــــــــــــــــــ
بعد امتحانات الترم مازن كان بيفضل في النادي مبيروحش لانه كان بيبقي عنده تمرين الصبح بدري و العصر و كمان كان عنده ماتشات علي طول فمكنش ينفع يفوت التمرين و خصوصا انه كسول موت و بيحب النوم زي عنيه و في يوم اتصل بيه وليد
وليد: حبيب قلبي واحشني يا واد
مازن: و انت واحشني موووووت و الله يا وليد ها اخبار الشله ايه؟؟
وليد: تمام التمام يا كابتن و عندهم ليك مفاجأه جامده موز و هتفرحك
مازن: مفاجأه ايه فرحني و حياه ابوك
وليد: قررنا نعمل رحله يومين للقاهره نتفسح و نتروق و تروح تقابل حبيبه القلب
مازن: و الله العظيم امته؟؟؟
وليد: لا احنا سبنا تحديد المعاد ده ليك علي حسب ظروفك امته بس متاخرناش العيال معاها قرشين و لو استنوا في جيبهم يومين هيبعزقوهم انت راجع البيت امته؟؟
مازن:عندي ماتش بكره و هرجع علي باليل كده
وليد: تمام يا كابتن نسافر بكره في قطر الفجر
مازن: علي طول كده انا بقالي شهر مروحتش و الجماعه في البيت وحشني اوي كمان امي كل يوم تتصل بيا نفسها تشوفني ناجلها يوم واحد ده انا حتي كل هدومي عايزه تتغسل و مكسل امد ايدي فيها عشان مروح
وليد: يا حبيب هارتي خير البر عاجله و بعدين اجازتك بتبقي اسبوع يعني هترجع تقعد معاهم اربع خمس ايام بحالهم و هدومك تدبر و الله ما هاين علينا نسيبك و نروح مع اننا مفكرين في الفكره دي بقالنا اسبوعين و قلنا نستني مازن عشان عارفين انك هتموت و تروح قبلنا
مازن: اها و الله هموت و اروح امبارح مش بكره ..لا خلاص يا مازن بلاش يا حبيبي تيجي تتعوض في مره تانيه تكون الظروف فيها احسن
مازن: مفيش فرصه احسن من دي انا مش ضامن ظروفي في النادي الكابتن بينزلنا اجازه اسبوع بالعافيه و كمان اصحابي كلهم معايا و انا اساسا مخنوق و تعبت جامد الفتره اللي فاتت تمارين و متشات و قرف و عاوز اشوفك اوي يا ريم
ريم: مش عارفه اقولك ايه بس انا مش عايزه مامتك تزعل منك بص انت تروح دلوقتي تحاول تقنع في مامتك و تقولها انك مخنوق و محتاج تتفسح شويه مع اصحابك و كده لكن حتي لو وافقت يا مازن و انت تعبان و مش هتقدر علي السفر يبقي لا متجيش صحتك اهم عندي من اي حاجه
مازن: لا انا متعود علي كده بفضل صاحي يومين و تلاته كمان بس يارب ماما توافق من غير زعل انا مبحبش اشوفها زعلانه ابدا
ريم: ان شاء الله هتوافق
ـــــــــــــــــــــــــ ـــــــــ
و راح لمامته و اقنعها و اخيرا وافقت ... سافر مع اصحابه و بعت لريم و كانت طايره من الفرحه فضلت تجهز في نفسها و في لبسها مش مصدقه انها اخيرا هتشوف مازن
اما مازن طول ما هو في القطر تعبان و هيموت و ينام و من فرحته مش عارف ينام و عمال يضحك و يهزر مع اصحابه
جيه الصبح عليهم و هما في القطر و خلاص قربوا علي القاهره و جيه تليفون لمازن من كريم صاحبه
مازن: ايوه يا كيمو ازيك يا واد؟
كريم بصوت مخنوق: بابا اتوفي يا مازن
مازن: ايه... لا حول و لا قوه الا بالله معلش شد حيلك يا كريم
كريم: انا محتاجلك اوي تبقي جنبي
مازن: ها مش عارف هقولها ايه بس و اصبر نفسي انا بايه يااااااااااارب مش ممكن ايه النحس ده
وليد: بص يا عمنا مش هنمشي من هنا الا لما تقابل ريم و تمشي مزاجك رايق و عال العال اتصل بيها دلوقتي و قوليلها تنزل تقابلك النهارده و انا هاجي معاك و نركب من دمياط علي الصعيد علي طول تمام
مازن: بس هي عامله حسابها تقابلني بكره
وليد: يا عمنا جرب و خليها تحاول ما اللي يخليها تقابلك بكره يخليها تقابلك النهارده
مازن: احاول
وليد: ها؟؟
مازن: نايمه دلوقتي اكيد ...مبتردش ؟
وليد: جرب تاني خليك وراها لما ترد
مازن: ايوه يا ريم معلش صحيتك
ريم: و لا يهمك يا حبيبي.. وصلت القاهره؟
مازن: اها وصلت بس
ريم: بس ايه حصل ايه ؟
مازن: تعرفي تقابليني بعد ساعتين
ريم:
مينفعش الاثنين؟؟
مازن: لا هو الاحد بقي مينفعش غيره انا لازم اجي اقابلك و اسافر مع الفريق باليل
ريم: بس
ايون لقتها هقولها ان النتيجه بيقولوا ظهرت و عايزه اروح اجيبها عشان اطمن علي التلات مواد اليتامي اللي عندي... و افرض قالاتك اجليها.. لا بقي متبقيش ريم لو معرفتيش تقنعيها يلا ربنا يسهل
راحت لمامتها و اقنعتها ان النتيجه ظهرت و ان في ناس شايله مواد كتير و عايزه تطمن علي نفسها و محدش بينزل السبت يبقي انزل الاحد و نسافر لخالتوا الاثنين و اخيرا وافقت
و اتصلت بمازن صالحته علي كلامها البايخ جدا
و فرحته بانها خلالالالاص هتقابله يوم الاحد
و نشوف اول مقابله حقيقيه بين ريم و مازن فيس تو فيس هيحصل فيها ايه
مستنى رائكم فى الحلقه يامرعبين
شكرا هيرو علي المجهود
مثبت لفتره
~The Last Words Of Her~البحث على جميع مواضيع العضو Mr.Mo0ody
عضوه متميزه
قصه جميله جدا انا قريتها من الاول
في انتظار الباقى
تسلم يا هيرو على المجهود الرائع ده
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
