أغنية " رسول الله "

**عصام الدين محمد** · 29 - 9 - 2009, 09:49 PM

رسول اللـه

رسول اللـه حبيب الله *** ومين غيرك لينا حبيـب

ياصاحب العفـو والعفة*** وقلب كبير وصدر رحيب

يامـداوي قلوب الناس*** وكنـت ليـها خير طبيب

حبيبي يارسول الله

*******

من نور هديك عرفنا النور*** ومن حبك بنينا قصور

قصور العز والايمــان*** وعرفنا مين رب الانسان

الله الله الله ياحبيب الله

*******

من قبل الرساله ووصفك*** محمد الصادق الامين

وشهدلك ربي وربك*** في قرآنه الكريم

ووصفك ربي بأنك *** لعلي خلق عظيم

مانتاش فظ ولا غليظ القلب*** وانك رؤوف ورحيم

حبيبي يارسول الله

*******

أد ايه كنت بتفرح *** لما يزيدوا المؤمنين

واللي اختار طريق الضلمة *** كنت بتبقي عليه حزين

ياللي ادخرت دعوتك *** يوم القيامه لأمتك

مش لاقي كلام بيه اوصفك *** زي ما وصفك لينا الله

ياحبيب الله

*******

عصام الدين محمد

مسجلة باسم المؤلف بالشهر العقاري

**لولى** · 30 - 9 - 2009, 11:42 PM

جزاك اللة خيرا وانتا شاعر رائع فلم تقتصر فى شعرك على الشعر العاطفى فقط بل انطلقت الى الشعر الدينى والحديث عن افضل الخلق ولقد ابدعت وفقك اللة وجعل ماتكتب فى ميزان حسناتك

**عصام الدين محمد** · 1 - 10 - 2009, 02:13 AM

عزيزتي لولي
اشكر لك مرورك الجميل ووصفك الجميل وكل الكلام الجميل اللي انتي قولتيه وهذا يدل علي جمال ذتك فهنيئا لك بنفسك الجميلة
عصام الدين محمد

**لولى** · 1 - 10 - 2009, 02:32 PM

ياعصام انا بقا طماعة عاوزة كل ماادخل المنتدى اشوف شعر جديد ليك بس ياريت ماتنتظرش الفرصة لخروج شعرك للنور دون ان تسعى انت فى الحصول على الفرصة فالفرصة لا تاتى الالمن يستحقها حاول ولو على سبيل المحاولة لعرض اشعارك وممكن يكون منتدى مصراوى يكون فاتحة خير ليك وانتا تستحق الفرصة وننتظر المزيد