غيـــــبـــــــــــــوبــ ـــــــــــــــة

[botta]

عنوان غريب .. مش كده ؟؟
حد له علاقة بالغيبوبة؟؟
ماحدش يقول و الله ما اعرفها
كلنا عارفينها و عايشينها ، أو .. عاوزين نعيشها
أيوة : احنا مع الغيبوبــــــة فى حال من اتنين
1 - نفسنا نعيشها يمكن تاخدنا شوية من الخبطات اللى الدنيا أو اللى فى الدنيا بيعملوها لنا
كأنها حقنة مخدر تغيبنا عن وعينا على ما الجراح يقطعنا و يشوف شغله و يخيطنا تانى
و نفوق على شكل الجرح .. بس مش فى جسمنا ، ده بيكون فى حياتنا ككل ، جرح معنوى يعنى .


2 - غيبوبــة و احنا فعلا عايشينها و لا حاسين باللى بيجرى حوالينا ، ناس بتروح و ناس بتيجى و جروح فى حياتنا و احنا كده مع نفسنا ..و اهى ماشية يا عم و الحمد لله .

و بما انى مش بحب أسرد كلام و بس .. طبعا هنتظر مشاركاتكم و كل واحد يقول ( من غير كسوف ) هو مع الغيبوبة على أى حال ؟؟
و هل فعلا نفسك تعيش غيبوبة و لا خلينا فى الفوقان أفضل ؟؟

[كابوس الحرامية]

كل واحد فينا بيعيش غيبوبة بيفوق منها وبعدين يدخل في غيبوبة جديدة
تسلمي يا ام علياء على الموضوع الجميل زيك دة
والف مليون مبروك على الترشيح وعقبال الاشراف بجد تستاهليها يا قمر
انا اسفه والله بس اتاخرت شوية انا عارفه بس انا تايههشكلي في غيبوبة

[جلال عزت]

السلام عليكم و رحمة الله و بركاته...

اهلا botta .. اول ما شفت اسمك تحت العنوان دخلت فورا، بس بصراحة بالرغم من ان العنوان شدنى و الكلام معقول فعلا و فكرة غريبة قوى الا انى اتصدمت !!!!

طبعا الصدمة من نفسى مش من الموضوع اكيد مش تتخطى كده .. بس ده لانى عمرى ما فكرت فى حاجة زى كده ابدا و لا فكرت انى حياتى ممكن تكون عبارة عن غيبوبة!!!!

يمكن الياس بالنسبة ليا نوع من انواع الغيبوبة برضه و اللى هى تندرج تحت النوعية التانية من انواع الغيبوبة .. انا فى مرة من ياسى كنت ناوى اسيب كل حاجة و كنت ناوى اسيب هوايتى و النت و المنتديات و متابعتى لاى حاجة حتى دراستى كنت ناوى اشتغل على قد انى انجح و بس مش اكتر بسبب اليأس و بسبب ناس كانوا حواليا وقتها خلونى احبط، لكن والله قعدت افتكر فى والدى و كل اللى تعب فيه طول حياته و حسيت قد ايه انى تراخيت و انى ضيقى و يأسى كان هيافة منى و كان هيضيعنى .. و نظرت للموقف بمنظور مختلف و قلت لنفسى انى لازم افوق من اللى انا فيه و اواجهه مشاكلى و اللى حواليا بدل من انى اهرب و خلاص و من ساعتها فعلا بدات انجح و احس انى فايق لروحى.

انا بكره الغيبوبة و بحب اعيش فى الواقع لانه بيخلينى احس بقيمة نفسى و اقدر اكون افضل و فى حكمة بحبها جدا بتقول: "حقيقية مرة افضل من احلام جميلة".

بشكرك كمان مرة على مووضعك و الطرح المميز له، و منتظر جديدك ان شاء الله...

دمتى بود...

محمود...

[No TiMe]

الناس كلها في غيبوبه
ؤيتلسشاؤعل غبس لبجمسع
يسلموووو شيماء علي المراجيح ديا

[ايمرى شوووو]

الناس كلها في غيبوبه
ؤيتلسشاؤعل غبس لبجمسع
يسلموووو شيماء علي المراجيح ديا

انا بس عايز اعرف

هو الكابتن كاتب أية

جريجى دة مش كدة يا بقلة

[ام اسراء]

عارفه ياشيماء فى ناس كتير عايشه الغيبوبه دى غصب عنها
ودة نتيجة الظروف اللى عيشاها
وطبعا مش محتاجه تفاصيل العيشه دى!!!!!!!!
بالنسبه لى احب أعيش فى غيبوبه وقت النوم لآنى بصحى بسرعه
ومش بعرف أنام تانى
لكن العادى لالالايمكن أعيش فى غيبوبه أبداااااااا
وربنا يكفينا شرها
شكرا شوشو موضوعك مميز كالعاده

[botta]

كل واحد فينا بيعيش غيبوبة بيفوق منها وبعدين يدخل في غيبوبة جديدة
تسلمي يا ام علياء على الموضوع الجميل زيك دة
والف مليون مبروك على الترشيح وعقبال الاشراف بجد تستاهليها يا قمر
انا اسفه والله بس اتاخرت شوية انا عارفه بس انا تايههشكلي في غيبوبة

تسلمى يا نهى على المرور الطيب
الله يبارك فيكى يا سكرة
منورانى يا نونى

[botta]

السلام عليكم و رحمة الله و بركاته...

اهلا botta .. اول ما شفت اسمك تحت العنوان دخلت فورا، بس بصراحة بالرغم من ان العنوان شدنى و الكلام معقول فعلا و فكرة غريبة قوى الا انى اتصدمت !!!!

طبعا الصدمة من نفسى مش من الموضوع اكيد مش تتخطى كده .. بس ده لانى عمرى ما فكرت فى حاجة زى كده ابدا و لا فكرت انى حياتى ممكن تكون عبارة عن غيبوبة!!!!

يمكن الياس بالنسبة ليا نوع من انواع الغيبوبة برضه و اللى هى تندرج تحت النوعية التانية من انواع الغيبوبة .. انا فى مرة من ياسى كنت ناوى اسيب كل حاجة و كنت ناوى اسيب هوايتى و النت و المنتديات و متابعتى لاى حاجة حتى دراستى كنت ناوى اشتغل على قد انى انجح و بس مش اكتر بسبب اليأس و بسبب ناس كانوا حواليا وقتها خلونى احبط، لكن والله قعدت افتكر فى والدى و كل اللى تعب فيه طول حياته و حسيت قد ايه انى تراخيت و انى ضيقى و يأسى كان هيافة منى و كان هيضيعنى .. و نظرت للموقف بمنظور مختلف و قلت لنفسى انى لازم افوق من اللى انا فيه و اواجهه مشاكلى و اللى حواليا بدل من انى اهرب و خلاص و من ساعتها فعلا بدات انجح و احس انى فايق لروحى.

انا بكره الغيبوبة و بحب اعيش فى الواقع لانه بيخلينى احس بقيمة نفسى و اقدر اكون افضل و فى حكمة بحبها جدا بتقول: "حقيقية مرة افضل من احلام جميلة".

بشكرك كمان مرة على مووضعك و الطرح المميز له، و منتظر جديدك ان شاء الله...

دمتى بود...

محمود...

أولا : أشكرك يا محمود على ثقتك فيا و يا رب أكون قدها
ثانيا : أحييك انك فكرت و وقفت مع نفسك ضد نفسك ، و فقت من الغيبوبة لأنها كان ممكن تدمرك ــ لا قدر الله ــ و الحمد لله انك دلوقتى تمام..
و أنا لاحظت د/ قبل اسمك
ربنا يوفقك و يسعدك و تبقى دكتور ناجح أيا كان تخصصك
منورنى و فى انتظار تشريفك لمواضيعى باستمرار

[botta]

الناس كلها في غيبوبه
ؤيتلسشاؤعل غبس لبجمسع
يسلموووو شيماء علي المراجيح ديا

يسلموووووووو انت يا اسلام
تعالى خد لك لفة قبل ما ألم المراجيح
نورتنى و دايما يا رب

[botta]

انا بس عايز اعرف

هو الكابتن كاتب أية

جريجى دة مش كدة يا بقلة

و أنا بس كنت عايزة أعرف
رأيك ايه فى الدوشة اللى أنا كاتباها دى ؟؟؟
عموما نورتنى بمرورك اللطيف