زاى تعرف انك بتحب بجد مش مجرد اعجاب ؟؟

[yaya crazy love]

زاى تعرف انك بتحب بجد مش مجرد اعجاب ؟؟

السلام عليكم ورحمة الله وبركاته
ازاى تعرف انك بتحب بجد مش مجرد اعجاب ؟؟؟؟
ارجو ان ينال اعجابكم



كتييير اوى بنخلط بين الاعجاب والحب الحقيقى
اكيد كلنا مر فى حياته شخص كان فاكر انه بيحبه ولكن
اتضحله بعد كده ان ده كان مجرد اعجاب
او حصل انه اعجب بشخص اوى وكانت مجرد فتره فى حياته
وسابه واتضحله بعد كده انه هو الحب الحقيقى اللى كان بيدور عليه
فتعالو نشوف ايه هو الفرق بين الحب والاعجاب من وجهه نظرى


..............الاعجاب..........
هو لما تنجذب او تعجب بصفات معينه فى شخص تعرفه وبتتعامل معاه او حتى بتشوفه من بعيد
ممكن تعجبك طريقه كلامه او طريقه تفكيره او خفه دمه او نظرته لمستقبله اولشخصيته الممتازه وبالتالى بتشوف الكثير من مميزاته فبيحصل انك شعور قوى بالاعجاب بيه لدرجه ممكن تخليك تخلط بين هذا الاعجاب وبين الحب
ولكن اللى لازم نعرفه ان الاعجاب ده يجب ان يكون مرحله من مراحل الحب الحقيقى
والعجاب ممكن يكون فى حياتنا العامه يعنى ممكن ان نعجب بشخصيه معروفه فى المجتمع وبالتالى ممكن ان نعجب باكثر من شخص فى وقت واحد
واحيانا يتوهم الشخص عندما يحس بشعور الاعجاب تجاه شخص اخر ويظل يهتم بهذا الشعور حتى تصل لمرحله انك تتخيل شى وهمى فى عقلك وتتخذ بناء عنه خطوه مش فى فمكانها


..........الحب الحقيقى........
اجمل احساس ممكن تحسه او تعيشه فى حياتك وهو عباره عن شعور بتحسه ناحيه شخص معين ومتعرفش ايه السبب لانها غريزه وضعها الخالق فى قلوبناوبتقدر انك تعبر عنها فى حرفين بس هم ح ب
وعشان تتاكد ان حبك ده حب حقيقى مش مجرد اعجاب وخلاص لازم تمر بجميع مراحل الحب الطبيعيه

اولا الانجذاب العاطفى
ان انت مجرد انك تحس انك منجذب للشخص ده وحاسس انك بتهتم بيه وبتهتم تعرف اخباره اكتر من اى حد تانى

.......ثانيا الاعجاب......
وطبعا احنا اتكلمنا عنه وعاده الاعجاب بيبقى نتيجه للانجذاب العاطفى

..........ثالثا بدايه الحب.........
تصل الى انك ترى الشخص اللى قدامك اجمل انسان فى الوجود ويزيد اعجابك بيه فى هذه الفتره وبيختلط فى هذه الفتره احاسيس اخرى بالاضافه الى الاعجاب زى الاشتياق يعنى انك تكون لسه كنت معاه وتحاول انك تشوفه تانى وتبقى مش قادر تبعد عنه وعايزه يبقى معاك علطول
وهتلاقى فى الفتره دى بتحاول تخلط المواقف اللى تجمعكوا ببعض وتلاقيك بتستنى حتى الصدف اللى تجمعكوا
يعنى عاده فتره بدايه الحب بتبقى قمه فى الرومانسيه وبعيده عن الواقع ومشاكله وعيوبه



(الحب الحقيقى)
فى هذه المرحله بتهدا المشاعر داخلنا وتصبح انسان ناضج تقدر تفكر بعقلك مع قلبك وهتشوف بجد حقيقه الشخص الى قدامك بمزاياه وكمان عيوبه
هيحصل فى المرحله لحظات فرح كتيير ولكن هتظهر لحظات الزعل من الشخص اللى معاك لما تحط ايدك بجد على عيوبه لكن طبعا هتحاول من جواك انك تعديهاواكيد هيحصل بينكوا خناقات لكن متخافوش فى المرحله دى بتبقى دليل على الحب الحقيقى
واذا قدر كل واحد فيهم انه يتحمل عيوب اللى قدامه ويقدر انه يمتصها ويخليها تبقى مجرد لحظات وتعدى وكانها لم توجد هو اللى هيقدر يحافظ على حبه
ولو الواحد قدر يمر بالمراحل دى فى حبه فانشاء الله الحب ده حب حقيقى ميه فى الميه
وعلى فكره ممكن انك تلاقى الحب الحقيقى فى حياتك وممكن متصادفهوش فى حياتك وتنتهى العلاقه عند اى مرحله من هذه المراحل وممكن يحصل انك تكمل حياتك مع شخص لم تمر معه بهذه المراحل وقد تنجح وقد تفشل
ياااااااااااااااااااااااا ااااااااارب كل واحد فينا يلاقى الحب الحقيقى



وطبعا عايز اعرف رايكوا بجد فى الكلام ده ورايكوا


تحيات يايا

[NARMR]

ميرسى على الموضوع ده واعتقد ان كلامك مظبوط

[عمارطه2009]

بجد كلام جميل وشكرا علي المجهود

[kimo89]

علي فكره موضوعك جميل جدا جدا جدا وفي منتهي الروعه وفعلا كلامك كله صح ومظبوط جدا لاني مجرب كل اللي انتي قلتيه ده بالحرف وخصوصا الحته بتاعت "بدايه الحب" وشكرا علي المجهود الرائع ده

[smile means]

تسلمى ياعسل على الموضوع الجامد ده
تقبلى مرورى

[شانسى]

موضوع جميل اوى انا جربته بس من طرف واحد تخيلى مدى الالم بس بدعيله ربنا يوفقه ونفسى يارب القى الحب الحقيقى المتبادل ويارب كل انسان يجده

[مصطفىالصاوى]

مشكور جدا جدا على الموضوع الجميل دة وانا الأن امر بالمرحلة دى بس ان شاء الله الى انا بنشعر بة حب مش اعجاب لأنى هنرتبط فورا بمن احببت وتسلم كتير على الموضوع الرائع هذا

[*كاردينيا*]

ميرسي جدا على الموضوع الجميل ده يقدر الواحد يستفيد منو ويعرف اذا كان بيحب حد معين ولا مجرد اعجاب