قيس افندى والحب العذرى؟

[dr_manoon]

بصو بقى كل اللى يتكرم ويدخل يفضل معانا للاخر مش عايز حد يمشى فى نص القاعده
طبعا كلنا عارفين قيس بن الملوح وليلى بنت عمه
ومين فينا مايعرفهمش؟؟؟
ونعرف قصه حبهم المشهوره المتداوله من ايامهم الى الان على السنه الرواه وبين صفحات الكتب
انا مش جاى احكيلكم قصتهم النهارده لا انا جاى احكيلكو على كلام
حكالى عليه احد اصدقائى المثقفين جدا والذى كنت اكن له كل احترام وتقدير لثقافته وعلمه وسعه اطلاعه
لغايه اما قالى اللى هاقولكو عليه بعد شويه
فى البدايه لا يخفى على احد ان قيس وليلى كانو اولاد عم لزم شقائق يعنى واتربو مع بعض فى الباديه بيرعو الاغنام مع بعض لغايه اما كبرو والبنت بان عليها الكبر بالعلامات اللى انتو عارفينها
والواد شنبه طلع وصوته تخن والحجات دى كلها
وبعدين فصلوهم عن بعض ماهو ماعدشى ينفع يلعبو مع بعض خلاص
والواد اكتشف انه بيحب البنت بس علشان كان بيقول فيها شعر والقبيله كلها كانت بتردد اشعاره فابوها اصر انه يجوزها لحد تانى فالواد لسع
وتاه فى الصحرا يقول فيها شعر لغايه مامات وهيا ماتت على قبره والحكايه اللى كلنا عارفينها بالتفصيل دى
الجديد بقى ان الحكايه غير كدا خاااااااااااااااالص
صحبى المثقف اللى قلتلكو عليه دا واحنا قاعدين قاعده سمر ونتداول اخبار العاشقين والعاشقات فى بلدنا وفلانه بتحب فلان وفلان اتقدم لفلانه واترفض وفلانه مسكوها مع فلان يعنى قعدات النميمه دى
قال صديقى بكل ثقه وهو بيحاول يفتح موضوع جديد فى القاعده
وبدا فى حكى قصه قيس وليلى الجديده نووووووووووووفى
بص ياسيدى
...........................
قيس باشا ابن الملوح كان واد صايع داير فى القبيله على حل شعره وماكنشى حد عارف ياخد معاه حق والا باطل ديما الخنجر فى جنبه اليمين والسيف فى الشمال وماشى فى القبيله يارض اتهدى ما عليكى قدى قيس بيه كان دايما بيتردد على خيمه الحجه ام رمضان ودى ست كانت بتبيع بلح رطب فى اول القبيله وانت داخل من ناحيه الترب ( المقابر يعنى )
كانت بيتجمع حواليها معظم بنات القبيله اللى تشترى بلح واللى بتقابل الواد بتاعها واللى بتنم هيا وصاحبتها على واحده تانيه واللى مستنيه عريس اصل الست ام رمضان كانت بارضه خاطبه واهو كلام حريم من اللى انتو عارفينه
وكان الشباب بيروحو كل يوم عندها يقابلو البنات وتبقى هيصه
((ياااااااااااه كلام صاحبى فكرنى بكافتيريا ام السيد فى طنطا
واحنا فى الثانوى ياااااااااااااااه كانت احلى ايام
تاخد البت فى دراعك وتطلع الدور التانى وتقعد ترغى وتسبل براحتك
ولا حد يقلك انت بتعمل ايه
تقعد ساعتين تلاته براحتك مابتحسش بالدنيا وانت بتشرب العصير كدا وطالب للبنت اللى معاك شاى ياااااااااااااااه احلى عيشه
ماعلينا)))
.......................
المهم ان ليلى هانم هيا كمان كانت بتروح عند الست ام السيد يوووووووه
اسف الست ام رمضان وهيا يعنى احسن من البنات اللى كانت بتروح دى كلها فى ايه
وعمنا قيس كان بيروح هناك بارضه اهو يتمنظر شويه ويعلقله بنت
وكانت ليلى مش بنت عم قيس لزم زى الناس مابتقول
لا
دول كانو ولاد عم داير يعنى ابو ليلى ابن عم جد قيس داير بارضه
وبالفعل عنيه وقعت على ليلى وبصراحه البنت كانت حلوه
حلوه حلوه يعنى بنت من الاخر
ورمى قيس عليها شباكه لغايه ما سلمت وبصراحه اعجبت بيه
ماهو كان طول بعرض كدا حيطه وسيف وخنجر برستيج عالى يعنى
بس الصراحه ماحدش عارف العلاقه دى بدات وهما فى اى سن
فى ناس تقول وهما فى الاعدادى وناس تقول وهما فى الثانوى وناس تقول وهما فى الكليه
الاراء متضاربه فى الحكايه دى بصراحه
المهم قيس علق ليلى وكان ليه واحد صحبه اسمه شيبوب كان بيألفله شعر وكان قيس بيقوله لليلى على اساس انه من تاليفه
على فكره شيبوب بتاع قيس غير شيبوب بتاع عنتر اللى كان فى فيلم فريد شوقى عنتر ابن شداد
والنبى ياجماعه ركزو معايا
(كل دا وصديقى اللى بيحكى خالو بالكو)
كان قيس بيشترى الاشعار دى منه اهو مره بنص قزازه بيره
ربع فوديكا اهو اى حاجه من اللى بتلخبط الدماغ دى
المشكله جات لما اهل ليلى عرفو من الشعر اللى كان بيقوله شيبوب فى ليلى وكان بيتقال على لسان قيس ان قيس افندى ماشى مع بنتهم
ليلى وياريت بيحبها دا ماشى معاها بيضيع وقت يعنى
اصله بصراحه مش لاقى حاجه يعملها او قاعد بيصرف هو واهله من العزبه بتاعه جده الملووووووووح بضم الواو الله يرحمه
راح ابو ليلى لابو قيس وحكاله عالموضوع وقاله نحلها ودى مارضاش
ومسكو فى بعض
عملو قاعده وجات ناس كبيره تحكم
ابو ليلى اتنازل كتير بصراحه وقاله يابنى عايز البت تعالى خدها وانا موافق انك تتجوزها
والا هاوز عليك اخوها الصغير يرنك علقه هو وصحابه يايرش عليك ماء نار يولع فيك وفى اللى جابوك
قيس خدته الشهامه ووقف وهو مدايق تولع فيا انا وفى اللى جابونى كمان
جواز ومش متجوز وهافضل ماشى معاها
واعلى جمل عندكو اركبوه
ابو ليلى قام متنرفز والناس تهدى فيه وقاله عليا الطلاق ياقيس لولع فيك
واتفضت القاعده على لا شئ
وكل واحد روح متنرفز ومتغاظ من التانى
ام ليلى لما ابوها حكالها عالى حصل دبرتله مصيبه
بعتت البت الخدامه اللى عنها لخدامه قيس وقالت لها هاتيلى شراب من عند قيس ويكون رحته وحش
وفعلا البت جابت الشراب واعطته لام ليلى
وبسرعه اتصلت بالوليه ام عطيه بتاعه الاعمال
السحر يعنى والكلام دا
وادتها الشراب وقالتلها عايزه الواد داه يمشى يكلم نفسه
وهذا ما كان فعلا اداتها كوبايه عصير لمون سكر زياده وقالتلها خليه يشرب منه
بالفعل بعتت ام ليلى الخدامه بتاعتها بالعصير لخدامه قيس
وقالتلها او ل مايجى سيدك قيس من بره اديله يشرب داه
(كان ناقص الاهبل اللى بيحكى يقولى اول مايرجع من النادى
اصل قيس من هواه لعب التنس اه ماهو كانو بيلعبو ببيض الجمال داهيه تشله صاحبى دا زى ماشلنى معاه)
عملت الوليه العمل ولسع قيس على طول
بعديها بفتره مات زى ما احنا عارفين
خلص صاحبى كلامه وعينك ماتشوفشى حاجه خالص
الشلل اللى وراهولنا وهو بيحكى بالاطه وكانه اكتشف امريكا من جديد طلعناه عليه ازواجا وافرادا
ـــــــــــــــــــــــــ ــــــــــــ
انتو عارفين صديقى اللى الواضح جدا انه طلع اجهل مما يتخيل احدكم
عرف قيس وليلى منين ولو انه بوظ الدنيا بس مش مهم؟؟؟؟
وانا وانتى وهو وكل العرب والاجانب كمان عارفين قيس وليلى ازاى
قيس وليلى كانو اشهر عشاق العرب
واول من تذكر اسمائهم كتب الحب العذرى
الحب العذرى ياشباب هو الحب المنزه عن اى شهوه ممكن تهدم الحب دا او تغيره
ماحدش ينكر ان نداء الغريزه لا بد منه ولكنى اقصد تنزيه المحبوب عن ما قد يسئ اليه طبعا كل دا قبل الجواز والا مايبقاش عذرى
اتجوزت خلاص انت حر اعمل اللى انت عايزه
فيه شباب كتير مارضاش فى حبه بالعزريه وحاول يتمادى فيه الى الغير مسموح
مش لمس ايدين وتسبيل لا ماباتكلمش عن كدا لمس الايدين امرها سهل مع انها ممنوعه بس جنب الباقى هينه

انت عايز الحق
كلامك صح بس مش دلوقت
يعنى يا انسه لما حبيبك يعمل معاكى كدا قبل الجواز يجى عند الجواز ويرفض يتجوزك مش علشان ماكانشى بيحبك لا بس علشان هو خلاص زهق منك هايتجوزك يعمل بيكى ايه ماهو عمل اللى عايزه هو ماعملشى اللى يدربك الدنيا صحيح يعنى ما بوظشى الدنيا هو كان خفيف خفيف
بس بارضه اسمه عمل اللى هو عايزه ومين عارف يمكن فى لحظه ضعف من الطرفين الدنيا تبوظ فعلا الانسان ضعيف ياجماعه
يعنى بيمل منك وبتبقى خسرتى نفسك ودينك وحبك بارضه
جمال البنت فى تعززها يعنى خليه يعرف انه ماينفعش حتى يمسك ايدك
خليه يجرب الحلال ياستى
وللشباب بقى ايه اللى استفدته لما عملت اللى عملته
واحد يقول بحبها .... ياعم الحجات دى بتقربنى منها اكتر بتزود نار حبى
طب انت بتشتغلنى والا بتشتغل نفسك دلوقتى؟؟؟ والنبى ياجماعه مش عايز تعليقات على بتشتغلنى دى
انا مش مفرش لا .... حاكم انا عارف لسان المصرين
بس اقف مع نفسك شويه وفكر فى اللى بتعمله
وصدقنى لما تضيع منك وتبقى بتحبها بجد هاتندم اشد الندم
لانك كنت بتتمناها فى الحلال بس الحرام ضيع كله
النبى قال (ماتركت لكونه حرام نلته بالحلال )او كما قال صلى ىالله عليه وسلم
طول مانت مقضيها حرام مع حبيبتك مش هاتشوف الحلال
رفقا بالحب ياشباب وليكن حبى عذرى
لتعرفو حقا طعم اجمل الاحاسيس التى زرعت فى الانسان
وربما يخلد التاريخ اسم من احب منكم بصدق
وكان عفيفا فى حبه
كما خلد اسماء عمالقه الحب العذرى
لكم منى كل الشكر والتقدير لوقتكم
منقولللللللللللل

[شمس الأصيل]

السلام عليكم ورحمة الله وبركاته

صاحبه ايه ده ايه الثقافة دي كلها

منك لبتاع الدرة يا شيخ

هي أصلا القصة مش كده خالص

يا جماعة والله البت ليلى جدعة قوي بميت راجل بجد

حد يعرف ان ليلي هي اللي رفضت الزواج بقيس

وفضلت عليه العريس اللي جابوه أبوها

عارفين ليه

لأنها بنت أصل رفضت تحط راس أبوها في الطين

لأن الواد قيس فرج عليهم الدنيا بشعره

يعني لو كانت وافقت عليه واتجوزته

يبأى بتأكد أي كلام فارغ اتقال عليها بسبب شعر المدهول قيس ده

والله أنا بحترم البت دي قوي

أخ

الجملة دي صعبة قوي عامله زي الطوبة

لانك كنت بتتمناها فى الحلال بس الحرام ضيع كله

شكرا يا منون حلوة

بس اللي يقرأ

[dr_manoon]

ربنا يخللى حضرتك يسلملىمرورك نورتى التوبيك

[scorpion]

السلام عليكم رحمة الله
انا هقول رأى واجرى على الله
بصراحة انا مش بحترم الواد اللى اسمة قيس دا والبت ليلى ولا الواد العريس اللى جاى لليلى
عارفين ليه
الواد قيس دا واد واطى ماشى يقول الشعر فى كل حتة حتى قبل ما يتجنن
دا اذا كان اتجنن فعلا
ليلى بقى مش متربية كدا وخلاص
الواد العريس بقى دا كيس جوافة
يعنى هو سامع الشعر اللى بيتقال على البت دا ورايح يتجوزها بردة
يلا !!!!!
المهم
الموضوع دا بيقارن بين الحب العزرى زى ما بيقول وحب الشهوة
انا مش هول غير حاجة واحدة
قال رسول الله صلى الله عليه وسلم
ما اجتمع رجل وامرأة الى والشيطان ثالثهما
صدق رسول الله صلى الله وسلم

بس خلاص

[dr_manoon]

مرسى لمرورك ياجميل فعلالازم ناخد موعظه من الحكايه دى ونتعلم كلنا

[ك/علاء النسر]

دى قصة قيس وليلى 2010
القصه الحديثه يعنى
حسبى الله ونعم الوكيل