مين هو المصري.................؟

[هشام اللول1]

المصري هو اللي لو عمل حاجة حلوة يبعت لجاره طبق يدوقه
وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت
وهو اللي لو سمع صوت زعيق وخناق عندك يجي يصلح
وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه
وهو اللي لو اتفرط منك كيس الجوافة في الشارع يقف يلمّ معاك
**********
المصري هو اللي لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك
و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في مواصلة و كان عارفك يحلف
ميت يمين ليدفعلك الأجرة حتى لو مافيش في جيبه غير نص جنيه
**********
المصري هو اللي يقعد معاك ع الفطار في رمضان
المصري اللي يشتري بالونات لولادك في العيد
المصري اللي يقف جنبك وانت بتدبح الاضحية
المصري اللي يباركلك لما ابنك يجيب مجموع ويساعدك يجيبله شغلانة
المصري اللي ييجي يقولك تجيب كشاكيل و أقلام بالجملة عشان توفر المصاريف
**********
طيبة المصري مش ممكن تلاقي زيّها فى اي بلد تانية
*********

[محمود سمير]

اصلى يامعلم المصرى مصرى وانت شكلك مصرى نايس توبك

[♥بـونـبـونـايـه سـكـره♥]

ياريت بكد يا هشام تصبح الناس زى ما انت بتوصفهم
كانت الدنيا بقت حاجه حلوه اوى ومكنش حد دخل النار داحنا مقاطعين الجيران ومش بنتكلم مع حد علشان كل حاجه انت بتقولها موجوده فيهم بس العكس فبابا تعب وقال نبقى فى حالنا احسن
عمتا تسلم توبيك جااااااااااامد اخر حاجه
وثانكس

[ممدوح البدري]

كلام جميل قوي صدقني هو ده اللي أتربينا عليه في الحارة ومهما حصل هو ده اللي بنشوفه وبالذات وقت الزنقة صحيح حصل تغيير وبالذات بعد مايسمي بألإنفتاح

ولكن برضه المصري هو أبو الشهامة والرجولة والكرم

[هشام اللول1]

نموت نموت نموت نموت نموت نموت نموت نموت
وتحيا مصر