(كان بينا حب ) وراح فين ؟

[LOLO]

كان بينا حب كان فى مشاعر اكبر من احساس فى قلب كان فى صراحه وعمره ما كان فى كدب كان حب بس مفيش خداع كان حب حب
الحب كلمه جميله ومعناها اجمل ليه لما نسمعها او نحس بيها نفتكر انها سبب للعذاب والتعب والمشاكل للطرفين ليه دايما بيكون مع الحب عذااب وبعدها فشل لاجمل علاقه حب ليه دايما بنتنازل عنها ونقول مينفعش نكمل
ليه مش بنحافظ عليها ونسبها تموت يا جماعه بجد الموضوع دا مهم اوى لو فكرنا فيه بجد ليه بنسيب حبنا يضيع مننا ونقول ظروف وحاجة غصب عننا ليه كل حاجة حلوة بين الطرفين بتتغير
فى اول العلاقه يحلموا ويوعده بعض بكل حاجة حلوة وجميله ومع الوقت ميحصلشغير تعب ومشاكل تفتكره السبب من البنت ولا الولد ولا الظروف وايه هيه الظروف وليه نستسلملها بسهوله كدا ناس كتير هتقول مش بسهوله بس فى الاخر بنستسلم
طب عشان كل دا ميحصلش وتفضل بينهم الحب الجميل اللى اتولد معاهم وعاش بينهم فى كل لحظه تعالوا بجد نفكر سوا وكل واحد يقول ليه الحب بيقل وبيروح بعد مرور اجمل سنوات عمرهم

[my baby you]

الحب بيقل عشان بتخلصى اوى للى بتحبيه.عشان عرف انك مش هتقدرى تعيشى من غيره.وبعدين هى الدنيا كده مش بتدينا كل حاجه.لو فرحتنا مره بتاخد التمن ونقول ياريتنا ما كنا فرحنا عشان مش نحس بالوجع ده

[عمارطه2009]

الحب بيقل بسبب الظروف والحاله الاقتصاديه والبطاله وحاجات تانيه كتير وانا باقولك ان الحب بيضيع بسب البنت بنسبه كبيرة أوي أكتر من الرجل لاني البنت في النهايه بتفكر بعقلها وتلغي قلبها بسب تدخلات الأهل وفرض الشخص اللي هترتبط بيه عليها حتي لو مش عايزة _ولو سألتي واحدة متجوزة وقلتها بتحب جوزها هتقولك مش مهم أحبه كفايه اني هو بيحبني وخلاص هتقولي ليها أتجوزتيه ليه مدام مش بتحبيه هتقولك مالقتش أفضل منه وأهو عيشه وخلاص_ شفتي البنات بتفكر أزاي _علي فكرة الكلام دا سمعته من كم ست متجوزة وليست حاله فرديه _عرفتي الحب بيضيع ليه _وشكر لمجهودك وموضوعك الرائع_

[kimo89]

انا رائي من رائي عمار وده طبعا لظروف الشباب اللي خارجه عن ارادتهم وتحكم الاهل وطبعا وجود العريس الجاهز الكامل من مجميعه