رد مع اقتباسمشاء الله ومسجلة كمان بأسم المؤلف
بس ههو دا راب ولا اية ؟؟
بس بجد حلوه و شكراً على انك اهدتنا هذه الاشعار يا فنان
وربنا يوفقك
قهوتنا على الانترنت
مصراوي مفيش منه
مش عايزة اسمع تاني أعذار " غنوة لـ عصام الدين محمد "
مش عايزه أسمع تاني أعذار
مش حاسة معاك أنا باستقرار
مفيش كلام ويايا هــــيفيد
طول م طبعك قاسي وعــنيد
يـــوم م حطيتك ف راسـي
كـنت فكراك واعــي وراسي
ويــوم م حــطيتك ف قلـبي
قـالولي بلاش قـلت ده حـبي
وأتـحديت بيك الــناس
لكـن أهو كدب الأحساس
وطلع كــلامهم هو الحق
وظـني بــيك طـبعا لأ
وأديني بشرب وحدي مرار
مش عايزه اسمع تاني أعذار
******
كنت بتوعد كتير وتــخلف
وعشان أصدق كدبك بتحلف
وياما كنت كــتير بسامح
وأجمع صوره ملهاش ملامح
مش شايفة فيك دلوقت حبيب
كل اللي شايفاه هـوان تعذيب
وقــلب مجروح م اللي صابه
إديــته غـدرك وإداك شبابه
حـقيقي فـكري معاك إحتار
مش عايزة اسمع تاني أعذار
******
جـي تقولي إديني فرصة
اسمعها مني بقولك إنسي
يامـا إديتك زمان كـتير
وكان أملي يكون فيه تغيير
لكـن عشان م إنك صغير
مـفيش أمل في يوم تتغير
عيشت قلبي سنين في النار
مش عايزة اسمع تاني أعذار
*************************
كلمات عصام الدين محمد " عصام قمر "
مسجلة بالشهر العقاري
باسم المؤلف
التعديل الأخير تم بواسطة عصام الدين محمد ; 3 - 10 - 2009 الساعة 08:39 PM
نجم مصراوي
مشاء الله ومسجلة كمان بأسم المؤلف
بس ههو دا راب ولا اية ؟؟
بس بجد حلوه و شكراً على انك اهدتنا هذه الاشعار يا فنان
وربنا يوفقك
مصراوي مفيش منه
عزيزي شيخ البلد
شكرا لمرورك الجميل وكلامك الاجمل.......... بس حسيت انك بتتريق من عبار ة " مسجلة بالشهر العقاري" وهو ده يزعل حد ياشيخ البلد انما هو مجرد حفظ للحقوق الفكرية للمؤلف يعني اجراء عادي ................ تمنياتي لك بالتوفيق
عصام الدين محمد
مصراوي
رائع ياعصام وننتظر المزيد بس عاوزين تفاؤل وحاجة تساعدنا على الحياة مش ناقصين احزان بس كلمات رائعة ياشاعر المستقبل واتمنى لك التوفيق
مصراوي مفيش منه
العزيزة لولي
اشكر لك مرورك الدائم علي مشاركاتي ويارب يكون في اعمالي ما يستحق منك هذا الكرم واشكرك علي عبارة" شاعر المستقبل" ويارب دايما عند حسن ظنك
عصام الدين محمد
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
