لما اسمع غنوة حب " أغنية لـ عصام الدين محمد "

[عصام الدين محمد]

لما اسمع غنوة حب

علطول بفكر فيك

وتزيد دقات القلب

لم أعرف انك جيت

أهلا بحبيبي الغالي

بنورك نورت البيت

***********

حبيبي انا تحت أمرك

شاورلي بطرف صابعك

هسيب الدنيا واجيلك

واعصي الكل واطاوعك

خليت للعمر قيمة

وكات قبلك أيام وتعدي

يابو قلب كله طيبه

ياهنا أيامي وسعدي

لو تطلب عنييه خدهم

وانا كلي ملك إيديك

وعنيه ايه فايدتهم

غيربيهم أطل عليك

***********


كلمات عصام الدين محمد


مسجلة بالشهر العقاري

[لولى]

رائع عصام بس يبدوانك رومانسى قوى قوى ولا انا بعتقد يا شاعر المستقبل

[عصام الدين محمد]

عزيزتي لولي : وهي الرومانسية عيب في الزمان ده يالولي!؟ بس صدقيني انا بردو واقعي في الأمور التي تتطلب العقل والحكمة
شكرا لمرورك الجميل ونورتيني
عصام الدين محمد

[لولى]

الرومانسية حاجة جميلةيبدوانها اختفت من حياتنا بعض الشئ ولكن اشعارك رائعة فى الرومانسية بس اكيد الرومانسية دى بتسبب ليك مشاكل كتير فى حياتك وننتظر المزيد .<شاعر المستقبل>

[عصام الدين محمد]

عزيزتي لولي
صحيح الرومانسية بتسبب لي مشاكل كتيرة في حياتي بس انا سعيد بيها لأنها بتخليني دايما عندي أمل وبحلم كتيرواللي ما بلاقهوش في الواقع بلاقيه في الخيال
وأشكر لك مرورك الجميل
عصام الدين محمد