ساعد إدارة الكافيه

**علي مدكور** · 6 - 10 - 2009, 12:56 PM

السلام عليكم ورحمة الله وبركاته

كيف يمكني مساعدة إدارة الكافيه ؟

يمكنك مساعدة إدارة الكافيه على حذف المواضيع المخالفة والمشاركات المخالفه
وكمان أسماء الاعضاء المخالفه
لنحافظ على الكافيه بالشكل المطلوب,

إزاي اقدر ابلغ ان في موضوع مخالف او مشاركة مخالفة ؟
بكل بساطة روح على المشاركة المخالفه او الموضوع المخالف
هتلاقي الرمز ده فوق خالص فى المشاركة
دوس على الرمز واكتبلنا سبب التبليغ
بعدها هتلاقي موضوع اتعمل بإسمك اوتوماتيك فى ركن ( مناقشة المشاركات المخالفه )

الإدارة هتشوف الموضوع وهتعمل اللازم ان شاء الله ,
وكمان لو في عضو مخالف وعامل مشاركة ممكن تستخدم نفس الطريقة....

شكراً وجزاكم الله خيراً

**~~XxX7o00odAXxX~~** · 6 - 10 - 2009, 01:23 PM

تسلم افكارك يا على باشا
يارب دايما من تقدم لاخر
وياريت فعلا الاعضاء تعمل بالموضوع ده
هيساعدنا كتير
ربنا معاك ومعانا يا على

**جلال عزت** · 6 - 10 - 2009, 02:05 PM

السلام عليكم و رحمة الله و بركاته...

طبعا انا عارف ان الموضوع غرضه الاساسى الايضاح مش انتظار الرد يا على .. خصوصا ان المقصود منه طلب مساعدة الاعضاء من اجل الرقى بالكافيه، و على ما اظن الكل اكيد عارف اهمية التبليغ عن عضو اسمه مخالف او توقيعه او مشاركته .. بس احب اضيف كلمة صغيرة على كلامك ان سمحت و مكانش ده هيضايقك...

يا جماعة النت يجوز يكون عالم رقمى فعلا، لكن برضه بنتحاسب على كل كلمة بتحصل بنكتبها او اى تصرف بيحصل مننا و بيكون غلط او يغضب ربنا .. يعنى اللى يشتم عضو او يقول كلمة لعضو مالهاش لازمة على اساس انه ميعرفوش على النت .. لا و يجوز يكون عارفه بره المنتدى و على الواقع و بيقابله يسلم عيله و ياخده بالحضن و يبوسه!!!!

ده احب اقوله اتطمن .. ان مش كان هو عارفاك علشان ينصف نفسه منك فربنا عارفاك و هينفصه و ياخد حقه منك سواء فى الدنيا او الاخرة، فرسالة لكل عضو جديد و لنفسى قبلكم: يا ريت نتعامل مع بعض بأمانة شوية لانه داين تدان و محدش بيتصرف غلط و ممكن يفلت بيه او محدش بيتصرف غلط و ممكن يلاقى اللى يسكتله .. لما بنسكت عن الغلط مرو بنلاقى الغلطان بيسوق فيها و بيزيد غلطه و هتكون حجته اننا مش فى دماغنا و مش فايقين و محدش مهتم، لكن ان اتصرفنا صح من الاول هنلاقى الناس تخاف و متتصرفش غلط و مع الوقت هيفكروا و ميتصرفو شغلط خوفا من الله عز وجل مش خوفا مننا، يعنى اللى بيبلغ عن حاجة غلط و بيعترض عنها بيكون لمصلحة غيره مش يقصد يأذيه.

اسف لانى طولت عليكم و اتكلمت كتير و بشكرك يا على النصيحة و التوضيح و بإذن الله تعالى كلنا ايد واحدة فى مواجهة الغلط...

دمتم بود...

محمود...

**smile means** · 6 - 10 - 2009, 02:06 PM

على فكره انا بلغت وعملت شكوى عن العضو الجديد وياريت انتو فعلا تعملو الازم
مشكوره

**Mr.Mo0ody** · 6 - 10 - 2009, 02:13 PM

نتمني يارب ان كل الأعضاء تشترك معانا فى النشاط ده

لأنه في الأول والأخر الحفاظ على النظام ةالأخلاق داخل الكافيه

هتعود عليكم أنتم أولا ً كأعضاء

ونتمني ان نكون دائما ً بمثابه أسرة واحده

وجزانا الله وإياكم خيرا ً