قهوتنا على الانترنت
النتائج 1 إلى 6 من 6
  1. سؤال محتارة ومحتاجة رأيكم جداااااااااا

    السلام عليكم

    كنت عاوزة اّخد رأيكم فى موضوع وياريت تجاوبونى علية ....
    أنا عندى اختى اتقرى فتحتها لواحد قريبنا من شهر فبراير اللى فات وهو بصراحة كان شخص كويس جدا بشهادة الجميع (متدين ومحترم وحنين) والأيام دى كانت المفروض الشبكة ولكن اللى حصل اننا اكتشفنا ضعف شخصيتة وسلبيتة أمام أهلة يعنى بمعنى أصح أهلة هم اللى بيتصرفوا فى كل حاجة كل ما أختى تسألة عن حاجة تخصهم يقول معرفش وبيبقى مستنى رأى عيلتة الأول علشان يعرف يرد ،المشكلة دلوقتى ان أختى عاوزة تسيبة وشبة قالتلو كدة بس أنا مش عارفة دة صح ولا غلط ..خايفة تسيبة وتندم بعد كدة

    مع العلم ان اختى من الأول مكنتش متقبلاة بس وافقت لما لقتنا كلنا بنشكر فية وفى أخلاقة

    هل الطيبة والحنية لوحدها تكفى ولاا.....................

    ياريت الرد بسسسسسسسسسسسرعة

  2. #2
    تاريخ التسجيل
    5 - 11 - 2008
    ساكن في
    لوحدي تيججي تسكن معايا
    المشاركات
    210
    النوع : ذكر Egypt

    افتراضي

    السلام عليكم ورحمة الله وبركاته
    اولا القرار اولا واخيرا يرجع لاختك لانها الانسانة الي هتفضل معاه طول عمره وهيه لو شيفاه انه مينفعش يبقي شريك الحياة او الشخص الي تقدر تعتمد عليه وتسيب بين اديه حياتها يبقي مش هينفع الارتباط لازم يكون للشخص الي هترتبط بيه شحصية مستقلة علشان بعد كده يقدر يتحرك في الدنيا لان اهله مش هيقعدولوا طول الوقت ولا طول العمر بس انا بقول يارب ميحصل حاجة وحشة ويمكن هيه لما تقوله الكلام ده هوه يراجع نفسة ويغير من نفسة وان شاء الله ميفترقوش لانه شاب كويس ومحترم وطبعا دي صفات اي بنت تتمناها وان شاء الله تشوف اختك كل خير يارب تقبلي مروري

  3. #3

    افتراضي

    بصى يا حبيبتى اللى مالوش رائي دلوقتى مالوش لزمة بعد كده
    يعنى هايعمل اية فى البيت لما مراتة تطلب حاجة هايروح يقولهم ويقول لمراتة استنى اخد الرد
    لا طبعا بس انا مابقولش تسيبة يعنى تحاول معاه بطريقة كويسة انه يكون شخصيتة ولو محتاج رائي يبقى رائيها هيا علشان دى حياتهم الشخصية
    خليها تحاول بس وان شاء اله اللى فى الخير ربنا يقدمه
    ولو مافيش فايده صدقينى هى اللى كسبانة لو انفصلوا احسن لاقدر الله يجى الانفصال بعد الزواج
    دلوقتى يبقى احسن ليها
    يارب تكونى فهمتى قصدى
    لاتجادل الاحمق فقد يخطىء الناس فى التفريق بينكما


    لست مجبره ان يعرف الاخرين من انا!!!

    فمن لديه مؤهلات القلب ! والعقل ! والروح
    !سأكون امامه كالكتاب المفتوح

    البحث على جميع مواضيع العضو شيري العسولة

  4. #4
    تاريخ التسجيل
    21 - 3 - 2009
    ساكن في
    الزقازيق - شرقية - مصر
    العمر
    36
    المشاركات
    91
    النوع : ذكر Egypt

    افتراضي

    سلام عليكم...

    والله يا لميس انتى ان كنتى عاملة الحكاية كفكرة نقاش عادى كنت اتكلمت و استفضت .. لكن المشكلة انها واقع فعلا و يخص اختك فاخاف قوى اقول رايى يحصل مشكلة، بس انا هتوكل على الله و اتكلم علشان ابقى ارضيت ضميرى برضه...

    الشخص الضعيف و اللى معتمد على اهله فى كل حاجة ده اسوا بنى أدم ممكن الانسانة ترتبط بيه لانه له مشاكل لا حصر لها بعد الزواج على سبيل المثال اثنين منهم و هما: ان اهله ممكن يتدخلوا فى حياتكم حتى بعد الزواج و يخلوه يتصرف بطريقة اسف تهد البيت اللى اتبنى و تخربه، و الحاجة التانية انه يوم ما يحب يعمل لنفسه شخصية هيعملها عليها مش على حد من اهله.

    لكن هل خطيب اختك كده فعلا؟!!! مهو ممكن يكون سكوته و انتظاره راى اهله احترام ليهم مش اكتر لان فيهم اللى اتجوز و عارف و بياخد رايه او والده و هو اقرب و هيرشده لانه مفيش اب مش بيخاف على ابنه .. انما ان كان العكس فاكيد ميبقاش نافع اصلا و ربنا يهديه...

    نقطة مهمة و هى انك قلتى اختك مش كانت متقبلة الشخص ده .. دى لازم تتحط فى الاعتبار لانهم ممكن تكون مش بتفصل ما بين الواقع و عدم اقتناعها بخطبيها و تكون بتعبر مشاورته لاهله نوع من ضعف الشخصية او كده .. الله اعلم!!!!!

    بعتذر ان كنت تجاوزت شوية بس انتى طلبتى الرأى و انا بقدمه اهو و بقولك الحنية متنفعش فى اليويمن دول لا هتكل عيش و لا هتفتح بيت...

    بعتذر على الاطالة....

    محمود...

    كن صادقا مع نفسك .. ليكن من حولك صادقون

    كن رحيما مع الضعيف .. ليرحمك القوى حين تضعف

    كن سمحا مع الناس .. لينظر لك الاخرون باحترام و تقدير
    د/ محمود...

    البحث على جميع مواضيع العضو جلال عزت

  5. #5
    تاريخ التسجيل
    5 - 10 - 2009
    ساكن في
    الشرقية -الزقازيق
    العمر
    41
    المشاركات
    267
    النوع : ذكر Egypt

    افتراضي

    بصراحة مش عارف ابدأ منين
    ويمكن عشان زى ما اللى قبلى قالوا انها مشكلة واقعية فصعب تدى حل فيها
    بس برضه رأيى من رأى محمود هل فعلا دا ضعف فى شخصيته ولا احترما ليهم؟
    وبعدين فى حاجات مناخدش بالنا منها
    ممكن تكون مثلا طلبت منه حاجات داخلة فى الماديات ويكون ساعتها اهله هما اللى بيجهزوه فبالتالى قرشه مش فى جيبه فبالتالى بيرجع ليهم الاول
    وانا مقصدش ان اختك مادية او كدا
    انا عاوز اوضح ان ممكن الامر اللى اختك بتتكلم فيه او بتبقى عاوزاه ممكن يكون فى ايد اهله مش فى ايده
    بس
    برضه نرجع ونقول تحاول تصلح من شخصيته دا لو فيه وقت
    لكن لو مفيش يبقى بلاش
    وعن تجربة للاسف اختى كانت مخطوبة لواحد نفس النظام
    لدرجة ان والدته فى مرة اتهمتها بالباطل بالسوء (أسوأ ما يكون) والمفترض انها خطيبة ابنها وهوا لم يتحرك
    بل وصل الامر وقتها الى ان والدته خلت اخوها يتصل بوالدى يهدده لو اختى مبعدتش عن ابن اخته غير بقى الاتهامات دول كانو خارجين مع بعض الساعة كذا
    والوقت اللى بيذكره ولله الحمد اختى كانت بتبقى موجودة فى البيت او معانا فبالتالى والدى مكنش بيصدق
    واستنينا من خطيبها يعمل حاجة لا حياة لمن تنادى
    كل اللى على لسانه دية امى هعملها ايه؟
    دا حتى لو مش هتقول ولا هتعمل حاجة على الاقل اتصل بوالد خطيبتك اعتذرله عن اللى بيعملوه
    والله لجل حظهم ان والدى مشلول تماما ومبيتحركش من السرير والا كان هيبقى فى كلام تانى وقتها
    وفى الاخر الحل السليم كان فسخ الخطوبة
    وهيجيلها بداله احسن
    الشباب الكويسين مخلصوش (الطيبين للطيبات)
    فبرضو ل هوا فيه نفس الكلام دوت الاحسن تسيبه
    برضه انتوا شايفين الواقع وادرى
    اخوكى حسن
    فى رعاية الله





    اخوانى الكرام اعتذر عن الكتابة الشخصية وسوف اقوم بالنقل فقط لظروفى الصحية مع وعد بان اقوم بالكتابة من جديد قريبا ان امكن بإذن الله

    البحث على جميع مواضيع العضو شاب مسلم

  6. افتراضي

    بجد يا جماعة مش عارفة أشكركم أزاى... وتقريبا انتو قلتو كل الكلام اللى المفروض يتقال وتقريبا نفس اّرائنا فى البيت احنا كمان....... واللى فية الخير يقدمة ربنا بس طلب أخير ياريت تدعو لأختى ان ربنا يهديها للطريق الصحيح ويبينلها الصح من الغلط قولوا اّمين

    ربنا مايحرمنى منكم ولا من وقفتكو جنبى ياااااااااارب

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 15
    آخر مشاركة: 1 - 11 - 2011, 12:18 PM
  2. مشاركات: 3
    آخر مشاركة: 23 - 2 - 2011, 05:47 PM
  3. وفاة مايكل جاكسون(صورة مايكل داخل الاسعاف)
    بواسطة ملكة القلوب في المنتدى صور
    مشاركات: 24
    آخر مشاركة: 28 - 10 - 2010, 04:24 PM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©