اهمية عضلة العين فى تثبيت البنات؟؟؟

[♥بـونـبـونـايـه سـكـره♥]

مساء الهنا


أنا عايزه أكلمكم انهاردة على فن لازم يبقى عند معظم الشباب

( إزاي تثبت بنت )


في مؤتمر في سويسرا لبحث كيفية تثبيت البنات تقدمت ببحث في تأثير حركة العين الشمال عند الولد على عملية التثبيت و توصلنا في البحث إن البنت أول حاجة بتلاحظها في الولد حركة النني و عدد شعرات الرمش لذلك لابد أن تحرص على تدريب عضلة النني من أربع إلى خمس ساعات يومياً مع إتباع نظام غذائي محدد علشان تعرف تثبت ..

الولاد

(مش عايزه أتوهكم و أدخل في مسائل علمية لإني عارفكم جهلة ولذلك هشرحلكم بالبلدي)

يعني أول ما تشوف البت تروح يا معلم مشغل العضلة الشمال للنني و تغمز غمزة 2 قدم و نص بزاوية ألفا 27 درجة و تروح قايلّها (لوسمحتي ممكن دقيقتين من وقتك؟) أول ما تسألها السؤال ده

-:اللي هيحصل كالأتي

الإحتمال الأول انها تقول ( نعم ) و ده بنسبة 65% و هيترتب عليه اللي هنقوله بعدين ....

الإحتمال الثاني انها طبعا تقول ( لا ) و ده بنسبة 80 % و محدش يسألنتي إزاي و هيترتب عليه اللي هنقوله بعدين برضه... و في طبعاً آخر إحتمال بنسبة 100% إن هي هتبصلك بقرف و مدام بصتلك بقرف يبقى انت مفهمتش موضوع العضلة...


-:ونرجع للإحتمال الأول

انها تقول ( نعم ) ترد انت تقول (نعم الله عليكي) هتقولك (خير) قولها (خير ان شاء الله) و تشغل العضلة بس اتوصى و إتّك عليها شوية هتقولك (مال عينك ؟) قولها (خناقة) و بكده تصعب عليها تروح هيا مكلماك و تظبط يا معلم وهتعيش بس ابقى عرفني على بنت خالتها ......



الإحتمال الثاني انها تقول ( لا ) في الحالة دي بقى عايزة تتكلم بس هي بتتقل و مدام تقلت يبقى خرشمت و موضوع العضلة صعب في الحالة دي ، إذن مفيش غير موضوع أنا كنت عرضته في مؤتمر تاني في السنغال الشرقية لأن الطريقة دي أثبتت فعالية في تثبيت البنات السود و اللي بيتقلوا اللي هي (طريقة 325 جنايات) تقولها بستهزاء و انت بتبتسم إبتسامة ساخرة ( ايه التقل ده انتي حاطة في جيوبك ظلط ؟ ) طبعاً هي ممكن يغما عليها من دمك الخفيف يا خفيف ، فا هتروح انت مدي ميزد كول للإسعاف بالموبيل بتاعك ، هما طبعاً مش هيفهموا حاجة من الميزد ده لكن هي هتفوق و تروح مرمية في حضنك بمجرد انها شافت الموبيل معاك ويسلام لو بكاميرا

و بكده انت بدأت تحط رجلك على طريق التثبيت بس اغسلها الأول وبلاش تحط رجلك و هي معفنة و خطي برجلك اليمين وابقى قابلني لو إتعرفت على أي بنت.

انا عاوزه ردودكوا بأه ولو حد جرب يقول حصل معاه ايه

[sunlight]

موضوع جميل ومفيد
بس اللى هيجرب
مش هيبقى ليه غير
.......... الشوز ...........
وحلوه عباره :
" ايه التقل ده انتى حاطه فى جيبك ظلط "

[medo_1792000]

لكن ما قلتيش ايه النظام لو بصت بقرف بقى ؟!!!!

[♥بـونـبـونـايـه سـكـره♥]

موضوع جميل ومفيد
بس اللى هيجرب
مش هيبقى ليه غير
.......... الشوز ...........
وحلوه عباره :
" ايه التقل ده انتى حاطه فى جيبك ظلط "

تسلمى يا قمر لردك ولانك نورتى موضوعى

[♥بـونـبـونـايـه سـكـره♥]

لكن ما قلتيش ايه النظام لو بصت بقرف بقى ؟!!!!

افقد الامل وامشى بأه علشان متلاقيش اخوها وابوها قدامك
ههههههههههههههههههههههههه ههههههههه
تسلم على مرورك ميرسى