ضل حيطه ولا ضل راجل ((بلا وكسه))

[شيري العسولة]

ضل حيطه ولا ضل راجل ((بلا وكسه))
معلشي يارجاله هانشن حرب صغنونه كده عليكم استحملونا بقى
من مناقشات الحريم في اجتماع
وقفت الست بهيه على منصه عاليه وبدات تخطب قائله**
قال بيقولوا ضل راجل ولا ضل حيطه .... ياختي بلا وكسه!
* بذمتك عمرك سمعتي عن حيطه تقعد تشخر طوول الليل وماتخلكيشي تعرفي تنامي؟؟
* ولا حيطه تدخل من باب البيت وتقعد تشخط عايزه الغداء,وبعدين تطين عشتك علشان الملح طلع زايد في الباميه؟؟
*ولا ممكن ترجعي البيت في يوم تلاقي حيطه بتبوس الشغاله؟؟
*طيب شفتي حيطه تملا لك سقف البيت دخان, وارضيته سبارس؟؟
*ولا حيطه تقعد تتنك عليكي وتقولك انتي رايحه فين وجايه منين؟؟
*ولا حيطه تدوخك وراها علشان تعرفي هيه كانت بتكلم مين في التليفون بعد نص الليل؟؟
* طيب دي الحيطه معروف مكانها دايما , انما المحروس يدوخك وراه علشان تعرفي هو سهران في انهي داهيه.. قال ايه عنده شغل .. ياسم؟؟
* بذمتك في حيطه تحاول تطلعك غلطانه في كل كلمه تقوليها علشان تثبت للعيال ان الحيطه بتفهم احسن منك؟؟
*ولا حيطه تلوي بوزها وتقعد بالفلنه لما امك تيجي تزورك, وتحبك معاها تحكي نكت عن الحموات؟؟
*ولا حيطه تقعد تقولك ماتخرجيش بالفستان ده احسن ضيق عليكي, ولما تقوليلها هاتي فلوس علشان اشتري فستان غيره, تعمل ودن من طين وودن من عجين؟؟
** ياشيخه بلا قرف, الحيطه اجدع على الاقل مش ها تتحبسي لو فاض بيكي ونفذتي كل حلم الستات , ودقيتي في الحيطه دية مسمار
***صفقت كل النساء بحماس, وهتفوا هتافهم الخالد**
قطيعه تقطع الرجاله وسننهم.......
ولما خف الهتاف والتصفيق ردت احدى الجالسات بعد مصمصة الشفايف**
بس يابهيه ياختي برضه في شبه كبير,, ساعات كده تحسي ان الحيطه زيه زي الحيطه كده تمام*
لما تطلبي مصروف البيت
*ولما نفسك تخرجي معاه تشمي هوا
* ولما تقوليله روح المدرسه علشان طالبين ولي امر الولد
* ولما واحده جارتك تعصر غسيلها المبلول على غسيلك
اضافت واحده اخرى من الجالسات**
طبعا الراجل زي الحيطه وماعندهوشي عواطف وعمره ماتطلع منه لفته رقيقه, يعني الراجل الحيطه ده, لو جاتله حاله من الرقه هايبقى ايه؟؟ يتحول الى لوح؟؟
ولما تحبي تدلعيه تقوليله يالوح قلبي؟؟؟

يلا ياشباب اكيد انبسطوا ان شاء الله يارب دايما
انا مش بولع الدنيا ولا حاجه!انا بس بهدي النفوس انتوا عارفين بقى
ياجماعه مش عايزين حد يزعل من التاني وكل واحد يلعب مع التاني في هدوء
والله شكلي هااطرد من المنتدى ده

ربنا يستر




يا بنات انا بدردش معاكوا بهزار ده النص اللى منعرفش نعيش من غير ما ننكد عليه و لا ايه؟؟؟؟
ههههههههههه

[انتهينا]

ماااااااااااااااااااااااا ااااااااااااااااااااااااا ااااااااااااااااااااااااش ي

مهو احنا اللي سيبناكي براحتك خدتي علينا بقه

على رأي المثل سكتناله دخل بــ .................................. برجله الشمال هههههههههههههههههههـ


اقولك حاجه انا هسيبك المرادي ومش هرد عليكي عشان بصراحه كده مش فايق .. وبقول برضه الطيب احسن ههههههههههههههههههههههههه هه

وخصوصا ان عارف ومتأكد انك جايه تهدي النفوس هههههههههههههههههه

دا انا قرأت الموضوع يجي عشرين مره .. اني اشوف حاجه عدله اتكتبت فينا ... ابداااااااا

مفيش نايس توبك

[شيري العسولة]

ههههههههههههه
هى دايما كده الحقيقة توجع
ودى حقيقة بس انت افتريت عليا انا زكرت اننا مانقدرش نعيش من غير ننكد عليكو يعنى زكرتكوا باحسنا اهو
خلاص انا كمان مش هارد عليك
ولا هاقولك شكرا لمرورك

[No TiMe]

ما الحيطه اللي بتتكلمي عليها دي من غيرها مش هتعرفو تعيشو
وحكايه التكد في دم البنات كلهم وعلينا نستحمل نعمل ايه بقي علينا نستحمل
علي العمووم من غير الرجاله مش هتعرفو تعيشو وسلمتها ام سعيد
وابقي طفي النور وناتي طالعه لتتخبطي في باب ولا تتكعبلي في عتبه

[تامر المصرى]

موضوعك جميل بس لو انتى شايفة
ان الرجالة كدا ادخلى معايا فى التحدى
بتاعى
بعنوان

تحدى بين غرور حواء وكبرياء ادم

وهانشوف مين اللى هايكسب
ادم
ولا
حواء

[monah]

tab ya gama3a mandl3 nafsena e7na w blash n5le el ragl shrek fe kol 7aga

[شاب مسلم]

وعليكم السلام ورحمة الله وبركاته

ضل حيطه ولا ضل راجل ((بلا وكسه))
معلشي يارجاله هانشن حرب صغنونه كده عليكم استحملونا بقى
من مناقشات الحريم في اجتماع
وقفت الست بهيه على منصه عاليه وبدات تخطب قائله**
قال بيقولوا ضل راجل ولا ضل حيطه .... ياختي بلا وكسه!
* بذمتك عمرك سمعتي عن حيطه تقعد تشخر طوول الليل وماتخلكيشي تعرفي تنامي؟؟
ماهو غلط مراته نامت ليه جنبه ما عنها كنبة الصالة
* ولا حيطه تدخل من باب البيت وتقعد تشخط عايزه الغداء,وبعدين تطين عشتك علشان الملح طلع زايد في الباميه؟؟
ماهو لو الملح مظبوط مكنش شخط ولا ايه
*ولا ممكن ترجعي البيت في يوم تلاقي حيطه بتبوس الشغاله؟؟
غلط الشغالة ولا ايه:-s
*طيب شفتي حيطه تملا لك سقف البيت دخان, وارضيته سبارس؟؟
مش عرف ايه سبارس دا معلش اخوكى ملوش فى العربى
*ولا حيطه تقعد تتنك عليكي وتقولك انتي رايحه فين وجايه منين؟؟
غلطك ماهو مترديش من الاساسوسمعى لسؤاله ليه
*ولا حيطه تدوخك وراها علشان تعرفي هيه كانت بتكلم مين في التليفون بعد نص الليل؟؟
ههههههههههه ماهو لازم يدوخها اومال عاوزاه يتكلم قدامك (مستغنى عن عمره ولا ايه)
* طيب دي الحيطه معروف مكانها دايما , انما المحروس يدوخك وراه علشان تعرفي هو سهران في انهي داهيه.. قال ايه عنده شغل .. ياسم؟؟
ماهو لو بتقفلوا الباب بالترباس مش هيكررها يعنى غلط الست قبل الراجل
* بذمتك في حيطه تحاول تطلعك غلطانه في كل كلمه تقوليها علشان تثبت للعيال ان الحيطه بتفهم احسن منك؟؟
هههههههههههه
وليه تسكلته اساسا ما تجادل لاخر قطرة فى دمها ولو ماتت تبقى ماتت شهيدة الحق
*ولا حيطه تلوي بوزها وتقعد بالفلنه لما امك تيجي تزورك, وتحبك معاها تحكي نكت عن الحموات؟؟
مجرتهاش
*ولا حيطه تقعد تقولك ماتخرجيش بالفستان ده احسن ضيق عليكي, ولما تقوليلها هاتي فلوس علشان اشتري فستان غيره, تعمل ودن من طين وودن من عجين؟؟
ماهو اداها اول مرة تمن الفستان وجابته ضيق ولا هيصة
** ياشيخه بلا قرف, الحيطه اجدع على الاقل مش ها تتحبسي لو فاض بيكي ونفذتي كل حلم الستات , ودقيتي في الحيطه دية مسمار
***صفقت كل النساء بحماس, وهتفوا هتافهم الخالد**
قطيعه تقطع الرجاله وسننهم.......
ولما خف الهتاف والتصفيق ردت احدى الجالسات بعد مصمصة الشفايف**
بس يابهيه ياختي برضه في شبه كبير,, ساعات كده تحسي ان الحيطه زيه زي الحيطه كده تمام*
لما تطلبي مصروف البيت (اكتر من اللازم)
*ولما نفسك تخرجي معاه تشمي هوا(بيتكسف معذووور)
* ولما تقوليله روح المدرسه علشان طالبين ولي امر الولد(ماهو مش كل يوم العيل يوديه المدرسة)
* ولما واحده جارتك تعصر غسيلها المبلول على غسيلك (يعنى ينضرب مثلا)
اضافت واحده اخرى من الجالسات**
طبعا الراجل زي الحيطه وماعندهوشي عواطف وعمره ماتطلع منه لفته رقيقه, يعني الراجل الحيطه ده, لو جاتله حاله من الرقه هايبقى ايه؟؟ يتحول الى لوح؟؟
ولما تحبي تدلعيه تقوليله يالوح قلبي؟؟؟
(هى تقوله يالوح قلبى وهوا يقولها يالوح ما بعدك لوح)

يلا ياشباب اكيد انبسطوا ان شاء الله يارب دايما
انا مش بولع الدنيا ولا حاجه!انا بس بهدي النفوس انتوا عارفين بقى
ياجماعه مش عايزين حد يزعل من التاني وكل واحد يلعب مع التاني في هدوء
والله شكلي هااطرد من المنتدى ده
ههههههههههههههههه

ربنا يستر




يا بنات انا بدردش معاكوا بهزار ده النص اللى منعرفش نعيش من غير ما ننكد عليه و لا ايه؟؟؟؟
ههههههههههه

اخيراااااااااااااااااااا
الاعترف بالحق فضيلة
الحمد لله لحقتى نفسويتك فى الاخر
موضوع جميل شيرى
بس بيتهيألى مكانه المناسب خمسة فرفشة
فى انتظار جديد
اخوكى فى الله
حسن
فى رعاية الله

[botta]

ياختى عليكى يا عسلية و انتى عاملة التوبك الجااااااااامد ده
و الوكسة الكبيرة لو الحيطة دى مايلة
ماتنسيش تيجى تحوشى عنى بقى فى التوبك الجاى اللى ناوية اعمله
أصله النص التانى للموضوع اللى بدأته
و هيكون على اخواننا الرجالة برده
بجد موضوعك تحفـــــــــــــــة
اسلمى يا مصر
هههههه قصدى يا شيرى

[جلال عزت]

ههههههههههه....

مش هعلق بعد تعليق حسن ده خاااااااااالص، و متحاوليش تتجادلى معاه .. انسى، ده يخلى الواد يشد شعره و يرفع ضغط اللى قدامه .. مش كده سا سونة؟!!!

لسه قارى الموضوع النهارده على جهاز الدكتورة بتاعتى فى الجامعة بس مش كان كامل للاسف .. تسلمى يا شيرى على التكملة و رايى من راى حسن برضه ان الموضوع مكانه خمسة فرفشة مش هنا...

دمتى بود و منتظرين الجديد بس من غير شتيمة فينا بقى....

محمود...

[ام اسراء]

طيب ياشيرى علشان كدة أسلام عمل موضوع
معلش أحنا بنتكلم
ردى عليه بقى أحسن أنا زعلت منه
وبعدين لما قرأت موضوعك فهمت أنه بيرد عليكى