ياكذابيـــــن

[شاب مسلم]

فعلا هى دى اقل كلمة اقدر اقولها على الناس دية
بس مين الناس دية
اقولكم هما مين
طبعا ولله الحمد على كل شئ
ونحمده على نعمه التى لا تعد ولا تحصى
من ضمن هذه النعم برامج الشات اللى تقريبا مفيش واحد عنده نت الا وعنده برنامج او اثنين على الاقل من هذه البرامج يستعملها يوميا
من اكثر برامج الشات انتشارا واستخداما شات الياهو والهوتميل
وانا هنا مش جاى اتكلم عن البرنامجين
لكن انا جاى اتكلم على سوء استخدام البرنامجين
هذه البرامج فى الاساس صنعت من اجل الاستفادة منها قدر الامكان
انما اساءة استخدامها هو دا اللى انا جاى اتكلم عليه
ومن الاخر كدا جاى اتكلم عن حاجتين مهمبن جدا
الاولى ظاهرة الرسائل المكذوبة والاحاديث الموضوعة اللى من اختراع بنى ادمين زينا والرسول عليه الصلاة والسلام برئ منها
وطبعا سبب كتابتى للموضوع عدة رسائل وصلتنى على الايميل مكذوبة تماما
تعالو نشوف
رسالة وصلتنى صباح اليوم الرسالة بتقول

تحذير هــــــــــــــــــام في حلقة الامس من برنامج البيت بيتك تم اذاعة تحذير هام لكل مواطن بعدم الرد على اي رقم متصل يبدأ برقم 015 لأنه عند الرد عليه يرسل موجات سرطانية عبر المحمول و يتسبب في امراض كثيرة و طبعا مفيش حد هيرد عليك ,,, ياجماعة عدد المصابين في ازدياد ,, ياريت كله يبلغ اللي يعرفه ,, الموضوع ده مهم جدا: عنه أَنَّ رسولَ اللَّه صَلّى اللهُ عَلَيْهِ وسَلَّم ، قال : « إِنَّ الدُّنْيَا حُلْ 02:00 ص 5/15 اوعي يلعب الشيطان في راسك وتقرأها وتقفلها وتقول انا مش فاضي ارسلها يقول: تخيل انك واقف يوم القيام

مش فاهم انا ايه عدم التفكير دا
هو اللى باعت الرسالة ميعرفش ان 015دا هو مفتاح تليفونات مدينة العاشر من رمضان
هل ياترى كل تليفونات العاشر تصيب بالسرطان؟
وبعدين دى تليفونات ارضية ايه اللى جابها للمحمول نفسى افهم؟
رسالة ثانية تخص الرسول عليه الصلاة والسلام

قال رسول الله صلى الله عليه وآله وسلم :
(من ترك صلاة الصبح فليس في (وجهه نور) و من ترك صلاة الظهر فليس في (رزقه
بركة) و من ترك صلاة العصر فليس في (جسمه قوة) و من ترك صلاة المغرب فليس في
(أولاده ثمرة) و من ترك صلاة العشاء فليس في (نومه راحه))

استحلفك بالله ان ترسلها لكل من تعرفهم

طب بالله اقول ايه؟
حديث الرسول لم يذكره اصلا
ولو الرسول قدامنا الان وقلنا امامه هذا الحديث لقال من قال هذا الكلام؟
ياجماعة اتقو الله
ريحو بالكم
من الاخر مش متأكد من الكلام اللى جاليك دا متبعتوش لحد وريح دماغك
على الاقل احسن من الكذب على رسول الله بهذا الشكل
والله يجماعة احنا بنسئ للاسلام بهذا الشكل
اقول ايه تانى


تيجى بقى للاسلوب الاخر للاستعمال الخطأ


الحب عبر الشات
طبعا كلكم عارفين اللى هكتبه دلوقتى
وهتقولوا هنوجع دماغنا ليه بالكلام دا ما كلنا عارفينه لسة هنقرا؟
بس محدش ينسى ان للاسف كتير هيشوفوا الموضوع دا وهيكونوا بيستعملوا الشات فى الحب والكلام الفارغ ومحدش يزعل من اسلوبى
واحد قاعد على الميل بيحب فى واحدة سنة اثنين بيحبو فى بعض
ورينى صورتك توريلوا شوية صور انما ايه
قمـــــــــــــــــــــــ ـر


لا دا احلى من القمر
وهوا طبعا راسم نفسه دنجوان عصره


دنا اتخانقت النهاردة خناقة جامدة
استنى اطلع اكمل الخناقة لاحسن الوواد جايبلى بلطجية وجاى
تيجى البنت راسمة للواد صورة فى خيالها بقى الواد اللى مفيش منه اتنين
زمتنساش تقوله الكلمة المعتادة
حبيبى لا بلاش خناقات
انا خايفة عليك
عشان خاطرى
وكلام من دا كتير
ييجوا بعد فترة الاتنين يقابلوا بعض
وتحصل الصدمة الجميلة


يروح يشوفها يبص يلاقى واحدة
مفيش وش
القمر بقى ضلمة
الرفيعة بقت تخينة والتخينة بقت رفيعة
ييجى الواد يشوفها يتخض
نفس الحال بالنسبة للبنت تروح تشوف الواد
واد عصاية كدا رفع عود القصب
بيقولها انا بصلى وانا وانا وانا وانا تبص تلاقيه بيشرب حشيش وبانجو
وشه ضايع خالص من كتر الخناقات والضرب اللى بياكله بعد اما كان مفهمها انه دنجوان عصره
هوبا نلاقى العلاقة انتهت
وكل واحد من دول يبتدى علاقة تانية مع حد تانى وبرضه تنتهى
وفى النهاية كله كذب فى كذب
طب ليـــــــــــــــه؟
ليه نستعمل هذه البرامج بهذا الشكل
الولد يكلم البنت تعمل نفسها زعلانة وبتعيط
حبيبتى عشان خاطرى مش تعيطى
هموت نفسى لو مبطلتيش عياط
وتلاقى البنت الناحية الثانية مشغلة الاغانى وعايشة حياتها
برضه نفس الحكاية بالعكس
الواد يقولها انا مليش غيرك
عمرى ما حبيت غيرك
وهوا بيكلمها ومعاه اتنين كمان على الميل وواحدة على التليفون وشغال
طب بالله عليكوا
دا ينفع؟
مش هوا دا فعلا اللى بيحصل؟
انا طولت كفاية كدا
هستنى رأيكم انتوا فى الكلام دا

فى رعاية الله

[بك أستجير فمن يجير سواك]

تسلم الايادى وجزاك الله خير معك حق والله يصبرنا

[ميره]

والله بجد يسلم ايدك على الموضوع الجامد ده بس انت لو بصيت للدنيا الى احنا عيشين فيها كدبه بردو مش شرط على النت وبس وانت عارف ان الكل عارف الكلام ده وكل بيصرح ببعضه وبردو بيتكلمو مع بعض وعيشين وبيقنعو بعض بكل حاجه ربنا يحمينا ويحمى شباب المسلمين بس بجد الموضوع جميل جدا وانا مستنيه انك تكمل كلامك فى الموضوع ده عشان احنا عيزين حمايه وتوعيه من النت والى بيحصل فيه يعنى عيزين برنامج انتى فيرس للشباب وى البنات الى بيستخدموالنت غلط معلش انى طولت عليك بس بجد موضوعك عيز كلام كتير وربنا معاك تقبل مرورى .....................................ميره

[قطقوطة]

موضوعك جميل خالص وفي غاية الاهمية وخصوصا موضوع الرسايل اللى بقى كتير اوى ومفيش منه اى فائدة
وكمان موضوع الحب اللى اصلا ممكن ناس كتير تبقي قاعدة مخصوص عشانه
ربنا يهدينا يارب
تقبل مرورى

[HoBa HoBa]

فعلا عندك حق
وانا لما بشوف الحاجات دة بستغرب اوى فعلا
وميرى بجد موضوع تحفة

[saso164]

بجد و الله كلامك صح

و خصوصا الرسايل اللى بتيجى دى


انا في مره جتلى رساله بتقول ( واحده شافت الرسول قي المنام و اللى هيبعت الرساله دى ل 10 من

اصحابه هيسمع خبر يفرحه بعد ساعه و لو مش بعتها لحد هتسمع خبر وحش يرضو بعد ساعه ) انا

مش فاهمه ايه التخاريف دى

عموما ميرسى اوى لطرحك الموضوع

تسلم ايدك

[شاب مسلم]

تسلم الايادى وجزاك الله خير معك حق والله يصبرنا

اشكرك اختى الكريمة على ردك ومتابعتك
فى رعاية الله

[شاب مسلم]

والله بجد يسلم ايدك على الموضوع الجامد ده بس انت لو بصيت للدنيا الى احنا عيشين فيها كدبه بردو مش شرط على النت وبس وانت عارف ان الكل عارف الكلام ده وكل بيصرح ببعضه وبردو بيتكلمو مع بعض وعيشين وبيقنعو بعض بكل حاجه ربنا يحمينا ويحمى شباب المسلمين بس بجد الموضوع جميل جدا وانا مستنيه انك تكمل كلامك فى الموضوع ده عشان احنا عيزين حمايه وتوعيه من النت والى بيحصل فيه يعنى عيزين برنامج انتى فيرس للشباب وى البنات الى بيستخدموالنت غلط معلش انى طولت عليك بس بجد موضوعك عيز كلام كتير وربنا معاك تقبل مرورى .....................................ميره

اشضكرك اختى ميرة
بارك الله فيكى وحفظك الله
فى رعاية الله

[شاب مسلم]

موضوعك جميل خالص وفي غاية الاهمية وخصوصا موضوع الرسايل اللى بقى كتير اوى ومفيش منه اى فائدة
وكمان موضوع الحب اللى اصلا ممكن ناس كتير تبقي قاعدة مخصوص عشانه
ربنا يهدينا يارب
تقبل مرورى

اشكرك اختى الكريمة
بارك الله فيكى
وحفظك الله
فى رعاية الله

[شاب مسلم]

فعلا عندك حق
وانا لما بشوف الحاجات دة بستغرب اوى فعلا
وميرى بجد موضوع تحفة

اشكرك اختى الكريمة
على متابعتك
بارك الله فيكى
وحفظك الله
فى رعاية الله