اسئله مستفزه اوى ؟؟

[♥بـونـبـونـايـه سـكـره♥]

السلام عليكم ورحمةالله وبركاته

فى دايما اسئله وتصرفات على طول بنعملها ده لو بطلناها هيجرلنا حاجه بس الاسئله بتبقى مستفزه للى بيتسأل وبكون عايز يخنق اللى بيسأله او ميردش عليه
بصوا التصرفات دى والاسئله الرذله دى

1_واحد داهن الحيطه ولسه مانشفتش وكاتب يافطه اد دماغه حاسب الحيطه لسه مدهونه يقوم يجى واحد ظريف وحاطط ايده عليها وبيلمسها وبيقول ده لسه منشفتش فعلا
(يعنى هو لازم يحلف)

2_أنت في أوضتك على السرير وطافي النور ومتغطي فيجى اخوك مثلا ويقولك انت هتنام ولا ايه؟ سؤال ينرفز (( اكيد
انا مش فى وضع رقص وواضح اوى ان انا هنام))

3_أنتم معزومين عند ناس ورحتو لبيتهم وأول ما فتحولكوا الباب سألوكوا
ايه ده انتو جيتواا ؟
(لا لسه والله ما جيناش)

4_أنت لابس هدومك و متأنتك و على سنجه عشره وريحة
البارفان
واصله لاخر الشارع وخلاص بتفتح باب الشقه يجي حد من أهلك
وينادي ويسألك بصوت عالى انت خارج؟
(( لاء دانا لسه راجع ))

5_ماسك سماعه التلفون وقاعد بتدوس على الارقام يجي حد من أهلك مثلا
ويقولك
انت هتتكلم في التليفون ؟
(( لا بتفرج عليه أكيد بتكلم ))

6_مثلا : ماسك مذكرة أو كتاب وقاعد بتحفظ ومتحمس اوى جه حد
وقالك :انت قاعد بتذاكر ولا ايه؟
(( تقوم رامي الكتاب و تقوله لااااااااء ))

7_واحد بيخبط على الباب وانت رايح تفتح طبعا هتقول الاول مين؟
فيرد عليك ويقولك انا
(( يا راجل تصدق كنت فاكرك مش انت ))

*يارب الموضوع يعجبكوا ومستنيه ردودكوا*

[معشوقتي هي مصر]

[HoBa HoBa]

ههههههههههههههههههههههههه ه
اولا بيحصل معايا كتير اوى اوى
موضوع انتى بتذاكرى ولا لأ
يالهوى عليا
امال انا بعمل ايييييييييه
بجد توبيك جامد مووووووووووووت

[♥بـونـبـونـايـه سـكـره♥]

ههههههههههههههههههههههههه هههههه
اها يا هوبا ولا أنت في أوضتك على السرير وطافي النور ومتغطي فيجى اخوك مثلا ويقولك انت هتنام ولا ايه؟ سؤال ينرفز (( اكيد
انا مش فى وضع رقص وواضح اوى ان انا هنام))
ههههههههههههههه دى حاجه تنقط فعلا
تسلمى يا قمر لردك

[HDEEL]

حلو موووووووووووت بتحصل معايا كتير اوووووووووووى توبيك جامد اووووى

[♥بـونـبـونـايـه سـكـره♥]

ههههههههههههههههههههههههه هههههه
تسلمى يا هديل يا قمر

[قطره ندي]

ههههههههههههههههههههههههه ههههههههههه والله فعلا كل ده بيحصل واكتر حاجه ضحكتني اوي اوي 7_واحد بيخبط على الباب وانت رايح تفتح طبعا هتقول الاول مين؟ فيرد عليك ويقولك انا (( يا راجل تصدق كنت فاكرك مش انت )) والله عجبتي اوي تسلم ايدك علي الموضوع الجميل ده

[القرآن دستورى]

شكرا كتير لالك
كتير حلو ها الموضوع
جزاك الله خيرا

[love more]

والله بجد موضوع فوق الممتاز بجد واكتر موقف بتحصل معايا موقف النوم ده ابقي خلاص بدات انام ويقولي انتي هتنامي اقولهم لا لسه صاحيه وبيعملوها مره واتنين وتلاته بقوم وبحلف ما انا نايمه ههههههههه ميرسي يا جميل بجد ع التوبيك اللذيذ موووووووت ده

[شاب مسلم]

ههههههههههههههههههههههههه هه
ضيفى عليهم دية
تلاقى واحد قاعد بيشرب فى علبة كانز وبعد اما يخلصها
تلاقيه قلب العلبة على بوزها وقاعد يرج فيها يعنى هيطلعلك عفريت يقولك هييييييييييييه كسبت شفطة
فعلا عندنا حاجات غريبة جدااااااااااااااااااااااا ااا
تشكرى بجد عى الموضوع
اخوكى فى الله
حسن