( كوووووووووووووووول كافيه ) ادخل و كله بحسابه .

[Mr.Mo0ody]

نحن الأن فى انتظار الحاجه سارة

وماتقلقش يا معالى محمود بيه المشرف كله تحت السيطرة

والتبليغ علي ودنه



وبيقولوا فى اختراع جديد كده طلع اسمه تثبيت .... ابقي فكر فيه

وماتقلقش ليك يوووووووم يا مان

ههههههههههههههههههههههههه ههه

[كابوس الحرامية]

[SIZE="a"]

سمعت ان اسمى جه فى الموضوع
اه فى ايه بالضبط
اوعى يا مودى تكون عايز تشيلنى الليله
اناا غلباان
موضوع رائع يا مودى واناا متابعه من الاول
بس ياريت منقلبش الموضوع لشات
وبالتوفيق دايماا
واستمتعت كثير بيوميات المعلمه الكبيره

مع انى حاسس انهاا ممله

[قطقوطة]

موضوع جامد اخر حاجة وفكرة متميزة
وارب دايما تمتعنا بمواضيعك الجميلة دى

[No TiMe]

جيت امسي وخالغ
وسلامو عليكم ورحمه الله وبركاته

[saso164]

يومى النهارده ملئ بالاحداث ملئ بالاثارة و الغموض

اليوم الحمد لله عدى على خير


صحيت من النوم على ريحه المحشى بتاع ماما اللى ملوش حل

هوه المفروض عندى مدرسه بس انا معنديش مدرسه عشان فيه حوار طويل كدا اخره يعنى انى مش لاقيه مدرسه ادخلها المهم قمت الساعه 11 و نص
غسلت وشى و اتوضيت و صليت ( طبعا انا معنديش حاجه اسمها فطار لانى مش بحب الوجبه دى )

و بعدين دخلت على مصراوى اشوف الجديد لقيت الباشا مودى بيقول النهارده يوم سارة ( دبسنى يعنى )

و بعدين قمت عشان اتغدى و اكل المحشى اللى ملوش زى
بعد ما اتغدينا ماما قالتلى يا سارة يا حببتى اول ما قالت يا حببتى عرفت انها عيزانى اغسلها المواعين انا كنت عايزة كرت شحن من اول امبارح قلت يمكن لما اغسلها المواعين تدينى فلوس اشحن ( اصل انا بخلص الكارت في مكالمه ) عشان كدا مش عيزة تشحنلى
المهم غسلت المواعين و قلتلها عايزة فلوس يا ماما يا حبى قلتلى اكيد عايزة تشحنى مفيش فلوس

رحت قعدت على مصراوى ( لا بيا ولا عليا ولا حواليا ) لحد العشاء و بعدين قمت اجهزلهم العشا لقيت جارتنا جايه تقعد مع ماما دخلت انا المطبخ و عملت العشا ( اصل انا بحب اطبخ اوى هوايتى يعنى )
و عجبهم اكلى
و بعدين عملت الشاى ( اللى انا اتخنقت منه )

و كلمت واحده صحبتى على الميل
و قعدت تاااااااااانى على مصراوى و كتبت يومى الممل

و بس
و سلااااااااااااااااااموززز زز

[botta]

يعنى يا سارة رايحة جاية على مصراوى و المحشى ريحته مفحفحة و مش تجيبى لنا معاكى طبق ندوق
ماشى يا ستى بس المرة الجاية هتلاقينا كلنا عندك فى البيت
و تعالى يا حبيبتى و أنا أشحن لك و لا تزعلى أبدا

[ساندىsh]

ياااااااااااااااااااااااا ااه ده كلة حصل

[saso164]

يعنى يا سارة رايحة جاية على مصراوى و المحشى ريحته مفحفحة و مش تجيبى لنا معاكى طبق ندوق

ماشى يا ستى بس المرة الجاية هتلاقينا كلنا عندك فى البيت
و تعالى يا حبيبتى و أنا أشحن لك و لا تزعلى أبدا

دا انتو تنورونى المرة الجايه هعملكو محشى مخصوص ولا تزعلى
ربنا يخليكى يا حبى

[saso164]

ياااااااااااااااااااااااا ااه ده كلة حصل

اااااااه شوفتى بقى اليوم المليان احداث دا

[كابوس الحرامية]

وسيباني جوعانه
اسئلة الحلقة
س1 اى نوع من المحشي ماما عملته؟
س2 كام عدد حبات المحشي اللى اكلتيهم بالتحديد؟
س3 هل العشاء عجبهم بجد ولا كدة وكدة
س4 مش لاقيه مدرسة تدخليه ليه يا سارة مفيش ديسك تقعدي عليه ابعتلك كرسي الانتريه بتاع تيته