( كوووووووووووووووول كافيه ) ادخل و كله بحسابه .

[Mr.Mo0ody]

يا نهاااااااار ابيض

مالقتيش غير النهارده

ده يوم ما يعلم بيه الا ربنا

حتى تلاحظوا انى لسه داخل اهو دلوقتى الساعه 3.40 العصر

ماشي يا ساره الله يسامحك على النهارده بالذات



اسأله انتو بس فحنين وموعدنا بالليل ان شاء الله على الساعه 1 صباحا ً كده

وباي لأنى مش هعرف اكون معاكم كتير النهارده

يوم زي الزفت

والحمد لله

[كابوس الحرامية]

كل دي حجج
لا شفقة ولا رحمة

[saso164]

زى ما قالت نهى لا شفقه ولا رحمه

[_EVE_]

موضوع جامد جـــــــــــــدااااااا
ايه الجمال ده

[Mr.Mo0ody]

كما وعدناكم وفى الموعد تمام .... يوم مهبب

الآن لحظات وسوف تقرئوها فقط وحصريا ً علي مصراوي كافيه

واقعدوا بالعافيه او بالزوق

[كابوس الحرامية]

في انتظارك يا برنس

[Mr.Mo0ody]

يوم ما يعلم بيه الا ربنا

هذا هو المسمي الحقيقي لهذا اليوم وهو يومي والراجل يكمل للآخر


في تمام الساعه الثامنه صباحا ً والدنيا زي الفل وهاديااااا

فجأه بصوت يتردد من كل مكان حولى

حراااام علييييييييك حرام عليك قرفتني فعيشتي
يابنى قوم علشان تروح الشغل
قرفتني بقالى ساعه بصحيك ( اتاريها الست الوالده )

انا : صباح الخير يا ماما

ماما : وهيجي من الخير وانت هنا

انا : ليه بس كده يا ماما انا كلمتك دلوقتى

ماما : ايه ده انت هترد عليها .. شكلها لييه زي وشك من اولها

انا : يا فتاح يا عليم يا رزاق يا كريم

ماما : يللا قوم علشان تلحق الشغل .

انا : شغل ايه يا ماما هو انا رايحج ابيع لبن ؟

ماما : يابنى قوم بطل لماضه قوووووووووووووووووووووووو ووووم .. ( وصوت رعد هز المنتقه بحالها )

انا : هي الساعه كام يا ماما

ماما : الساعه 9.30 يا فالح واتاريهي بتشتغلني

انا : ايه ؟؟؟؟
انا مش قلتلك صحيني 7.30

ماما : وانا اعملك ايه مانتا مش عايز تقوم

وفجاه تفاجا ً مفاجئ ... لقيت نفسي فالحمام

لسه يا دوبك بغسل سنانى

دب دب دب .. والباب خلاص هيقع عليا

ماما : يابنى يللا بدل ما تترفد مالشغل

انا : ايه ... اترفد ايه بس ... كله الا الرفد... خلاص انا جاى اهو
وبعد كده افتكرت ان الشغل بتاعي انا


المهم فطرت ولبست وضربت الجل فشعري وعملت الظبايكي وتمام التمام

ساعتنا دلوقتى 8.50 دقيقه وانا معادي فى محكمه امبابه الساعه 9 ولسه مجبتش الكاميرا ولا قابلت الناس ولا اي حاجه خالث

9.15 : الموبايل رن نمرة كلها ستات
ربنا يستر عالصبح


الو

انا : الو

استاذ محمد

انا : ايوة مين معايا

مع حضرتك المقدم هيثم تبع استاذ محمد فتحي البهنساوي المحامي

مين البهنساوي ده بقى يا حبايبي ؟
ده راجل مقدم نفسه فانتخابات النقابه العامه للمحامين فالجيزة والمفروض انا رايح الصبح اصورة وهو بيقدم الأوراق فى المحكمه الدستوريه العليا وحوارات كده

نرجع لموضوعنا

انا : اه اهلا وسهلا بحضرتك

هو : اهلا بيك
ايه انت فين كده ؟

انا : انا هنا اهو

هو : هنا فين ؟

انا : هنا جمبيك اهو .... وانا لسه مارحتش المكتب اخد الكاميرا

هو : قدامك قد ايه يعني ؟


انا : يعني ساعه كده

هو : ايه ؟؟؟ لالالا احنا قدمنا 10 دقايق بس

انا : حاضر والله اهو انا جاي

هو : بسرعه الله يخليك

انا : من عنيا يا سياده اللوا

هو : سلام

انا : سلام


وفعلا مسافه نص ساعه بقيت هناك وعينك ماتشوف الا النور فى الطريق
فضيت بطاريه العربيه من كتر الكلاكسات

انا بقى ومحمد فتحي البهنساوي

انا : صباح الي بتغني يا باشا

هو : ايه يا عم المخرج الى اخرك كده

انا : معلش بقي يا نقيبنا انت عارف مصر وبلاويها

هو : وايه بلوتك المره دي يا سيدي

انا : امي يا باشا

هو : ايه ؟

انا : لالا قصدي امى صحتني متأخر يعني اصلي كنت سهران بحب فى الموبايل وفصل شحن

هو : اه .. ماشي يا سيدي خليك لحد ماتيجي واحده تقضي عليك

انا : علي ايدك ان شاء الله يا ريس

ا هو : ايه ؟

انا : لالا يعني علي ايدك هتلحقنى ان شاء الله

هو : اه بحسب

انا : امال احنا قدمنا قد ايه ونمشي ؟

هو : يابنى هو احنا لسه عملنا حاجه

انا : يعني قد ايه كده

هو : قدمنا على 12 / 12.5 كده

انا : طب تمام


المهم خلصنا الساعه 3.15



الساعه 3.20 الموبايل بيرن .. مين ؟ حكومه .. الى هو خالي ومديري فالشركه مالوش دعوة بالتصوير ده شغل تاني


خالو : انت فين يا بيه ؟

انا : انا هنا اهو

خالو :هنا بتعمل ايه مش المفروض تكون هناك

انا : هناك فين يا خالو احنا هنهرج ؟

خالو :نعم يا ...... تييييييييت انت كمان بتستظرف

انا : لا والله يا خالو مقصدش انا افتكرتك رايق

خالو :انت فين كده

انا : انا قدامى 10 دقايق واكون فى مكتبي

خالو :وايه الى اخرك مش معادنا الساعه 1 ؟

انا : معلش والله اصلي كنت محبوس

خالو :ايه

انا : اه والله كنت فى المحكمه والموضوع كبييييير


خالو :موضوع ايه ياض انطق نيلت ايه ؟

انا : لالا مش هينفع فالتليفون لازم اشوفك

خالو :يابنى قول وقعت قلبي

انا : مابلاش

خالو :قوووووووووول في ايه ؟

انا : افتكر انى قلتلك بلاش

خالو :يابن الـ .......... تييييييييييييت

انا : خلاص خلاص هقول

انا : اصلي ....

خالو :هااا

انا : اصلي...

خالو :هااااااااااا

انا : اصلي .....

خالو :ينعل تربتيت تييييييييييت وعينك ماتشوف الا النور

انا : اصلي كان عندي شغل تصوير واتأخرت غصب عنبي

خالو :والله العظيم لما اشوفك يا .......... و .......... و ....... و. .......... لحد بكرة معاك شتايم

انا : ورحت قافل الموبايل آل انه ايه ... فاصل شحن


جت الساعه 3.45 لسه بقول بسم الله
وبدخل على المنتدي الاقي الست ساره حسبي الله ونعم الوكيل فيها
كاتبالي ااه الليله ليلتي وانا زي كل مرة طبعا اعدت ادعيييييلها كتييييير قوي

كتبت كلمتين ورحت اشوف شغلي

وعلى ما افتركرت انى مش اكلت كانت الساعه 7 .

آكل ايه آكل ايه
مش عارف

قدامى جرنال اقلب فيه لقيت اعلانات اكل غريبه
مش عارف اكل ايه اكل ايه

لقيت الساعه 7.40 رحت قايل والله منا واكل

خلصت شويه شغل بقت الساعه 8 ومعاد الموراح

كلمت شويه اصدقاء فاشلين اتقابلنا وقعدنا على الكافيه لحد الساعه 11 رحت جبت العشا

وجبت شويه حاجات بقت الساعه 11.30

روحت البيت

ايه الأخبار ايه الأحوال ... كله تمام

رحت متغدي اكلت مكرونه وكبده

والحمدلله اتغذيت

رحت داخل غرفتى واستلمت الكمبيوتر

فتحت الكافيه وشفت الحياه فيها ايه

وفتحت الفايس بوك وظبط مع اصحابي هناك شويه ولعبنا واتظبطنا

وطبعا من اول ما فتحت الجهاز وانا الحاجه _Nada_ مستلمانى ضحك وتريقه عليا

ومش ساكته
قعدنا ورغينا شويتين وهيسنا شويه
والواد شادي دخل وبيسلم عليكم

وبعد كده فضيت ليكم وبرضه ندي بتضحك عليا لحد الأن

وبكتب هذه ليله السوده

علشان محدش يفكر يخليني اجى تاني


وكفايه بقى علشان انا همووووووووت هلاص


واللى عنده كلمه يحطها فبقه ويخليه ساكت وبس

[كابوس الحرامية]

صديقلكبيسلم عليك
.......
سؤال الحلقه هو سؤال واحد مفيش غيره
عمل فيك ايه خالك لما روحتله الشركة

[كابوس الحرامية]

وبعدين يبني خليك ورا الكاميرة دي لحد متضيعك
فين يبني الجامعه
ولا لغيتها من خطة يومك يا عم الكتوموتو

[Mr.Mo0ody]

صديقلكبيسلم عليك
.......
سؤال الحلقه هو سؤال واحد مفيش غيره
عمل فيك ايه خالك لما روحتله الشركة

تصدقى انه غريبه انى لما رحت مالقتهوش ولا جه بعد كده

الحمد لله جت من عند ربنا
هههههههههههههههههههههه