( كوووووووووووووووول كافيه ) ادخل و كله بحسابه .

[ROSE WHISPER]

انا كييييييييييييييــييييييييييييت


ايه اليوم السريع ده ...؟؟؟


لما رحتو عند خالك ايه الى حصل .؟ ( والف مليون سلامه عليه )

مامتك زعقت لما كترتى المنظفات .... وكان ايه رد فعلا اخواتك الشباب وساندي ؟

ولما رحتى لخالك ايه الى حصل فى الطريق كان زحمه وحلوكده ولا زي عندنا فمصر ؟
وكفايه عليكي كده

الله يسلمك يا رب وخالو صحتو كتير منيحه الحمدلله وهو بخير ويومين او تلاته برجع على بيتو بالسلامه ان شاء الله
مو فاهمة كتير شو يعنى ايه حصل مودى
حصل انو تهنا يعنى ضيعنا الطريق والمشوار بدل ما ياخد نص ساعه اخد ساعه لانو ماما مكانت مركزة بالطريق
كانت معصبه من حد
المنظفات كان قصدى خير والله بس رد فعل الكل زعقولى وخاصه ماما وقالتلى مش صغيرة والكلام نفسو ( يا رب متشوف المشاركة ولو شافتها انا بقول هما استدرجونى فالكلام ) والمهم بعدين كلهم طلعو عالتراس وخلونى انا افتح الشبابيك
ساندرا ولا كانو بيخصها راحت اوضتها
الطريق كانت حلوة عمان عن جد كتير حلوة بالليل وما بعرف والله خطرلى منغير ما اعرف انكم طالبينى هون انى اصور الطريق والاضاءه والمشفى وانزلها لالكم تشوفوها لانو عن جد كان حلو
كان في منطقه بس زحمة والباقي لا هى منطقة الشميسانى وحدائق الملك عبدالله بس زحمه شوى
شكرا كتير مودى
ومستنيين ضيفك الجديد

[Mr.Mo0ody]

منورانا والله يا داليا

ويارب دايما كده على طول ..... وهنستني نشوف الصور



بعد قليل .... سوف يتم الأعلان عن الى هيكون الليله ليته النهارده يا جدعان


مع كووووووووووووووول كافيه ..... مش هتعرف تعمل حاجه


انتظرونااااا

[Mr.Mo0ody]

hadede

الليله ليلتك يا معلم

خللى النت يتكلم

مستنييك يا برنس واحكيلنا كل حاجه بالتفصيـــــــــل الممل

ومستنظرينك يا بركه

بس خد بالك ........ ابدا كتابه من الساعه 12 علشان يكون اليوم خلص
مش تكروتنا يعني

[hadede]

يشرفنى الاستضافة

لكن الاصول اصول

فواجب الضيافة لم تقدمه ولذلك

مضطر لطلبه

اولا طبق حريرة مغربى

شوية كبيبة شامى يعنى سورى لبنانى مش هتفرق


ثالتا طبق مارو الحوت مش هقولك منين وده شرط والله نفسى فيه

رابعا مش هتقل عليك لا فى الحلويات ولا المشروبات بسبوبة كفاية

خامسا السلطة خليها لذوقك وكرمك

ومن هنا للساعة 12 ربك يقدم اللى فيه الخير

[Mr.Mo0ody]

ده انت داخل علي طمع بقي

بس يا سيدي اللى تؤمر بيه

فى كووووووووووول كافيه هتلاقيه

وربنا يخليلنا عم جوجل


جاري التحضير يا كبير

[Mr.Mo0ody]

الحريره لسه طالعه من عالنار اهي





والكبيبه الي شكلها غريب اهى





كارو الحوت يا برنس




ولو عايز الحوت كله اجيبهولك



عيش براحتك يا بركه









ده ليا علشان تعبت مالمشي


ده بقى بتاعك




وده ليك انت ومدام طله قمر




وخد تلاجه بيبسي اهي عوم فيها

بيبسي من الستينات



علشان يبقى ساقع اكتر



وكفايه كده علشان انا فرهدت

ومستنييك بالليل

[hadede]

وادعى يا مستر مودى ان النت ما يحرجنيش

والله الايام اللى فاتت لم يكن تمام


اما عن الطمع فهذه قواعد انت وضعتها ولازم تحافظ عليها


بس انا حاسس ان مارو الحوت هش هيعرفها جوجل وهى موجودة ودى شرط

دمت بالف خير

[hadede]

اولا الكبيبة شكلها غلط

الكبيبه الاصلية بتبقى شكل البيضة


انت جايب من جوجل اللى على الناصية ياعم ده حاجته مش مضبوطة


انت زعلان منى يا مستر مودى

[hadede]

[[pic.jpg[/IMG]

[COLOR="Blالسلام عليكم ورحمة الله وبركاته
***********
تقبلوا جميعامنى اطيب تحية
وارجوا الا اكون ضيفا ثقيلا عليكم هذه الليلة
وبكل تأكيد الاخ مودى له منى خالص الشكر على اختيارى ضيفا فى موضوعه الجميل
واليوم مثل اغلب الايام علينا مفروض نستيقظ مبكرا من قبل الساعةالسادسة
بعد مانصلى ونحمد ربنا
نحاول فى ايقاظ مودى بتاعنا حوالى السادسة ونصف وكل افراد العائلة لازم تؤكد له ان النهاردة مش اجازة
ومن بين الساعة السابعة حتى الثامنة الا ربع اشوف واجب مودى اللى متعملش يتعمل مع شوية كمبيوتر على مصراوى
ويكون شربت نسكافيه مع اقل من ربع سندوتش
مودى اللى هو عماد الصغير الحمد لله ركب ميكروباص مدرسته الساعة الثامنة الاعشر دقائق
بعد كده يكون حبيبي حلمى نزل الموتوسيكل واستعد حتى اخده معى اوصله المدرسة اللى فى طريق شغلى بعد ما طلعنا وعلى بعد 100متر من البيت تذكرت الخوذة راح حلمى جابها والحمدلله وصل المدرسة الساعة 8 و20دقيقة
ووصلت شغلى 8 ونصف تقريبا
على بوابة العمل واقف الرجل الطيب بتاع البوفيه عارف طلبى واحد ينسون
لسه متعود على الينسون قريب علشان الانفلونزا
يستمر الملل
غيرت هدومى وشربت الينسون وسألت زميلى المهندس عن اى حاجة حدثت فى المزرعة
الحمد لله الامور طبيعية وبامانة انا بشتغل مع مجموعة زملاء
سواء موظفين او عمال
قمة فى الاخلاص
قمة فى الامانة
وعشان كده ربنا موفقنا ويارب يبارك لنا علطول
المهم من بين الساعة 9 حتى 12 عمل
وبين الساعة 12 حتى الواحدة راحة نصلى الظهر ونفطر
ثم عمل حتى الثانية وربع
اتصال للبيت عايزين حاجة ؟ عايزين سلامتك تسلموا السلام عليكم
طبعا ينتهى عملنا دائما بترتيب عمل الغد انشاء الله قعدنا مع بعض واتفقنا هنعمل ايه
مشيت من الشغل حوالى الساعة تلاتة الا ربع تقريبا
وصلت البيت
وطبعا قبل كده مريت على مدرسة حلمى اخبرنى زملائه بانه مشى من نصف ساعة
وصلت البيت لم يقابلنى مودى ابنى كالمعتاد لينقل لى اخبار المدرسة ومين زعله اتاريه قاعد بيتغدى

اتغديت شربت شاى صليت العصر فى العادة ادخل انام للمغرب
لكن النهارده حاسس انه يوم غريب لم انم كام تليفون للوالدة ربنا يعطيها الصحة واخوتى

قعدت على النت شفت موضوع غريب ونزلته على مصراوى
قعدت احاول اكتب فى كلمات عن مبارة مصر والجزائر حقيقى من امس وحتى الان لم ارضى بما كتبته
بين المغرب والعشاء ادخل النت شوية اتابع واجب مودى ابنى
حوالى الساعة 7 لقيت مستر مودى فى موضوع بيقول ادخل
هنا بسرعة والله حسيت انه هيسبب لكم الملل بدعوتى للمشاركة فى موضوعه الجميل
كان مفروض اخرج ازور اختى لكن عدم نومى والتزامى بكتابة هذا الموضوع اجلت الزيارة
من بين العاشرة حتى الحادية عشر كتبت واتعشيت والحمد لله كمل مودى ابنى واجبه
وحقيقى موضوع النهاردة ذكرنى بايام غربة جميلة وعشان كده
طلبت حريرة وكبيبه
ومارو الحوت
سامحونى على هذا الملل
دمتم جميعا فى حفظ الله ورعايته
متعكم الله جميعا بالصحة وراحة البال
وشاكرين جدا واجب الضيافة اللى تعبتك فيه يا مستر مودى

[/COLOR]

[كابوس الحرامية]

ربنا يخلي مودي وحلمي ويباركلكم فيهم عماد
ويومك الحمدلله مش ممل
وسلامنا لطله ولمودي وحلمي