( كوووووووووووووووول كافيه ) ادخل و كله بحسابه .

[XxX7o00odAXxX]

اولا ازيكم يا احلى اعضاء وحشتوووووووووونى اووووووووووووى يارب تكونو بخير
وميرسى لست شيرى ع التدبيسه العثل دى وربنا ع المفترى
واليوم كتاتى
صحيت على صوت المنبه المزعج بتاع الموبايل بتاعى ع الساعه 6 صباحا بتوقيت اوضتى
قومت من ع السرير وانا عمال اخبط فى الحيطه مش شايف قدامى لحد ما ربنا كرمنى ووصلت للحمام دخلت غسلت وشى واتوضيت وخرجت صليت الصبح (ركعتين عشان الافاده بس )
خلصت صلاه على 6.30 دقيقه بتوقيت بيتنا برده دخلت لبست وجهزت نفسى وظبطت السابيك بتاع شعرى
و رحت داخل المطبخ عملت كبايه النسكافيه بتاعت كل يوم ورحت فاتح الفيس بوك لحد الساعه ما جت 7 بتوقيت بيتنا برده
بابا كان جهز ولبس واخواتى كان جهزو ورحنا كلنا نازلين ع العربيه وصلنا اخواتى المدرسه فى الجلاء ورحنا طالعين ع المطار انا وبابا
بابا راح ع المكتب بتاعه وانا رحت ع المكتب بتاعى واول ما روحت ربنا كرمنى لاقيت المدير قاعد مستنينى
الساعه الان 8.30 بتوقيت مطار القاهره الدولى
انا : صباح الخير ازيك يا باشا
المدير : وهيجى منين الخير طلو مانت بتيجى متاخر
انا : والله غصب عنى يا باشا العربيه البى ام لادا بتاعتنا عملتها معانا
المدير : بطل ظرف ع الصبح واقعد شوف شغلك ومتتاخرش تانى
انا : حاضر يا باشا (فى سرى ربنا ع المفترى )
المهم قعدت اشوف الشغل واعمل فى الميزانيات وطبعا مش فاهم اى حاجه كالعاده وارقام كتير وحسابات معقده انا مليش فيها والحمد لله الدنيا خربانه
الساعه دلوقتى 10.30
التليفون رن نمره غريبه استر يارب
المهم رديت
انا : سلام عليكم مين
واحد غريب : وعليكم السلام انا مستر محمد من هيئه الميناء ( مش عارف انا شغال مدرس ولا ايه مستر دى )
انا : اهلا ازى حضرتك اؤمرنى
مستر محمد : لو سمحت انا كنت عايز اخد معاد مع صاحب الشركه عشان نتفق على الشغل بتاع مطار 3
انا : حاضر ثانيه واحده خليك معايا اما اشوف يوم ايه فاضى
ايوه مع حضرتك حضرتك هتيجى يوم الاربع الساعه 12 يناسب حضرتك
مستر محمد : ايوه تمام ان شاء الله هكون موجود فى المعاد
انا : تنور حضرتك سلام
مستر محمد : سلام
المهم فضلت شغال ع الكمبيوتر لحد الساعه 1 الظهر معاد الراحه بتاعى
رحت نازل ع الكافتيريه شربت كبايه شاى وسندوتش وقعدت اتكلم فى التليفون شويه لحد الساعه 2 طلعت رحطيت دماغى ع المكتب رحت نايم صحيت ع الساعه 3.30 على رنه التليفون من بابا
انا : الو ايوه يا بابا
بابا : ايه يابنى ساعه عشان ترد
انا : معلش يا بابا كنت نايم
بابا : يخرب بيتك انت كل يوم تنام كده منتا قاعد فى لوكانده
انا : خلاص يا بابا بقا هو كل يوم نفس الاسطوانه غيرها بقا زهقت
بابا : ماشى يا عم اللمض انا مستنيك فى البارك انزل بسرعه عشان فى تشريفه والطريق هيتقفل
انا : حاضر سلام
ورحت نازل ركبت العربيه ووصلنا البيت كانت الساعه 4.30 بس المره دى بتوقيت بيتنا مش المطار
دخلت غسلت وشى وغيرت هدومى واتغديت وبفتح الكمبيوتر ع الساعه 5 ورحت فاتح مصراوى كافيه واول ما فتحت ربنا كرمنى بالست شيرى مدبسانى اتعزم عندها فى الكافيه ال يعنى هى اللى بتدفع مودى هو اللى بغرم كل مره
المهم قعدت اتصفح شويه لحد ما جت الساعه 9 دلوقتى وقلت ادخل اكتبلكم اليوم الممل ده
معلش كتبته بدرى بس عشان شويه وهدخل انام عشان الشغل
يبقالكو عندى 3 ساعات
وبس كفايه عليكو كده
واسف ع الاطاله بس انتو اللى عايزين التفاصيل
اخلع انا بقا
سلام

[saso164]

ايه اليوم اللى بدرى بدرى دا

السؤال
في معاد الراحه بتاعك كلمت مين ؟؟؟؟
ولما رحت البيت اتغديت ايه ؟؟؟


و كفايه عليك دول عشان فيه ناس هتيجى تعمل الواجب معاك
منور يا برنس

[XxX7o00odAXxX]

ايه اليوم اللى بدرى بدرى دا
معلش المره الجايه هتاخر شويه
السؤال
في معاد الراحه بتاعك كلمت مين ؟؟؟؟
my love مش لازم تعرفى اسمها كانت بتعرف تفاصيل اليوم بردو
ولما رحت البيت اتغديت ايه ؟؟؟
مكرونه بشاميل وفراخ بانيه

و كفايه عليك دول عشان فيه ناس هتيجى تعمل الواجب معاك
ادينى مستنى يا مسهل
منور يا برنس
بنورك يا دميل

[~ man neO ~]

اهلا بيك يا ريس حودا
اولى اسئلتى هناا هتبقى انتى يلا ما بدهااش بقى
_ ايه نوع الجيل اللى حضرتك استخدمته " بدون كسوف "

_ ويا ترى الساعه اللى انتى دوشتنا بيهاا نوعهاا ايه ؟

_ يا ترى مكالمه الكافتريتا لما رنت " كم عدد الرنات " " ووقت المكالمه قد ايه بالثانيه "

_ "ماشى يا عم اللمض انا مستنيك فى البارك انزل بسرعه عشان فى تشريفه والطريق هيتقفل"
... اللمض فى الجمله موقعهاا ايه من الاعراب .

وكفى الؤمنين شر القتال

[No TiMe]

ههههههههههههههههههههههههه هه
اه ومالو يوم عسل اهو ربنا يكرمك يا ريس بنوم يوم كامل

[كابوس الحرامية]

معلش يا بابا كنت نايم

حسبي الله ونعم الوكيل

















حودة قولنا بقى لما نمت حلمت ولا لا
ولو حلمت حلمت بايه

[شيري العسولة]

هههههههههه
والله يوم ممل هههههههههههه
لا يوم جميل شغاااااااال يعنى
بس انت ماردتيش على اسئلة الناس دى لية بقى
وانا لي راجعة ولا اقولك كفاية عليك هما
وشكرا لحضورك الجميل حوداااا

[شيري العسولة]

ومعانا ومعاكم النهرده المشرف والعضو الجميل
وهو مشرف الركن اللى احنا هنا فية

وهو عبد النبى ( abdelnaby )

مستنين يومك بقى ياباشا
الساعة 12 بليل اوع تتاخر هايبقى فى غرامة

[No TiMe]

دا انت هتتقطع

[~ man neO ~]

لا اله الا الله
اناا عملتلكم حاجه
اناا محترم وفى حالى اهو
طب هيا الغرامه كام ها
يلا الجايت اكثر