فاتنات طبعا ماحدش له رأى تانى

[botta]

بصوا يا اخواتى الكرام
متزوجين أو مخطوبين أو متفقين أو لسه خالص
كلنا معرضين لوجود الحموات فى حياتنا .. سواء أم الزوجة أو أم الزوج
طبعا هم البركة اللى لينا : هى اللى كبرت الشخص اللى أنا مرتبط /ة بيه دلوقتى و ربته و علمته كل حاجة
و حقها دلوقتى تحافظ عليه و هى شايفاه بيتاخد منها و يروح لواحدة تانية ع الجاهز كده ( دى وجهة نظر الأم دى طبعا ) مع انها عارفة و مدركة ان هى دى سنة الحياة و ده الطبيعى
بس ساعات الأمهات بيتدخلوا فى حياة أبنائهم بطريقة أو بأخرى و ساعات التدخل ده يكاد يقضى على الحياة الزوجية ( حتى لو كان بحسن نية )
نضرب أمثال ؟؟؟
أم الزوجة اللى تفضل ورا بنتها :
*** يغلبك بالمال اغلبيه بالعيال .. و وراها لما تجيب له كام عيل يهدوا صحتها و يطفشوا الراجل من البيت
*** يابنتى هاتيهم ورا بعض عشان تخلصى .. و برده الزوج يلاقى البيت دوشة أصعب من قدرة الأم على السيطرة عليها و تفضل هى تقوله انت و ولادك هلكتونى و برده هيطفش من البيت
*** لازم يبقى ليكى مصروف خاص غير مصروف البيت افرضى عوزتى حاجة .. افرضى انتى يا ست الحبايب ان ظروفه مش سامحة بكده تعمل له مشاكل يعنى و لا تتحمل شوية و توفر شوية
*** ما تعوديهوش ان كل حاجة عليكى و خليه يساعدك ايده بايدك .. طب هو مش كده و لو اتدخل هيضايقها طب ليه ما تسيبيها براحتها و المساعدة ممكن تيجى منه لوحده
**********
و أم الزوج اللى تمسك ودان ابنها:
*** مش كل مرتبك ترميه فى ايدها آه حبة حبة و متع نفسك يا حبيبى دانت شقيان يا ضنايا .. ماتسيبيهم يرتبوا أمورهم مع بعض
*** طريقتها فى شغل البيت مش عاجبانى و لا حتى بتعرف تنشر الغسيل يا عينى يابنى على حظك.. قوميه عليها بقى و الله بيتها زى الفل
*** لازم توريها العين الحمرا شغل الدلع ده هيمرعها عليك و اوعى تلين مرة كده و لا كده .. تخلى الزوجة زى ما تكون عايشة فى بيت الرعب مش بيت الزوجية اللى فيه السكن و السكينة
*** و كل شوية تشتكى له مراتك قالت و عادت يرضيك أمك يتعمل فيها كده .. يتقلب الرجل على مراته و بدل ما كان جايب لها وردة و هو جاى من الشغل يرميها و يدخل يملا البيت زعيق و هى تعيط و تقول و الله ما قلت .. و اتشعللت يا معلم
*********
كلامى دلوقتى مع الحموات أو مع الأبناء و كل واحد يوصل ده لأمه بالطريقة اللى تناسبها :
التدخل فى الحياة الزوجية لأبنائكم عمره ما هيحل بالعكس ده ممكن يعقد ، تأكدى انك أم للاتنين و انصحى باللى تلاقيه ينفعهم مش ينفع واحد و يؤذى التانى
بلاش التدخل الا لما يطلبوا المشورة
حننى قلب ابنك / أو بنتك على الشريك مش تقسيه عليه
و كلمة للأبناء :
مش صح أبدا انك تجرى على مامتك فى أى مشكلة .. لكن فكر مع نفسك ثم مع زوجتك / زوجك فى حلها اللى يرضيكم انتم و لما تتحل انسوا ان كان فيه مشكلة أصلا
ما تروحش تشتكى لمامتك من مراتك / زوجك مهما حصل
الأهل بيشيلوا فى قلوبهم من زوج البنت أو زوجة الابن ، أما انتم زوجين شوية و هتصفوا لبعض
مش كده ؟؟؟

فى انتظار مشاركاتكم

[طلة القمر]

انا قلت المواضيع الجامده
تلاقيها بعد الساعه واحده
ربنا يسعدك
ضحكتينى
من اوله لاخره
تسلم ايدك
تصبحى على خير
اختك طله

[كابوس الحرامية]

الأهل بيشيلوا فى قلوبهم من زوج البنت أو زوجة الابن ، أما انتم زوجين شوية و هتصفوا لبعض
مش كده ؟؟؟

الجملة دي فكرتنى بمدرسة كانت بتديني وانافي ثانوي الله يمسيها بالخير بقى كانت دايما تقولنا ان البنت مينفعش تروح تشتكي من جوزها لمامتها لان مامتها عمرها محتصفاله لانه زعل بنتها لكن الزوجة حتتنسى لانها بتحبه
......
والله انا شايفه ان معظم جوزات اليومين دول زيجات فاشلهمش كلها طبعا لكن الاغلبيه كدة انا بشوف ان لو البنت من البدايه تتعود انها تتحمل مسئولية انها تحل مشاكلها لوحدها من قبل متتجوز حتفضل طول عمرها دة طبع فيها لكن فيه بعض البنات مبيعرفوش يدارو او يعتمدو على نفسهم اللى تدخل صاحبتها واللى تدخل مامتها واللى تدخل جارتها كل دة كلام فارغ ولعب عيال
المفروض من البدايه يكون تربيتهم صح في الاعتماد على النفس وتحمل المسئوليه ونفس الشيء بالنسبه للراجل دايما بنكبر المواضيع مع ان في ايدينا حلها
لكن بنات اليومين دول واخدين على الدلع شويةفيه منهم كتير مبيقدروش يتحملو مسئولية نفسهم اصلا لما يتحملو مسئولية بيت واسرة اهم شيء التدريب على الاعتماد على النفس في كل شيء ةعلى رأى المثل اللى بيقول من شب على شيء شاب عليه..وبالنهايه برضه الحياه محتاجةشوية صبر لكن للاسف الناس مبقاش عندهم صبر وبيلجأو لاسهل الحلول هو الطلاق
......
تسلمي يا ام عاليا يا قمر على التوبيك الجميل اللى زى كل مواضيعك يا عسل
من تقدم لتقدم ان شاء الله

[botta]

انا قلت المواضيع الجامده
تلاقيها بعد الساعه واحده
ربنا يسعدك
ضحكتينى
من اوله لاخره
تسلم ايدك
تصبحى على خير
اختك طله

ماشى يا جميل يا منورنى
تسلمى طلة لمرورك
بس انتى ضحكتى على ايه بالظبط ؟؟

[botta]

الجملة دي فكرتنى بمدرسة كانت بتديني وانافي ثانوي الله يمسيها بالخير بقى كانت دايما تقولنا ان البنت مينفعش تروح تشتكي من جوزها لمامتها لان مامتها عمرها محتصفاله لانه زعل بنتها لكن الزوجة حتتنسى لانها بتحبه
......
والله انا شايفه ان معظم جوزات اليومين دول زيجات فاشلهمش كلها طبعا لكن الاغلبيه كدة انا بشوف ان لو البنت من البدايه تتعود انها تتحمل مسئولية انها تحل مشاكلها لوحدها من قبل متتجوز حتفضل طول عمرها دة طبع فيها لكن فيه بعض البنات مبيعرفوش يدارو او يعتمدو على نفسهم اللى تدخل صاحبتها واللى تدخل مامتها واللى تدخل جارتها كل دة كلام فارغ ولعب عيال
المفروض من البدايه يكون تربيتهم صح في الاعتماد على النفس وتحمل المسئوليه ونفس الشيء بالنسبه للراجل دايما بنكبر المواضيع مع ان في ايدينا حلها
لكن بنات اليومين دول واخدين على الدلع شويةفيه منهم كتير مبيقدروش يتحملو مسئولية نفسهم اصلا لما يتحملو مسئولية بيت واسرة اهم شيء التدريب على الاعتماد على النفس في كل شيء ةعلى رأى المثل اللى بيقول من شب على شيء شاب عليه..وبالنهايه برضه الحياه محتاجةشوية صبر لكن للاسف الناس مبقاش عندهم صبر وبيلجأو لاسهل الحلول هو الطلاق
......
تسلمي يا ام عاليا يا قمر على التوبيك الجميل اللى زى كل مواضيعك يا عسل
من تقدم لتقدم ان شاء الله

يا سلام عليكى يا نونى يا سكر و انتى عاقلة ورزينة
فعلا حبيبتى كلامك كله تمام و عن تجربة
ربنا يصلح حالك و أشوفك عروسة

[hadede]

تسلم الايادى
بس عايز اقول حاجة صغيرة
وهى
ان مشكلة الشرق الاوسط ممكن تتحل
اما
اما مشكلة الحموات فملهاش حل

[بك أستجير فمن يجير سواك]

حلو اوى الموضوع
تسلم الايادى ياسكر
ودائما منتظارين مواضيعك الجميلة

[botta]

تسلم الايادى
بس عايز اقول حاجة صغيرة
وهى
ان مشكلة الشرق الاوسط ممكن تتحل
اما
اما مشكلة الحموات فملهاش حل

هههههههههههه
نعمل ايه بقى .. أهى محاولات
تسلم عماد على مشاركتك
ربنا يكرمك
نورتنى و دايما ان شاء الله

[botta]

حلو اوى الموضوع
تسلم الايادى ياسكر
ودائما منتظارين مواضيعك الجميلة

مرورك الأحلى يا قمر
و أنا اللى منتظرة مشاركاتك الأجمل
نورتينى و دايما ان شاء الله

[ام اسراء]

له كده ياشيماء
متعرفيش أنى ماما لحد تانى غير ولادى
ماشى ياشوشو
عموما أنا شايفه أن حموات اليومين دول لارج جدا جدا
يعنى مريحين دماغهم وعايزين ولادهم يستقلوا بحياتهم دون تدخل
رأيك أنت اه فى الأولاد اللى عايزين يعيشوا مع أهلهم بالعفيه
يعنى زى المثل القائل جوزتها تتاخر راحت وجبته راخر
ولا جوزته علشان أرتاح راح وجاب........ملل
ينفع موضوع دة برضه
لان أغلب الحموات أغلب من الغلب بس تعرفى أزاى تعامليها
حتسمعى دعاء بالدنيا وما فيها والأمثلة كثيرة
والله ياشيماء غى زوجات أبناء تترك الدنيا وما فيها
والأمر من هذا أن يسمع الأبن كلام زوجته ويترك أمه
ربنا يرحمنا
معلش طولت عليكى بس نزلى موضوع عن الحموات الأمهات
وأزواج الأبناء اللى بيعملوا حمواتهم معامله سيئه
دمتى بخير وسعاده