يوميات طلعت وسعاد (الحلقه الثالثه )

[XxX7o00odAXxX]

شكراا على اليوميات

شكرا لردك الجميل انت يا باشا
نورت التوبيك

[XxX7o00odAXxX]

كده يا حودا كل مرة تشوقني لحد لما اعرف الحلقة جديده بس بجد تسلم ايديك يا قمر وميرسي بجد

معلش يا دميل حالا انزل الحلقه الجديده
نورتى التوبيك

[XxX7o00odAXxX]

يوميات طلعت وسعاد
الحلقة التالتة
الباب دق وسعاد ردت طلع المحضر


المحضر : ده بيت طلعت فايق؟
طلعت؛ ايوه خير فى ايه؟
المحضر : اتفضل امضى بالاستلام
طلعت: على ايه طيب ؟
المحضر : امضى انا ورايا شغل ولما تدخل ابقى اقراه
طلعت: ماشى ياعم هات ... اهه مع السلامه
سعاد : هات ياطلعت وقولنا ف ايه؟
طلعت : اصبري يا ولية ...... ده اعلام الوراثة بتاع خالتى حسنات
لبنى: والله طب كويس يالا قول فيه ايه يابابا
طلعت: اصبري يا بت يا لبنى .... اسمعو بقى (بسم الله الرحمن الرحيم .. انه فى يومه وتاريخه توفيت السيدة حسنات عبد الدايم لطفى وقد تم استخراج اعلام الوراثة وانه قد تم كتابة شقة السيده المتوفية الواقعة فى منطقة المعادى باسم كريمتكم سهير طلعت )
سعاد ؛ ياهلوى يعنى الشقه بس ... مش قولتلكوا دى وليه قرشانه وماتتمناش لحد الخير
طلعت : استنى يا سعاد .... فيه جواب اهو اسمعوا
سعاد : ها قول هايكون ف ايه تانى؟

طلعت: (ازيك يا واد يا طلاعيتو ) ... ايه ده ده من عمتى ؟ هى اللى كانت بتقوللى الدلع الرخم ده ...( انا عارفة انك فرحت انت والنيلة مراتك وعيالك لما سمعتو خبر موتى .. وانتو بقى بتحلمو بالعز والهنا اللى هتاخدوه منى بعد ما اموت وتقعدو تتمتعو ف خيري مش مكسوفين من اشكالكو العرة .... طب والنبي بصو كده على منظركو
بصو كده على طلعت

وهو قصير واقرع وبكرش عامل زى الست الحامل يا واد يا طلعت ده لما كانت المزغوده مراتك حامل كان الناس بيفتكرو انكو هتخلفو توأم مراتك حامل فى واحد وانت فى واحد ... ده انت ياد يا طلعت

لما كنت بتجيبلى كباية المية كنت بتقوللى بالسم الهارى .. فاكر يا ولة سم لما يهرى بطنك انت ومراتك .... وانتى يا قرشانة ياللى اسمك سعاد ده اللى سماكى سعاد ظلمك انتى المفروض يكون اسمك توتر او مصيبة بقى انتىيا بت كنتى بتضربي سهير لما كانت بتيجى عندى ده انتى يا بت كنتى بتضربيها من هنا وبعدين تقومى واخده الاكل اللى انا بعتاه معاها كنت ببعت سمك وفراخ ولحمة مفرومة الهى تتفرمى تحت القطر وانتى صاحية وماتموتيش وتروحى المستشفىويقطعو ايديك ورجلك وتعيشى طول عمرك مش عارفة تمشى ولا عارفة تهشى الدبان عن وشك النحس يا نحس

... يا قرعة يا ام ضفاير بقالها 10 سنين مربوطة ما اتفكيتش ده انتى يا بت قصيرة وتخينة عاملة زى الكورة الشراب المرمية فى خرابة ضلمة وانتى يا ...
سعاد : شوف الولية ... طول عمرها لسانها طويل حتى وهى ميتة.. انا ضفايرى ما بتتفكش على الاقل انا عندى شعر انما هى كانت أرعة


طلعت : بس بقى يا سعاد خلينى اكمل ... (وانتى يا بت يا لبنى يا هايفة يا طويلة التيلة بقى يا بت كنتى بتزعقى لسهير لما كانت بتقولك تيجي معاها عندى ماشى يا طويلة يا كارته يا عانس.. ايوة عانس فيه واحده فى سنك ده ولسة ما اتجوزتش ده انتى اللى قدك عيالهم فى المدارس وكمان اللى قد اختك سهير اللى اصغر منك اتجوزو بس خليكى كده طول ما انتى بنت سعاد النكدية عمرك ما هتشوفى جواز .....


لبنى : ايه ده؟ دى ست قليلة الادب انا عانس... يعنى هى اللى كانت اتجوزت وبعدين انا مش كبيرة قوى وممكن اتجوز لو عايزة ... ده انا لو قلت يا جواز هلاقى طابور عرسان قدام الباب
طلعت: بس يا بت يا لبنى .... (وانت يا واد يا شريف ... وللا اقولك يا بت يا شريفة مانت طرى ومايع كده مبعرفش افرق ما بينك وبين اخواتك .. اكيد كنت بتحلم بفلوسى علشان تشرب بها سجاير لكن لا ...ده بعينك يا مايع...
اشرف: ايه ده ..؟طنط دى قليلة الادب ووحشة ومش بتعرف تتكلم خالص انا كنت مش راضى اشتمها بس لا انتى حمارة يا طنط


طلعت: اخرس ياد .. ( وانتى يا بت يا هبة ...قصدى يا بت يا نظيرة ...ده انتى يا بت فاشلة وغبية وما بتعرفيش تكتبي اسمك هتقولى انك بتطلعى من الاوائل هقولك من البراشيم والغش من البت اللى قدامك يا فاشلة يا ام نضارة قعر كباية)
هبة :اخص عليها .... طب انا كان نفسي تعيش لما تشوفنى دكتورة فى الجامعة لكن بعينها
طلعت وعلشان انتو كلكو بتكرهونى انا بقى اتبرعت بكل فلوسى لدار ايتام ... ومفيش غير شقتى اللى فى المعادى وانا كتبتها بإسم سهير ... وانتو كلكو فى الزبالة ... وخسارة فيكو السلام)

سعاد :شوفت يا طلعت... علشان كنت بقولك دى ست عاملة زى العقرب..انت كنت مش مصدقنى
طلعت : اسكتى يا ولية مفيش فلوس مش مشكلة ... المهم ان فيه شقة ننقل فيها
سعاد : طب هتروح تشوفها امتى؟
طلعت : بكرة هروح اشوفها ... وهاجى احكى ليكو بكرة
******************************************

لكن طلعت خرج تانى يوم من الصبح والساعة وصلت 7 بالليل ولسة مجاش يا ترى ليه؟

[niho mma]

جميله جدا هههههههههههههههههههههه

[الزاعيم]

جميله جدا هههههههههههههههههههههه

[♥بـونـبـونـايـه سـكـره♥]

ههههههههههههههه تجنن الحلقه حوده اوى وبكد بضحك من قلبى على طلعوتى بس صعب عليا اوى بكد تسلم الايادى على الحلاقات الجميله دى تقبل مرورى حوده ومستنيه المزيد منك