شويه نكت جامده جداا

[mido3d]

نكت جامده

مرة حرامى دخل على واحد مسطول البيت قالو هات فلوسك و الا هقتل مراتك قام الرجل
قعد يضححححك...الحرامى قتل مراته وقاله هات الفلوس قبل ماقتل ابنك الرجل قعد يضححححك....الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر بتاع ((كاميرا خفية يعني ))
==============================================
واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له
يا سكران راح قايل لها طب أنا سكران حفوق بكرة .. وانتي ؟؟
==============================================
عيلين صغيرين ماشيين فالشارع لقوا قطة فالاول قال للتاني أنا هاخد القطة دي أربيها التاني قالوه ماينفعش كدة تجيبلك أمراض اغسلها الأول تاني يوم جه الولد بيعيط و بيقول لصاحبه القطة ماتت و أنت السبب أنت اللي قولتلي اغسلها صاحبه قاله ماتت و أنت بتغسلها قاله لا ماتت و أنا بعصرها
==============================================
محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام
==============================================
مساطيل ركبوا أتوبيس بدورين اللي فوق سال اللي تحت انتوا ماشيين بسرعة كام؟ قالوا
80 وانتوا ؟ قاله: إحنا السواق مجاش
==============================================
واحد بيسأل خطيبته : حد قبلي لمس يدك ؟ سكتت قالها : زعلتي قالت
لا : بأعدهم :

==============================================
مرة اتنين صعايدة كان معاهم معزة فراحوا يركبوا القطر فا كمسرى القطر قالهم ممنوع
الحيوانات تخش القطر واحد من الاتنين الصعايدة قال نربوطها ورا القطر ربطوها وركبوا ومشى القطر فابعد ما وصلوا لقوا المعزة مبتتحركش فواحد من الاتنين قال ايوة قشرى قشرى ده انتى راكبة ببلاش
==============================================
عملوا جائزة مليون جنيه للي عنده 10 عيال.واحد عنده تسعة قال لمراته أنا كنت
متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده
==============================================
واحد قال لابنه روح ولعلى السيجاره من ولاعه نزل متلقاش ولاعات فطلع لابوه فابوه اله
ولعها من كبريت نزل متلقاش كبريت فطلع لابوه قله متلقتش كبريت اقه انت فقر اطفى الشمعه الى جنبك ونام

==============================================

1- بخيل اخذ ابنه الى السوبر ماركت، اخذ الولد بسكوت وشوكلاته قال يابابا
بحبه قال الاب بوسه ورجعه
-----------------------------------------------
2- انزلقت سيارة تاكسي على منحدر شديد فصاح السائق برعب: لا أستطيع
ايقاف السيارة فرد الراكب البخيل: أوقف العداد بسرعة
-----------------------------------------------
3- مرة واحد نذل راح عا المقابر وحط شريط الحياة حلوة
-----------------------------------------------
4- واحد اخذ الدواء قبل ميعاده ليه؟؟؟ علشان يفاجئ الجراثيم
-----------------------------------------------
5- مجانين حط لهم الدكتور أغنيه ... قامو يرقصو الا واحد !! قال له
الدكتوور ليه مش بترقص قال اصل انا العروسة
-----------------------------------------------
6 - مرة ديك بيقول لفرخة تتجوزيني عرفي قلتلة ده بابا يدبحني
-----------------------------------------------
7- مهندس كمبيوتر، حلل دمه، طلعت فصيلته Hp
-----------------------------------------------
8- مرة واحد بيحلم كل يوم بماتشات كتاكيت... راح للدكتور... فقاله هديلك
حقنة دلوقتي ومش هاتحلم بيهم تاني خالص... قاله
خليها بكرة يا دكتور علشان النهاردة ماتش النهائي
-----------------------------------------------
9- واحد بتاع فيديو جيم مات كتب علي قبره جيم أوفر
-----------------------------------------------
10- زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

-----------------------------------------------

اليسا وهيفاء وهبي ونانسي عجرم راكبين قطر وبيكلموا عن فارس أحلامهم
إليسا قالت : نفسي أتجوز ضابط
هيفا قالت : نفسي أتجوز صيني
نانسي قالت : نفسي أتجوز لاعب كرة مشهور
سمعهم واحد متطفل دخل عليهم وقالهم معاكوا العقيد شونج يونج الشهير بأبوتريكة


--------------------------------------------------------------------------------


نكت علي الماشي

فرخة اتجوزت فيل .جابوا تـشكـِن فيليه

صاحب شركة كادليز دخل فى قضيه خرجوه بكافوله

مرة فار سكران على الاخر شافة قط جعان قعد يجرى وراة فعدت عربية بسرعة
فرمت القط.. والفار اغمى علية ولما فاق وشاف القط مفروم قال (يووة هو انا كل ما اسكر اعملى مصيبة)

حكم كوره أعد على قهوه ... طلب واحد صفر

واحد سباك نفسه اتسدت غرقت الشقة

واحد غبى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى قايله ادينى واحد أخضر

نذل يبكي في جنازة سألوه تعرفه ؟ قال: لا بس سمعت ان البكاء يعذب الميت

واحد بلدياتنا خلصت مدة رخصة عربيته قال لأبوه : رخصتى خلصت... قاله: من كتر لفك فى الشوارع!

مرة واحد دخل على مراته البيت لقى معاها راجل..قالها : و الله عال..النهاردة راجل...بكرة سجاير !!!

بلديات فتح محل انابيب غاز .. فجّر اسطوانتين فى وسط البلد .دعاية

تلاتة ركبوا طيارة .واحد صعيدي و واحد فرنساوي و واحد امريكاني
جت المضيفة :"تشرب ايه يا فندم" رد الامريكاني قالها اشرب مانجة يا مانجا
و رد الافرنساوي اشرب فراولة يا فراولة
و رد الصعيدي اشرب لبن يا داموسة!!!!!!

مرة ممثل كبير جاله دور برد , رفضه !!

مرة مذيعة عملت عملية في ظهرها...شالولها فقرة ..و حطوا برنامج !!

مرة واحد حشاش بيعلب كورة اخد الكورة على صدرة طلعها من منخيرة


ما الفرق بين التليفزيون والغسالة.. ؟؟؟؟؟؟ مفيش فرق الاثنين بيستعملوا اريال .

ما الفرق بين الزواج والكولونيا؟
الزواج .... قسمة ونصيب
الكولونيا .... قسمة والشبراويشي

ما الفرق بين المرسيدس والتعويرة؟
المرسيدس .... ألماني
والتعويرة ...... ألماني جداً

واحد حانوتي ربنا فتحها عليه و فتح محل فكهاني..كل يوم في المحل يقعد ينادي :
المووووووز علينا حق !!!

اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم

واحد من الشام راح لبنان و دخل علي محل مستحضرات تجميل و سأل البائع
الشامي: بدي ( لبنان بو)
البائع: شو ؟؟؟؟!!
الشامي : بدي لبنان بو
البائع: شو ها اللبنان بو
الشامي : مبتعرف شو اللبنان بو!!!
البائع: لا خيي مبعرف
الشامي : غريبة عندنا بالشام في ( شام بو)!!!!!

سالوا سائق: مين المطربين المفضلين عندك ؟؟؟ قال : مايكل داتسون ، مازدا الرومي ، اسكودا الشمالي.

مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق

طلب مدرس من تلميذغني جدا ان يكتب موضوع تعبير عن عيلة فقيرة فقال التلميذ : كان في عيلة فقيرة الأب فقير و الأم فقيرة و الأولاد فقراء و الشغال فقير و السواق فقير و البستاني فقير كلهم فقراء!!!!

مره واحد بلديات أخد 8986 قفا علي سهوه

اية اللى اصغر من الحشرة.................التسحة

مرة واحد حاتط راسة فى بلاعة , صاحبه بيقول له بتعمل اية , فرد عليه : بفكر بعمق

مرة واحد بلديات نام بالمقلوب صحى لقى رجلو معمصة

مره واحد بلديتنا اشتغل فى الكويت بعد سنه بعت لاهله فلوس ودسته جاتوه بعد اسبوع اهلوا بعتوله جواب بيقولولوا اهلك يبسلموا عليك نفر نفر وبيقلولك الصابون الى انت باعته بيوسخ الهدوم

مسطول بيسأل مسطول الساعه كام؟ قاله معرفش، قاله غريبه أنا عندي معرفش إلا خمسه

بيقولك مره واحده حامل ابنها بيقول لها: ايه اللي في بطنك ده يا ماما ؟
قالتله: ده ابني وبحبه قوي
قالها: لما هو ابنك وبتحبيه اكلتيه ليه ؟

اتنين بدوروا على زوجاتهم فى السوق, فاتفقوا كل واحد يدور على مرات التانى , فاللبنانى بيوصف زوجته للصعيدى وقاله: شعرها أصفر وعيونهازرق وقوامها سمبتيك , ها وشو أوصاف زوجتك؟ رد الصعيدى وقاله: سيبك من مراتى ويلا بينا ندور على مراتك

واحد راح يعزى رجع من العزا, مراته بتقوله عزيت؟؟ قالها لأ ع السمنة

واحد كمسري بيقول لابنه تذاااااااكـــــــــــــــ ــــــــر ............. تنجح

ايه أسرع ثلاث وسائل للاتصالات؟
Telephone
Television
Tell -a- Woman
i liked this one


واحد بيقول لخطيبته لما ازمرلك انزلى قالتله هو انت اشتريت عربيه قاللها لأ اشتريت زماره

واحد هو وابنة مش عارفين ايه هو الاسنسير , كل شوية يشوفوا الحيطة بتفتح و بتقفل ,المهم شافوا ست عجوزرة دخلت جواه وداست على الزر وطلعت بعد شوية نزل الاسنسير واتفتح خرجت منة شابة جميلة ..فقال لابنه :روح هات امك هنا

واحد بلدياتنا اتعزم فى حفلة تنكرية قام غسل وشه

ومرة مدرس بيسأل تلميذ
المدرس: الثعلب يا حبيبى بيبض ولا بيولد
التلميذ: أصل التعلب ده يا استاذ مكار وممكن يعمل أي حاجة


واحد بيسأل التاني هو اللي مات الحريري والا رفيقه.

مره اتنيين مساطيل مااشيين على شريط القطر فواحد بيقول للتاني
يآخي السلم ده طويل بشكل....
رد التاني عليه
الي مضايقني ان الدربزيين واطي أوي....



مره واحد صعيدى قابل واحده اجنبيه
سالها : انتى منين
قالتله: وات؟ what?
قالها: اجدع ناس الوتاوته

مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل

بلدياتنا مراته ولدت بنت الساعه 3 بعد نص الليل .دبحها وجال ماعنديش بنات تيجى آخر الليل

واحد صعيدى قال لابوه انا عاوز موبايل ابوه قاله موافق بس بشرط تركب اخواتك معاك

مره واحد سواق قلبه وقف نزل يزقه



واحد بتاع موبيلات نظره ضعف فراح لدكتور العيون ...كشف عليه وقاله :نظرك ضعف بقى ستة ستمية

صعايدة بيكتبوا محاضرة مع الدكتور كل ما يمسح السبورة يقطعوا الورقة

صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي هنه حشوف مين

مره واحد بيقول لمراته اعملى حسابك هنتغدى بره جه من الشغل لقاها حطه الاكل فى الشارع

واحد محشش راح يخطب واحده ..
ابوها قاله:" انا عليا الشقة.."
رد عليه وقاله :" وانا عليا البنات والبيره !"

مسطول راح المحكمة
القاضى بيسأله انت متجوز مين؟
قاله:متجوز واحدة ست
القاضى قاله انت هتهرج؟أمال فى حد بيتجوز راجل؟
قاله:اه اختى

واحد باشا دار عليه الزمن وافتقر حب يشتغل
إشتغل بياع فجل وجرجير
طول النهار واقف فى السوق ولابس طربوش وبينادي:
فجل يا حوش .. جرجير يا كلاب

حشاش بيقول لصاحبه:

انا حلمت امبارح أننا بقينا فنانين

.. أنت فنان تشكيلي . وأنا فنان أشكيلك



--------------------------------------------------------------------------------


مصطلحات السينما المصرية

مصطلحات فيلم الكيف:-
- هغديك غدوة معمعة ماللى تبهرز الاصول.

- لازم ندوش الدوشة بدوشة ادوش من دوشتها عشان ماتدوشناش.

- احنا اللى بنطلع القرش من بذر العنب....اول مانشخلل الشخاليل ونشرمأ الشواشى هتسرسأ البصارى وحانشفك دوغرى...... اسببك بالسبيب......يعنى احينك...... اقبضك.

- ده انا بادهبزه وادهرزه عشان يبرعش ويحنكش ويبقى اخر طعطعة.

- نضف ودانك يا قانونجى بالمزيكا اللى تشفى الانارخ وتكيف.

- احنا اللى خلينا الشكرمون طاخ فى الترالوللى.

- انت باين عليك رايق ومشرشخ الانارخ.

- احنا بالصلاة عالنبى حلوين قوى مع بعض....لكن ساعة الغلط بنطرطر زلط....يعنى لحمنا جملى مكندز مانتكالش وان اتكالنا عضمنا ركب ماننقرش وان انقرشنا نشرخ فى الزور وماننبلعش ......... ولو بلعتاااك ؟؟؟؟ ....... هتلاقينى مر علقم وهتطرشنى.

- ادينى فى الهايف وانا احبك يا ننس.
- تعالى تانى فى الدور التحتانى ..... ناكل لحمة ضانى ونحلى بسودانى.

- يا حلو بانت لبتك ..... اول ما دابت قشرتك ..... تحرم عليا محبتك ..... وراح اتوب عن سكتك.

- لو الحشيش حلال ادينا بنشربوه ولو حرام ادينا بنحرقوه.

- شايفين قيمة العلام ..... الراجل اول ما شافنى لقظ لون فصى وفهم كوريتى.

- شغل الكيف شهبشة واللى يدوق حلاوته ما ينساهوش.

- انا اللى ستفت الاونطة جوه الشنطة وانا اللى صهفزت الهوى وبهيظت الشفاشى باللولوة.

ثانيا متفرقات من افلام اخرى:-

-ياسلام يا عم بخ ..... الكيف من غيرك وللا يسوى .... روح يا شيخ .... وتعالى بسرعة (فيلم اللمبى)

-احلى حاجة فى الحشيش ده .... انه مافيهوش بذر (فيلم جعلتنى مجرما)

[TiMo0oR]

تسلموووووووووووووووووووو يا جميل على النكت الحلوه دى

[mido3d]

شكرا علي المرور

[جورج13]

مشكوررررررر

جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا
جدا جدا جدا جدا جدا جدا جدا جددا ا جدا جدا جدا جدا جدا جدا جدا
جدا جدا جدا جدا جدا جدا جدا جدا جدا جدا جدا جدا جدا جدا جدا
جدا جدا جدا جدا جدا جدا جدا جدا جدا جدا جدا جدا جدا جدا
جدا جدا جدا جدا جدا جدا جدا جدا جدا جدا جدا جدا جدا
جدا جدا جدا جدا جدا جدا جدا جدا جدا جدا جدا جدا
جدا جدا جدا جدا جدا جدا جدا جدا جدا جدا جدا
جدا جدا جدا جدا جدا جدا جدا جدا جدا جدا
جدا جدا جدا جدا جدا جدا جدا جدا جدا
جدا جدا جدا جدا جدا جدا جدا جدا
جدا جدا جدا جدا جدا جدا جدا
جدا جدا جدا جدا جدا جدا
جدا جدا جدا جدا جدا
جدا جدا جدا جدا
جدا جدا جدا
جدا جدا
جــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــدا

جورج

13

[عاشقة الرومانسية]

هههههههههههه
تسلم يا جميل على النكت الجامدة دى

[ميره]

نكت جامدا جدا

[saso164]

ههههههههههههههههههه
بجد جامده