ادخل شوف ابوك بيقول ايه وقول صح ولا لا

[ميره]

السلام عليكم ورحمه الله وبركاته


كلنا اباهتنا بيقول لنا الكلام ده حتى شوف




1- مالكش دعوة بالسياسة .. وماتمشيش فى مظاهرات .



2- مش عاوز أسمع صوت .



3- ماتردش عليا .



4- تقعد فى أول صف قدام السبورة .



5- لو مش فاهم حاجة .. ارفع إيدك وقول للأستاذ مش فاهم ...ماتتكسفش .



6- اللى بيشيل قربة مخرومة بتخر عليه لوحده .



7- ومالها الكتب بتاعت الوزارة .



8- بص كويس وإنت بتعدى الشارع .



9- ماتتأخرش بعد المدرسة وتقعد مع أصحابك .



10- افرد ظهرك .



11- بتذاكر إزاى والبتاع ده شغال جنبك .



12- ما تمشيش حافى فى السقعة دى .



13- ربنا يهديك .



14- إطفى التليفزيون وقوم ذاكر ... أو ... إطفى التليفزيون وقوم خش أوضتك .



15- المسلسل مش هاينفعك ... قوم .




16- كفاية رغى فى التليفون .




17- ماتقعدش قدام المروحة وإنت مستحمى .




18- وإنت فاكر إحنا مستنيين منك حاجة ؟!




19- ماتعليش صوتك .




20- بلاش لعب فى الشارع .




21- يا ابنى اللى ذاكر ذاكر خلاص .. قوم نام .





22- لو شوفت خناقة مالكش دعوة بيها .




23- عيب .. لازم تحترم الأكبر منك .




24- رن لما توصل .




25- لو فلحت ابقى قابلنى .




26- وطى المدعوق ده شوية .




27- قوم إقرالك كلمتين ينفعوك .



28- إنت فاكرنا لاقيين الفلوس دى فى الشارع .




29- والله ما إنت فالح .. وآدى دقنى اهيه .




30- ما تتكلمش فى الحمام .




31- ماتنامش غير لما تغسل سنانك .




32- ماتلزقش فى التليفزيون كده .... نظرك هايضعف .




33- ضرب أمثلة تشجع على الكفاح .. أشهرها :
( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )




34- يا ابنى محدش بينفع حد .




35- ماتطلعش إيدك من شباك العربية .




36- قصة الغريق اللى كذب اللى كل مرة يقول إلحقونى .. لحد ما غرق .




37- التهديدات المخيفة شكلا .. والكارتونية موضوعا .. مثل :
هاقطم رقبتك ... هاقطع لسانك ... هادبحك دبح.



38- ربنا يرزقك بعيل يوريك اللى وريتهولى .



39- ماتطلعش على الملاية النظيفة ورجليك متة كده .




40- حول القناة دى ... بلاش مسخرة وقلة أدب .




41- نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا وعلى أمك ؟

[meteb]

شكرا على الموضوع الجميل ...........؟
بس على فكرة انا عديت المرحلة دى من زمان ؟ ههههههههههههههههههههههههه
تحياتى ...........؟

[ميره]

شكرا على الموضوع الجميل ...........؟
بس على فكرة انا عديت المرحلة دى من زمان ؟ ههههههههههههههههههههههههه
تحياتى ...........؟

ميرسى ياجميل ونورتنى فى التوبيك

[موشا]

لالا انا 5و7 و8 وماما ممكن تقولى 9 هاا وبكمل مع بابا وصلنا لحد 8و11 وماما13 و14 و15 و16 وهاا بابا 17 وماما و18و19و 23و 25و وعلمى عليها اوى 25 دى هاا26 و27 والله عليكى بجد استاذة انى عايشا فى المرحلة دى ولا اية
هاا هاا وبابا 28 ماما اللى بتقول 29 و30 ههههههههههه على 33 هى دى ايوة و34 لاء كدة خلااااااااااص دى الحاجات اللى انا بسمعها بس من ماما لوحدها وبابا لوحدة هههههههههههههههههههههههه لاء بجد حلوة
ههههههههههههههه

[بك أستجير فمن يجير سواك]

جميل جدا الموضوع ودمه خفيف ... مشكورة ياقمر عليه
تسلم الايادى

[جومانه2009]

هههههههههه
هى طبعا كلها امثلة دمها خفيف وبتحصل كتير
بس لو بصينا كويس هنلاقى ان ده ممكن يتقال من حبهم لينا
تسلمى موضوع دمه خفيف

[ميره]

لالا انا 5و7 و8 وماما ممكن تقولى 9 هاا وبكمل مع بابا وصلنا لحد 8و11 وماما13 و14 و15 و16 وهاا بابا 17 وماما و18و19و 23و 25و وعلمى عليها اوى 25 دى هاا26 و27 والله عليكى بجد استاذة انى عايشا فى المرحلة دى ولا اية
هاا هاا وبابا 28 ماما اللى بتقول 29 و30 ههههههههههه على 33 هى دى ايوة و34 لاء كدة خلااااااااااص دى الحاجات اللى انا بسمعها بس من ماما لوحدها وبابا لوحدة هههههههههههههههههههههههه لاء بجد حلوة
ههههههههههههههه

ميرسى ياجميل على الرد بس ياريت تسمعى الكلام ماما وبابا وتعملى الى بيقولو عليه ونورتينى فى التوبيك

[ميره]

جميل جدا الموضوع ودمه خفيف ... مشكورة ياقمر عليه
تسلم الايادى

والله بجد ميرسى على الكلام الجميل ده وونورتنى فى التوبيك

[ميره]

هههههههههه
هى طبعا كلها امثلة دمها خفيف وبتحصل كتير
بس لو بصينا كويس هنلاقى ان ده ممكن يتقال من حبهم لينا
تسلمى موضوع دمه خفيف

والله مش اخف منك وميرسى على ردك الجميل ياعسل وبجد نورتينى كتير وميرسى تانى بجد

[katkota]

هههههههههههههههه فعلا كتير اوي من الكلام دة بيتقال