اسئلة للشباب فقط......................

[قطقوطة]

ياريت ياجماعة كل اللى يدخل يجاوب لو ممكن يعنى


1) كم مرة تروح للحلاق بالشهر ؟؟

2) من هو مطربك المفضل؟؟

3) كم مرة اتخانقت(وانضربت) ؟؟

هههههههه ان شاء الله مرت بسلام بس ..

4) شخص مشهور تمنيت أنك أنت مكانه؟؟

5) متى ودك تتزوج؟؟

6) وايه أفضل رياضه عندك ؟؟

7) وايه ناديك المفضل؟؟

8) وايه هي سيارتك المفضله؟؟

9) هل تحب القراءة؟؟

10) هل أنت مجنون ؟؟ان كانت الاجابه نعم .. متى تعقل؟؟

12) تحب الفلوس ؟؟

14) هل تحافظ على فروضك في المسجد؟؟


16) هل تتمنى ولادك يبقو زيك؟؟


17) وايه طموحك في الحياة؟؟

18) مين تحب من الفنانات ؟؟

19) وايه اكثر صفه تتمناها في زوجتك (بصرااحه) ؟؟


20-هل تفضل أن تكون زوجتك المستقبليه امرأه عامله ؟؟ ام تفضل ان تكون ربة منزل؟؟
و ايه الاسباب ؟؟


21- هل تفضل أن تشاركك زوجتك الرأي في امور حياتكما المختلفه وامور عملك بالاخص؟؟ اشرح الاجابة معللا وجهة نظرك ...


22-هل لديك استعداد لمساعدة زوجتك في امور المنزل وامور اطفالكما؟


23-مانظرتك للبنت ذات الملابس الخارجة عن الادب...؟؟؟؟ وايه نصيحتك او كلمة تقولها للبنت اللي مو ملتزمة في لبسها ..؟؟


24- هل تحكم على اي بنت بمجرد النظر الى لبسها؟؟ وماهو حد الحشمة عندك...؟؟؟؟


25-كم مرة تنازلت عن مبادئك من اجل انثى؟!! جاوب بصراحة ...؟؟


26-هل تتزوج من تحبها .. ام تحب من تتزوجها !! وايهما تراه اجمل ؟؟


27-ماهي الكلمة التي تربكك من الانثى؟؟


28-هل ترضى على بنتك او اختك ان تكلم شب حتى ولو على النت؟؟؟اذا ايوة ليه ؟؟ واذا لاء كمان ليه؟؟


29-ما صفات الزوجة المثالية من وجهة نظرك؟؟؟


30- كم وحدة ممكن قلبك يحب ويا ترى بتأمن بالحب من اول نظرة ؟؟؟


31- (الخيانة) يا ترى ايه رئيك بالخيانة وخصوصا اذا كانت من حبيبتك؟

32- هل انت غيور على من تحب ؟؟

33- كم علبة جيل بتشتري بالشهر ؟

34- كم علبة سجاير بتشتري باليوم؟

35 - كم مرة بتشوف نفسك في المراية قبل ما تطلع من البيت ويا ترى بتمسح الشوز قبل ما تطلع ؟؟؟

36- يا ترى امتى ممكن تغير من شاب ؟؟؟

37 تسريحة شعرك كيف ويا ترى بتحب تعملها ع الموضةا ؟؟؟

38- مين المطرب اللي بتحبو ومين المطرب اللي بتغار منو ؟؟

39- ايه موقفك وقت تشوف ايميل حبيبتك عن صديقك المقرب ؟؟؟

40- ما ردة فعلك عندما تعلم ان حبيبتك تكلم شباب غيرك على المسنجر ؟؟؟

41- هل النت يؤثر على علاقاتك بالناس ؟؟؟



وياريت نرد بصراحة احنا مهما كان رجالة ومش بيهمنا اى سؤال صح؟؟؟؟؟؟؟؟؟؟؟؟؟؟؟
ياسمين

[قطقوطة]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

[جومانه2009]

عاملين مش واخدين بالهم يا ياسمين

[قطقوطة]

عاملين مش واخدين بالهم يا ياسمين

ههههههههههههههههههههههههه ههه
تصدقي صح

هى الاسئلة صعبة كدة؟والا في حاجة تانية

[maahes]

بالصراحة الموضوع جميل ويستحق الرد وبأذن الله هرد بس مش دلوقتي ولكان قريباً ان شاء الله وأذا قدر الله لي ولكي البقاء .
فاسمحي لي وتقبلي اعتذاري

[قطقوطة]

بالصراحة الموضوع جميل ويستحق الرد وبأذن الله هرد بس مش دلوقتي ولكان قريباً ان شاء الله وأذا قدر الله لي ولكي البقاء .
فاسمحي لي وتقبلي اعتذاري

مرسيه يامحمد ع المرور الصغير دا بس بردو مستنية ردك وكمان بقية الشباب

[عاشق الكوميديا]

اولا التوبيك جميل جدا

ثانيا انا الحمد لله مش بخاف من اى حد إلا والدى ووالدتى بس بحترم كل الناس

ثالثا نجاوب عالاسئله بقى






) كم مرة تروح للحلاق بالشهر ؟؟
مش كتير لانى بحلق كل شهرين
2) من هو مطربك المفضل؟؟
عمرو ديااب او جاكسون سابقا
3) كم مرة اتخانقت(وانضربت) ؟؟
مش بعد (نادرا لآنى مش بتخانق او مش بتاع مشاكل انا طيب و فحالى)
هههههههه ان شاء الله مرت بسلام بس ..

4) شخص مشهور تمنيت أنك أنت مكانه؟؟
جيفارا ( لان الشخص ده كافح جدا فى سبيل انو ينشر السلام و يحقق الحريه لشعوب كتير اوى بس كان عنده مفاهيم كتير غلط)
5) متى ودك تتزوج؟؟
فى سن 22 او اقل يإما بلاش خالص لآنى مش بفكر فيه
6) وايه أفضل رياضه عندك ؟؟
كره القدم طبعا
7) وايه ناديك المفضل؟؟
الاهلى و برشلونه و مانيو
8) وايه هي سيارتك المفضله؟؟
مليش فى السيارات
9) هل تحب القراءة؟؟
اكيد هوايتى
10) هل أنت مجنون ؟؟ان كانت الاجابه نعم .. متى تعقل؟؟
لآ
12) تحب الفلوس ؟؟
لآ
14) هل تحافظ على فروضك في المسجد؟؟
مش دائما

16) هل تتمنى ولادك يبقو زيك؟؟
مش فى كل حاجه

17) وايه طموحك في الحياة؟؟
انى اسافر المانيا
18) مين تحب من الفنانات ؟؟
مفيش
19) وايه اكثر صفه تتمناها في زوجتك (بصرااحه) ؟؟
الصراحه و الروح الطيبه و الحب اهم حاجه

20-هل تفضل أن تكون زوجتك المستقبليه امرأه عامله ؟؟ ام تفضل ان تكون ربة منزل؟؟
و ايه الاسباب ؟؟
عامله لآنها هتكون مثقفه اكتر من ان تكون ربه بيت

21- هل تفضل أن تشاركك زوجتك الرأي في امور حياتكما المختلفه وامور عملك بالاخص؟؟ اشرح الاجابة معللا وجهة نظرك ...
نعم لآنها ستكون لها وجهه نظر قد تكون صحيحه

22-هل لديك استعداد لمساعدة زوجتك في امور المنزل وامور اطفالكما؟
لآ

23-مانظرتك للبنت ذات الملابس الخارجة عن الادب...؟؟؟؟ وايه نصيحتك او كلمة تقولها للبنت اللي مو ملتزمة في لبسها ..؟؟
نظره طبيعيه لآن مش كل البنات بتلبس اللبس ده عمد ممكن تكون عاده من طفولتها

24- هل تحكم على اي بنت بمجرد النظر الى لبسها؟؟ وماهو حد الحشمة عندك...؟؟؟؟
لآ طبعا

25-كم مرة تنازلت عن مبادئك من اجل انثى؟!! جاوب بصراحة ...؟؟
ولا مره لآنى مش بعرف انثى

26-هل تتزوج من تحبها .. ام تحب من تتزوجها !! وايهما تراه اجمل ؟؟
الثانيه لآنها ستجعلنى احبها من بعد الكارثه ما تحصل

27-ماهي الكلمة التي تربكك من الانثى؟؟
مفيش لآنى مش بسمع كلام من الاناث

28-هل ترضى على بنتك او اختك ان تكلم شب حتى ولو على النت؟؟؟اذا ايوة ليه ؟؟ واذا لاء كمان ليه؟؟
ايوه لو كان محترم و هيقدر انها بنت اخته

29-ما صفات الزوجة المثالية من وجهة نظرك؟؟؟
معرفش

30- كم وحدة ممكن قلبك يحب ويا ترى بتأمن بالحب من اول نظرة ؟؟؟
كتييير ... لا

31- (الخيانة) يا ترى ايه رئيك بالخيانة وخصوصا اذا كانت من حبيبتك؟
اسوئ شئ
32- هل انت غيور على من تحب ؟؟
اكيد
33- كم علبة جيل بتشتري بالشهر ؟
ولا علبه لآنى مش بستعملوا
34- كم علبة سجاير بتشتري باليوم؟
مش بشرب الحمد لله
35 - كم مرة بتشوف نفسك في المراية قبل ما تطلع من البيت ويا ترى بتمسح الشوز قبل ما تطلع ؟؟؟
انا بلبس كوتش و بيبقى نضيف لوحده و ببص فى المرايا كتير لآنى بحب يكون مظهرى كويس
36- يا ترى امتى ممكن تغير من شاب ؟؟؟
لآلالا
37 تسريحة شعرك كيف ويا ترى بتحب تعملها ع الموضةا ؟؟؟
تسريحتى عالجنب فيرذاتشى مش عالموضه اوى و مش قديمه اوى
38- مين المطرب اللي بتحبو ومين المطرب اللي بتغار منو ؟؟
عمرو دياب و مش بغير من حد
39- ايه موقفك وقت تشوف ايميل حبيبتك عن صديقك المقرب ؟؟؟
هنفصل عنها بعد ماعرف الاسباب
40- ما ردة فعلك عندما تعلم ان حبيبتك تكلم شباب غيرك على المسنجر ؟؟؟
ههههههههههه عادى
41- هل النت يؤثر على علاقاتك بالناس ؟؟؟
لآلآلآلآلالا طبعا

[قطقوطة]

مرسيه ياجميل نورتنى وسعيدة انك اول حد رد عليا ويارب دايما منورنى

[maahes]

أنا رجعت بفضل الله ومنه علي زاي ماوعدتك.
1) كم مرة تروح للحلاق بالشهر ؟؟

ولا مرة
2) من هو مطربك المفضل؟؟

الحمد لله مافيش.
3) كم مرة اتخانقت(وانضربت) ؟؟
لو عندك أكتر من يدين ورجلين قوللي عشان أبعت معاكي ليساعدك فى العد ههه، صراحة مش فاكر بس اللي أكيد إن الواحد اتخانق وضرب واضرب .
4) شخص مشهور تمنيت أنك أنت مكانه؟؟
الشيخ محمد حسين يعقوب وأحمد ديدات.
5) متى ودك تتزوج؟؟
ان شاء الله أقرب مما تتصوري.
6) وايه أفضل رياضه عندك ؟؟
واللهي بحب امارس كرة القدم.وياسلام على لعب البلي هههههههه.
7) وايه ناديك المفضل؟؟
الاهلي - مانشيستر يونايتد - برشلونة.
8) وايه هي سيارتك المفضله؟؟
43 مايتو رجل. طبعاً مافيش احسن من دي عربية وهي العربية الشعبية الاولى فى مصر
9) هل تحب القراءة؟؟
جداً
10) هل أنت مجنون ؟؟ان كانت الاجابه نعم .. متى تعقل؟؟
ممكن أخد رأي الجمهور أحيانا وبنسب متفاوتة هعقل لما أجوز باءا.
12) تحب الفلوس ؟؟
انا مابكرهاش وبردوا مابحبهاش
14) هل تحافظ على فروضك في المسجد؟؟
ليه الاحراج ده . بس هجاوب بردوا ، بنسبة 85% ويكون السبب ضياع صلاة الفجر أحياناً أو أكون راكب مواصلات وقت الصلاة .
16) هل تتمنى ولادك يبقو زيك؟؟
كأجمالي لأ ولكن فى بعض الامور نعم.
17) وايه طموحك في الحياة؟؟
إني أموت وربنا راضي عني.
18) مين تحب من الفنانات ؟؟
مافيش.
19) وايه اكثر صفه تتمناها في زوجتك (بصرااحه) ؟؟
عدم الكذب والمحافظة على واجباتها اتجاه الله والصدق والامانة وغيرهم كثير.
20-هل تفضل أن تكون زوجتك المستقبليه امرأه عامله ؟؟ ام تفضل ان تكون ربة منزل؟؟
لأ لا أحبها تكون أمرأة عاملة.
و ايه الاسباب ؟؟

لأن هذا دوري أنا وأحب أن تتفرغ للرعاية أطفالنا ان شاء الله ويكفي إن بيتها هو جنتها فى الدنيا ويكفي إن الله أوصى بذلك.
- هل تفضل أن تشاركك زوجتك الرأي في امور حياتكما المختلفه وامور عملك بالاخص؟؟ اشرح الاجابة معللا وجهة نظرك ...
بالنسبة لأمور الحياة فبكل تأكيد وأكون سعيد بالفعل لأن الأمور مرتبطة بفردين لازم يسمع كل منا وجهة نظر الأخر حتى نتوصل للرأي الأصوب والصحيح ، وحتى من باب الشورى.
أما بخصوص عملي فطالما عملي حلال فهذا يكفيني أما أذا كان عملي يؤثر بصورة ولو مش مباشرة اتجاه حقوقها ف لزم اسمع الى رأيها لأن هذه حقوقها.
22-هل لديك استعداد لمساعدة زوجتك في امور المنزل وامور اطفالكما؟
صراحة يكون هذا يوم المنى وأكون فى غاية السعادة اليس هذا من سنة الحبيب صلى الله عليه وسلم.
23-مانظرتك للبنت ذات الملابس الخارجة عن الادب...؟؟؟؟
واللهي انتِ حكمتي عليها بأنها خارجة عن الأداب وهذا وحده يكفي.
وايه نصيحتك او كلمة تقولها للبنت اللي مو ملتزمة في لبسها ..؟؟
نصيحتي لها بسيطة جداً وهي متماثلة فى سؤالين :
الأول:هل وجهة نظرك فى لبسك أنه يرضي الله ؟لو قلتي نعم فأنتِ تفترين على الله وماأدراكي ماعقاب من يفتري على الله كذباً وزورا ، وإن قلتي لأ فأنتِ على شفا حفرة كبيرة من حفر جهنم فالحقي نفسك قبل فوات الأوان واعلمي إن الموت يأتي بغتة.
السؤال التاني: هل لبسك هذا لله ؟ أم للشيطان وأرضاء نفسك الأمارة بالسوء؟
24- هل تحكم على اي بنت بمجرد النظر الى لبسها؟؟ وماهو حد الحشمة عندك...؟؟؟؟
نعم رغم علمي ان كثير من البنات ممن يلبسون ثياب ليست محتشمة محافظات على باقي فروض الله والعكس صحيح مع بعض البنات اللي لبسة لبس محتشم.
حد الحشمة عندي بكل أمانة إن تلبس المرأة ما أمرها به الشرع من حجاب سواء كان خمار أو نقاب .
25-كم مرة تنازلت عن مبادئك من اجل انثى؟!! جاوب بصراحة ...؟؟
بصراحة أكثر من مرة ولكن لأسباب مختلفة .
26-هل تتزوج من تحبها .. ام تحب من تتزوجها !! وايهما تراه اجمل ؟
احب من اتزوجها واكيد هاكون هي الاجمل لأن لو حبيت الاول لن يخلوا هذا الحب من معصية فضلاًَ على أنه معصية ولكن لا أقصد ان الحب معصية مطلقاً ولكن أقيده بالحب المعني والمعروف بين الشباب والفتيات الأن .
27-ماهي الكلمة التي تربكك من الانثى؟؟

حالياً لايوجد.
28-هل ترضى على بنتك او اختك ان تكلم شب حتى ولو على النت؟؟؟اذا ايوة ليه ؟؟ واذا لاء كمان ليه؟؟
واللهي لو كان عن طريق منتدى محترم وهادف ومفيد زاي مصرواي كافيه مثلاً نعم مع بعض الشروط والضوابط أم غير ذلك لأ والدليل على كده أنا لي أخت مشاركة فى المنتدى ده.
29-ما صفات الزوجة المثالية من وجهة نظرك؟؟؟
ان تكون ملتزمة بدين الله وان تعرف مالها من حقوق وما عليها من واجبات اتجاه زوجها وأطفالها أما بقية الصفات فهي تأتي ضمن الألتزام بدين الله.
30- كم وحدة ممكن قلبك يحب ويا ترى بتأمن بالحب من اول نظرة ؟؟؟
طبعاً ده مايسماش حب هو الواحد عنده كم قلب ، وكنت أيام المراهقة أؤمن بالحب من اول نظرة أما الان فلا أظن.
31- (الخيانة) يا ترى ايه رئيك بالخيانة وخصوصا اذا كانت من حبيبتك؟
واللهي الخيانة بصفة عامة فهي أمر فى غاية الصعوبة وغاية المرار سواء كانت من حبيبة أو غيرها.
32- هل انت غيور على من تحب ؟؟
بكل تأكيد فأنا لست بديوث
33- كم علبة جيل بتشتري بالشهر ؟
ولا علبة لأني مابستعملهوش
34- كم علبة سجاير بتشتري باليوم؟
ولا واحدة لا ليه ولا لغيري لأني الحمد لله لا أدخن وهذا من فضل الله علي.
35- كم مرة بتشوف نفسك في المراية قبل ما تطلع من البيت ويا ترى بتمسح الشوز قبل ما تطلع ؟؟؟
تقريبا مرة واحدة فى أيام العمل ، وأكيد بمسح الحذاء عند الخروج.
36-يا ترى امتى ممكن تغير من شاب ؟؟؟
أذا وجدت عنده قابلية واستعداد وعزيمة لكي يتغير ففي هذا الوقت أتتدخل أنا وأبدأ بأعطائه النصائح اللازمة والتي تساعده على التغير.يارب يكون فهمت قصد هذا السؤال.
37-تسريحة شعرك كيف ويا ترى بتحب تعملها ع الموضةا ؟؟؟
عادية جداً مقلوب للخلف ، لأ مابحبش اعملها على الموضة.
38- مين المطرب اللي بتحبو ومين المطرب اللي بتغار منو ؟؟
مافيش مطرب بحبه وبالطبع مش هيبقى فيه مطرب بغار منه والحمد لله.
39- ايه موقفك وقت تشوف ايميل حبيبتك عن صديقك المقرب ؟؟؟
وهي عندها أميله ولا لأ ما جايز اختلسه بنظره من عندي ثم أضافه عنده الموضوع محتاج ترايس ومتابعة عشان أخد القرار الأصوب مع من أحب خاصة وأن كان أميل هذا الخاين مش معاها، أما الصديق فاسلام.
40- ما ردة فعلك عندما تعلم ان حبيبتك تكلم شباب غيرك على المسنجر ؟؟؟
مش قلت لكي أني بغار فا أكيد مش هيبقى فيه ماسنجر إن كان فيه فاهيكون الموجود بنات وبس .
41- هل النت يؤثر على علاقاتك بالناس ؟؟؟

هو تقريبا أثر خلاص
طبعا يا ياسمين أنا تعبت لما خلصت ولكن كل ردودي كانت بمنتهى الشفافية وعشان كده لو فيه تعليق على رد معين أو تحفظ منك على رد معين فياريت تناقشني فيه وشكراً.














ولكي مني جميل الشكر

[قطقوطة]

طبعا يا ياسمين أنا تعبت لما خلصت ولكن كل ردودي كانت بمنتهى الشفافية وعشان كده لو فيه تعليق على رد معين أو تحفظ منك على رد معين فياريت تناقشني فيه وشكراً.

اولا مرسيه يامحمد انك رجعت ورديت عليا تانى
ثانيا اجاباتك عجبتنى اوى وبتدل على انك شخص متزن وكمان عقلانى في كتير من الامور
ثالثا ابقي سلم على رحمة كتير اوى
رابعا نورتنى ويارب دايما بس ليه مابتروحش للحلاق؟
معلش تعبتك معايا