مين هيجى معايا نعلم ولادنا الاستغناء عن البامبرز ... لا للبامبرز

**بسبوسة** · 19 - 10 - 2009, 06:53 PM

طبعا كلنا بنعانى من البامبرز
وبالاخص الى ولادهم كبروا وعدوا السنتين

النهاردة احنا عاوزين نساعد بعض

وهنبدأ مع بعض نحاول نعود ولادنا على الاستغناء عن البامبرز

واحدة واحدة

وبالراحة

وهنشجع بعض

اولاااااااااااااا
الاطفال الى محتاجين دة اكتر من غيرهم

الاطفال الى كبروا

يعنى من سنتين
الى 3 سنين
ثانيا
الطفل يكون عندة استعداد للجلوس على البوتى او قعدة التواليت
لكن مش بيطلب انة يقعد عليها

لاننا عاوزين تكون ظروفنا واحدة علشان نقدر نتعاون

بداياااا
بعد البحث
لقيت الخطوات دية
انا عرفت انة فى خمس مراحل الطفل لازم يمر بيهم علشان يبطل البامبرز بسهولة
المرحلة الاولى
ان الطفل يتعرف على المكان المخصص للبيبى سواء البوتى او ماشابة وفى المرحلة دية هنفهم الطفل ان البيبى لازم نعملو هنا زى الكبار وهكذا وممكن تستخدمى تستخدمى صور اذا امكن المهم لما تسالية احنا هنعمل هنا اية؟يقولك البيبى
المرحلة التانية
تقعدى طفلك يعمل بيبى كل نص ساعة وبعدين كل ساعة وبعدين كل ساعتين هتلاقية مرة بيعمل ومرات مبيعملش وبيعمل فى البامبرز معلش متزهقيش
المرحلة التالتة
وفيها الطفل بيطلب يعمل لما يحس بكدة هنا بقى لازم تكافئية بحاجة بيحبها علشان تشجعية
المرحلة الرابعة
وبتكون لما الطفل ميعملش بيبى فى البامبرز طول النهار وبيعمل فى البوتى بتاعتو وهنا تبطلية البامبز نهائيا حتى فى الشارع علشان متلخبطيهوش وكمان وقت النوم
المرحلة الاخيرة
بيتعود فيها الطفل ميعملش بيبى وهو نايم بس لازم تخلية يعمل قبل مينام وتصحية مرة بالليل يعمل بيبى

اية رايكو يارب اكون قدرت اساعدكو
تعالو نبتدى المراحل دية مع بعض وكل واحدة قابلتها المشكلة دية لطفلها يبطل البامبرز تكتبهلنا ونحلها سوا

**شيري العسولة** · 19 - 10 - 2009, 07:53 PM

ههههههههههه
طيب لما اشوف طاطا هايعمل كده ولا لا

وتسلمى ياقمراية ع الموضوع

**lomy** · 17 - 12 - 2009, 02:34 PM

بجد موضوع تحفة ربنا يسهل واقدر انفذ كلامك مرى يا قمر الموضوع دا كان شاغلنى جدااااا

**lamada hanem** · 17 - 12 - 2009, 02:42 PM

**gogomody** · 5 - 1 - 2010, 06:31 AM

والله انا فىالمعانه دى هبدا اطبقها ويعنا الله ان شاء الله شكرا على المعلومات القيمه دى

**لما النسيم** · 5 - 1 - 2010, 10:15 AM

انا هقولكم الطريقة الصححححححح اللي تخلص من الاخر انا عندي كريم ابن اختي اقنعته تمااااااما ان اللي بيلبس بامبرز او مش بيقول عاوز ادخل الحمام بتيجي السحلية تاخده وان في ثعلب شرير عنده عربية بييجي يلم العيال اللي بتلبس بامبرز وبيقول عليها عبيطة ولو لقاها عامله حاجات غلط فاهمني طبعاا هه؟ بياخدهم في العربية بتاعته وياخد سنانهم ويضربهم من ساعتها وهو بيقول عاوز ادخل الحمام .........انا مش مفترية بس هكذا تكون السيطرة و التربية السريعة عشان احنا مخنوقين خلقة ومش لسة هنداادي