الساجد الفنان

**hadede** · 21 - 10 - 2009, 08:07 PM

الساجد الفنان

---------------------
الجزائر علينا ليه بتتطاول

وتقول مصر على الفيفا بتتحايل

مين هينسى أكل الفندق المايل

---------------------
كتير قالوا هناك الاكل كان مسموم

وفريقنا رجع مريض مهزوم ومهموم

وباذن الله هيكون لكاس العالم معزوم

-------------------------
وفريق الساجدين قلوبنا تملى وياه

يارب يفوز تلاته ويحقق اللى بيتمناه

ونقول شحاته مدرب وطنى ما احلاه
_______________________

الناس الخاينة هتتغلب وهتبقى تحاته

وهيرفرف علمنا بألوانه الزاهية التلاته

وهنقول برافو يا فريقنا ويا حسن شحاته

______________________________

لجنوب افريقيا ان شاء الله هنروح

وهنفرح من سيناء لحد مطروح

وريحة النصر لمصر زى الفل هتفوح

___________________________
جيل ابو تريكه الساجد الفنان

اجمل من الورد فى البستان

مخلص وهيسكن فى الشبك اجوان
كلمات عماد الدين محمد

مع اطيب المنى بفوز مصر 3 صفر ان شاء الله

**No TiMe** · 21 - 10 - 2009, 08:39 PM

باذن الله يا عماد منتخب مصر هيكسب
وبجد هتبقي فرحه ما بعدها فرحه
تسلم يا كبير بجد علي المقطوعه اللي فوق والنصر لينا باذن الله

**saso164** · 21 - 10 - 2009, 08:58 PM

تسلم يا استاذ عماد على الكلام الجميل دا
و ان شاء الله الفوز لمصر

**hadede** · 21 - 10 - 2009, 09:14 PM

المشاركة الأصلية كتبت بواسطة ::::..ISLAM..::::

باذن الله يا عماد منتخب مصر هيكسب
وبجد هتبقي فرحه ما بعدها فرحه
تسلم يا كبير بجد علي المقطوعه اللي فوق والنصر لينا باذن الله

ان شاء الله هنكسب بتوفيق الله

ثم اخلاص فريق الساجدين

ودعاء المصريين

وبعد الفوز هنفرح ونحمد ربنا

تسلم يا اسلام وطبعا هتابعك فى ليلتك الجميلة النهارده ومنها هنعرف ان بدأ ت

تذاكر ولا لأ لانى حقيقى بتمنى انك تحصل على تقدير

دمت فى حفظ الله ورعايته

**hadede** · 21 - 10 - 2009, 09:18 PM

المشاركة الأصلية كتبت بواسطة saso164

تسلم يا استاذ عماد على الكلام الجميل دا
و ان شاء الله الفوز لمصر

الله يبارك فيك اختنا الفاضلة سارة

ويارب يوم 14 نوفمبر نفرح بفوز مصر وتأهلها لكأس العالم

فحقيقى هذا الجيل افضل جيل كورة فى مصر

يارب يوفقهم ونسعد جميعا
دمت فى حفظ الله ورعايته