ايه الحل ؟؟ هل بجد او لا( بسرعه )

[my baby you]

انا رايى انك تبعدى عن الموضوع ده خالص وتحاولى تنسيه انتى لسه صغيره.لو اتعلقتى بيه اكتر من كده هتتعبى .ونصيحه بجد منى ابعدى عن النت ده خالص واللى بيحصل فيه..وخدى بالك ممكن اصلا ميكنش حب ومنه صدقينى انا مش بقولك كده عشان تبعدى وخلاص انا بس بقولك خدى بالك لا ن ف شباب كتير ع النت كل متعهم انهم يتسلوا ع البنات وف الاخر صدقينى مش هتلاقى حاجه انتى اللى هتخسرى حتى لو كنتى حبيته بجد ف انا اقصد انك تاخدى بالك.ولو انتى شايفه الظروف صعبه وانكم مش هينفعوا ترتبطوا يبقى خلاص الموضوع ينتهى من دلوقتى احسن وانا شايفه انك هتقدرى.. سنك ولسه كمان هتدخلى حياه جديده بعد كده وهتقدرى تنسى.ولو هو فعلا بيحبك اكيد هيبقى عايز مصلحتك وهيخاف عليكى

[بنوتة الأحلام]

ميرسي لارائكم يا جماعه وعلى مساعدتكم

[بنوتة الأحلام]

صح يا عمار هو فعلا افعال واحاسيس ومش كلام بس
بس هو فعلا عمل كل حاجه مع اهله بس هما معترضين جدا جدا جدا على كل حاجه سنها اهلها وكمان متعرف عليها من النت ...... فاهمنى طبعا
بس هو كده مفيش قدامه غير لما يخلص ويفاتحهم تانى وهما لسه مع بعض بس هى مش عارفه تقطع علاقتها بيه لحد ما يخلص ويقنع اهله
ولا تكمل معاه وبعدين اهله ما يوافقوش ويفترقوا ويبقي صعب عليها انها تنساه يعنى هما وصلوا انهم يكملوا لحد النهايه ويشوفوا ايه الى هيحصل بعد كده يعنى-

[نونا الشعنونه]

بصى يا حبيبت قلبى ده مش حب و اسألى مجرب انا كنت فى فتره كنت موهومه انى بحب واحد و كان نفس القصه دى كان مهتم بيا قوى و مهتم انه يقولى اعملى كذا و متعمليش كذا و كان الموضوع جد جداااااااااااا و كنت انا مسافره بره مصر و كنت اول اما هاجى هيتقدملى و الفرق الوحيد بينى و بين صحبتك ان مامته كانت موافقه و كانت فرحانه جدا جدا بس انا ما قدرتش اعيش فى الضلمه كتير و روحت صارحت ماما و ماما انسانه متفهمه جدا و طلبت منى انى اقطع صلتى بيه و فعلا قطعت صلتى بيه و صدقينى كان صعب جدا فى الاول بس دلوقتى عايشه حياتى كويس جدا و نسيت الموضوع
طب اقولك على حاجه كمان انى لما نزلت مصر عرف يوصلى و كلمنى و طلب منى انى احدد معاد مع بابا علشان يتقدملى و انا رفضت لانى اتأكدت انى مش بحبه و انه كان مجرد اعجاب بحد مهتم بيا بحد عجبتنى طريقه تفكيره و تصرفه بس مش اكتر يعنى مش حب

[بنوتة الأحلام]

بس يا نونا هى فعلا بتحبه مش معجبه بيه بتحبه اوى اوى كمان هى اهم حاجه ولدته دى مش موافقه خالص وهى خايفه تحكى لولدتها تقولها اقطعى علاقتك بيه وهى متقدرش تعمل كده لانها بتحبه بجد بجد بجد مش مجرد اعجاب صدقينى بتحبه اوى وهو قالها انو اول ما يخلص هيفاتح اهله تانى فى الموضوع ويحاول يقنعهم وربنا يعمل الى فيه الخير بس هى فعلا بتحبه يا نونا

[queen2010]

اوكى يا عمارطة انا اسفة جدا والبنات مش فهمين حاجة خالص فى الحب سبنلكم ياشباب تعريف الحب ونشوف بقا هتعملوا اية

[بنوتة الأحلام]

براحه بس يا كوين متنفعليش اوى كده يا جميل

[عمارطه2009]

سوري يا جماعه تقريبا الأخت كوين زعلت مننا طيب قولي ليها حاجه يا جميليه وأحنا بنتعذر ليكي يا كوين مرة أخري _وبعدين مين قال البنت مش بتفهم في الحب بالعكس أنا قولت قبل كدة ان البنت لما بتحب بتحب بجد وبتخلص في الحب أكتر من الولد بس ذي ما قولت بردة بيبقي غصب عنها ممكن تفضل تحب وتلاقي الغدر من اللي حبيته أو ينتهي حبها نهايه غير سعيدة لان أغلب البنات أمرها مش بأيدها بيبقي غصب عنها كتدخل أهلها في فرض وأختيار شريك حياتها حتي من غير رضاها وأي بنت في الدنيا بترتكب أكبر غلطه لو فكرت تضحي بأهلها علشان خاطر حبيبها واللي مالوش خير في أهله أعتقد مالوش خير في حد _وبعدين كدة كدة في النهايه حتي لو تحدت أهلها وأتجوزت غصب عنهم أكيد في أي يوم لازم يحصل خلاف تروح فين هيا بقي مدام خسرت أهلها _محدش يقولي أنهم هيفضلو سعداء علي طول لازم يكون في خلاف في يوم من الايام لان الدنيا كلها يوم معاك ويوم عليك _كفايه كدة أنا خرجت برة الموضوع أنا داخل علشان أقول للأخت كوين متزعليش مننا وأحنا هنا كلنا أخوات والاختلاف في الرأي لا يفسد للود قضيه

[maahes]

بصراحة وبدون زعل أنا تقريباً رأيي من رأي الأخ عمار طه 2009 مع بعض التحفظات طبعاً لبعض الكلام ، ولكن عندي كمان كم سؤال كده فاسمحي لي :
1-انا عايز اعرف انتي ياجميلة ليه ماحسساني ان الموضوع يخص شخصك وليس صاحبتك؟
وسبب سؤالي ده انني قرأت لكي رد فى أحد المواضيع تعترفي انكي تعرفي شاب عن طريق النت ، معذرة هكذا فهمت .
2-انا شايف انكي مصرة على تبرير موقف صديقتك ولا تريدي أخذ أي حلول وتخترعي مبرر لكل حل؟
3-السؤال المهم واللي عايز أجابته منك أنتي والاخت كووين هل هل مايحدث بين صديقتك وهذا الشاب يرضي الله عزوجل ؟وهذا هو الفيصل.
ولكي مني جميل الشكر
محمد محمد محمد

[raahes]

بصراحة محمد وعمار كلامهم صح لأن هم أكيد عارفين الشباب بيفكروا ازاى وبعدين أنتى عايزة تعرفى الرد وأنا شايفة أن ده أحسن رد لحل المشكلة دى وبعدين هى عارفة أن مامته رافضة وأن مامتها لو عرفت هاتقولها أقطعى علاقتك بيه يبقى الصح أن هى تبعد وما تعلقش نفسها أكتر من كده ده رأيى من غير زعل وياريت تقبلى مرورى
رحمة