لو لمبه اتحرقت هيكون تصرفك ايه ...؟؟؟؟

[احمد الصباغ]

لو لمبة اتحرقت هيكون تصرف الناس معاها ايه؟‎

الإجابة البديهيه ان الناس هاتغيرها،
لكن ثبت بالتجربة ان الإجابة دى مش وافية لأن تصرف الناس مع اللمبة هيختلف حسب مكانهم وثقافتهم‎
فى العراق
لما ناس بيتتحرق فى بيتهم لمبة بينزلوا يخطفوا اول اجنبى يقابلوه ويطلبوا من بلده تبعت لمبة جديدة مع واحد يغيرها علشان يفرجوا‎
عن المخطوف‎
فى انجلترا
لو واحد اتحرقت فى بيته لمبة بيتصل بمندوب حلف الأطلنطى علشان ياخد اذن بتركيب لمبة جديدة‎
فى السودان
واحد هايمسك اللمبة وخمسة يلفوا السقف‎
فى الصين
لما واحد بتتحرق فى بيته لمبه، بيدخل كل البيوت اللى فى شارعهم ويبص تحت السلم، لحد ما يلاقى السلم الى فيه ناس قاعدة تحتيه‎
بتصنع لمبات، ياخد منهم لمبة علشان يغيرها، ويديلهم بدالها ساعة من‎
اللى هو بيعملها تحت السلم فى بيته‎
فى اليمن
لما واحد بتتحرق فى بيته لمبة بيقعد يخزن قات لحد ما يبقى شايف ان اللمبة اتغيرت لوحدها‎
فى الخليج‎
لما واحد بتتحرق فى بيته لمبة بيطلب من الشغالة الفلبينية انها تبعت السواق الباكستانى يجيب صنايعى هندى يغير له كل اللمبات الى فى البيت‎
فى لبنان
علشان واحد يغير لمبة محروقة لازم واحد تانى يولعله الأرجيلة (الشيشة) وواحدة تغنى للإتنين وواحد ينزل يجيب ومعسل وسجاير للتلاتة علشان كله يعدل مزاجه قبل الشغل فى اللمبة‎
في ليبيا‎
لو اللمبة اتحرقت بيراجعوا الكتاب الأخضر ويشوفوا فبه تعليمات‎
تغيير لمبة فى الجماهيرية‎
فى الصومال
لما لمبة بتتحرق ماحدش بينتبه للموضوع دا علشان ماعندهمش‎
كهربا أصلا‎
فى المغرب
لما لمبة بتتحرق فى بيت واحد بيروح مسافر فرنسا يشتغل فى المينا هناك أسبوع ويرجع بكرتونة لمبات فى أيده‎
فى ايران
لما واحد بتتحرق فى بيته لمبة كهربا بيخرج ينضم للمظاهرات علشان يطالب بحقه فى لمبة نووية‎
فى سوريا
لما بتتحرق لمبة بيعملولها استفتاء وتطلع النتيجة ان اللمبة شغالة بنسبة 99.999% ويعملوا احتفال قومى للوصول للنسبة دى، ولو مافيش‎
ميزانيه للإستفتاء يطلع خبر فى الجرايد تانى يوم ان اللمبة انتحرت علشان حست إنها مقصرة فى أداء واجبها القومى‎
فى مصر
أى عيل صغير ممكن يغير لمبة ويدور على مين يدفع تمن اللمبة‎
فى إسرائيل
لما لمبة بتتحرق بيقولو ان الإرهابيين الفلسطينين هما اللى‎
حرقوها ويطلبو من امريكا انها تبعت لهم بدالها ألف لمبة جديدة وكمان‎
شوية صواريخ وطيارات علشان يقوموا بواجبهم فى الحرب على الإرهاب وينسفوا بيوت الناس اللى حرقوا اللمبة‎
فى فرنسا
لما لمبة بتتحرق بياخدوها يعملوها إزازة بارفان وطبعا كل الناس بتقلدهم بعد كدة وتبقى موضة‎
فى أمريكا الجنوبية
لما واحد بتتحرق فى بيته لمبة بياخد جماعة من أصحابه وكام مدفع رشاش ويلبسو صاعقة ويطلعوا على قصر الرياسة يعملوا انقلاب ويخلعوا الريس ويمسكوا الحكم ويكلفو الجيش انه يغير اللمبات المحروقة اللى عندهم كلها بسرعة قبل ما واحد تانى تتحرقله لمبة وييجى يخلعهم
فى الولايات المتحدة الأمريكية
لما واحد بتتحرق فى بيته لمبة بيتهموا حزب القاعدة بإنه السبب الرئيسى فى حرق هذه اللمبة وعلى هذا الأساس‎ سيتم ارسال قوة حربية مؤلفة من 2000 دبابة مدعومة بـ 243000 من مشاة البحرية و غطاء جوي مؤلف من 846 قاذفة مهمتها البحث والعثور على المجرم الإرهابى الذى فعلة هذه الفعلة الشنيعة وسيتم نشر قواعد عسكرية فى جميع بلدان الشرق الأوسط للبحث والتحرى وسيتم إرسال مفتشين دوليين للتأكد من أن جميع دول الشرق الأوسط لا يوجد بها لمبة محروقة وسيتم احتلال أى دولة إذا تم التأكد من وجود لمبة محروقة باعتبار أن حكوماتها غير قادرة على إيجاد من يغير هذه اللمبة

فى الاردن

لو كل لمبات الاردن اتحرقت ولو حتى الكهربا قطعت ولا فيش ولا شمعه فستظل الاردن منوره
بالابنه الحبيبه طيف واختهاساندرا ووالدتهم العزيزه
فتلك الاسره تنورقاره باكملها

[شيخ البلد]

ابى العزيز
الموضوع جميل جداً اوى خالص
واتفق مع حضرتك فى موضوع الاردن واطالب الملك عبدالله بفتح باب الاحتراف او التبادل التجارى ونعطيهم لمبات وشمع ونأخذ منهم السيدة طيف واسرة حضرتها الموقرة ...

[sahar]

وفي الجزائر مادا يحصل اكيد الجزائر البيضاء تبقى دائما منورة .شكرا على تعليقك . كتير جميل

[ساندرا]

يا رب يخليك ويطول عمرك يا اطيب بابا بالعالم كلو
والله انت مفيش اطيب منك بالعالم
والله كلنا بنحبك وبنحترمك والمنتدى ومصر كلها منورة بحنانك وطيبتك و زوئك

[dr_manoon]

موضوع حلو اوىىىىىىىى تسلم ايد حضرتك على التوبيك

[احمد الصباغ]

وفي الجزائر مادا يحصل اكيد الجزائر البيضاء تبقى دائما منورة .شكرا على تعليقك . كتير جميل

مرحب والف مرحب بأهل المغرب العربى
انا اسف
اول مره اعرف ان فيه اعضاء غاليين علينا من الجزائر الشقيقة بلد المليون شهيد بلد الابطال بلد الثوار بلد العظماء
من اول عروج بربروسا وخير الدين بربروسا الى
احمد بن بله
هوارى بو مدين
رابح بيطاط
الشاذلى بن جديد
محمد بو ضياف
على كافى
الامين زروال
عبد العزيز بو تفليقة

بلد جميله بوحريد ؛ الشيخ محمد بن على السنوسى ؛ الشيخ ابو بكر جابر الجزائرى ، الشيخ الدكتور عبد الرحمن طالب ، الطاهر وطار ، محمد راسم ، مالك بن نبى ، كمال مسعودى ، وردة الجزائرية ، الشاب خالد ، زين الدين زيدان ، رابح ماجر والكثير الكثير
عموما نورتينا وكترتينا وشرفتينا فأهلا بك بين اهلك واخوانك واحبائك وناسك

[Bidow]

استاذ احمد دايما سابقنا بذوقك وكلامك الجميل ومشاركاتاك الرائعة ورنا يخليك لينا وتنورالمنتدى و مصر كلها
بس انا ما كنتش اتصور ان موضوع اللمبة كبير قوى كدة ههههههه.

[طيف عابر]

يا الله استاذ صباغ
انا فعلا خايفه نتحسد على حبك الكبير والله
انا فعلا عاجزة عن الكلام ومو ملاقيه كلام مناسب يفيك حقك
بيكفي تعرف انه نور ايمانك وصدقك وطيبتك مالي الكافيه والفيوم ومصر كلها
الله يبارك في عمرك ويزيدك من فضله عليك ويرزقك رضاه وجنته
يا اروع انسان واطيب اب

[احمد الصباغ]

شكرا احمد عمر على متابعة اعمالى وشكرا بلسم المنتدى ودواءه د منى وتحيتى للاخ بيدو واختى الجزائريه سهر والابناء الاعزاء الغاليين طيف وساندرا

[masman]

الموضوع ده محتاج mad man
عشان هو اكتر واحد هيفيدنا فى موضوع اللمبة ده

بس فعلا متوقعتش ان الموضوع كبير اوى كدة
وان له سياسات تعامل خاصة بكل دولة

بس فعلا موضوع جميل كالعادة ابى العزيز