* زعلان مهموم مش طايق نفسك طيب وبعدين أرجو من الجميع المشاركة *

[مصرية شقية]

أكيد كلنا بنتعرض للحظات بنكون فيها زعلانين
ومهموين ومش طايقين نفسنا ولا الدنيا بحالها
وأكيد بردو فيه حاجات كتيرة بنعملها علشان نتخلص من الحالة السيئة دي
يا تري إنت بتعمل إيه لما بتكون زعلان ؟
يعني مثلا

بتخرج
بتدخل النت
بتذكر الله
بتقرأ قرآن
بتصلي

كدة يعني
علشان كلنا نستفيد

وعايزة أقول لكم إن من أهم الحاجات اللي بعملها
لما بكون مضايقة
هي إني بدخل منتدي مصراوي كافيه
ولو ملقتش ردود علي الموضوع مش هدخل هنا تاني
أبدا أبدا أبدا

ربنا يبعد عنكم الحزن والهم

تحياتي

مصرية شقية

[عمارطه2009]

وأحنا يا ستي منقدرش علي ذعلك وانك ما تدخليش الكافيه تاني _وأنا لما بكون زعلان بأقرأء قران وفي أيه جمليه جدا بتقول _" أن الذين قالوا ربنا الله ثم أستقامو تتنزل عليهم الملائكه ألا تخافو ولا تحزنو وأبشرو بالجنه التي كنتم توعدون نحن أوليأكم في الحياة الدنيا وفي الأخرة ولكم فيها ما تشتهي أنفسكم ولكم فيها ما تدعون " صدق الله العظيم

[~ man neO ~]

اناا بقى لماا ببقى مش طايق نفسى
لازم اضحك وافرفش
وابحث عن اللى هخرجنى من اللى اناا فيه من اصحابى
او اقعد مع نفسى
شكراا ليكى مصريه

[طلة القمر]

صباح الخير مصريه
موضوعك طبيعى
بنتعرض كلنا ليه
عن نفسى
لما اكون قلقانه
او مضايقه من شئ
اقرا سورة يس والرحمن والملك
و
على طول انقل فى البيت
المهم ميكونش حد معايا
السفره تيجى هنا والانتريه يروح هناك
احط زرع هناو كرسى هناك
وبالشكل ده عملت منظر جديد
او اقوم على اصارى الزرع انظفها واشيل منها وازرع هنا واغير اماكنهم
وبالتالى البلكونه بيبقى منظرها اجمل
وبعدين كوبايه الشاى فيها تكون احلى
فى البيت عندى عارفين عنى النقطه دى
واول ما يدخلو ويلاقوا التغيير ده
على مين مزعل------------
انا بطبيعتى اكره النكد
وتصعيب الامور
وربنا يسهلها علينا كلنا
بارك الله فيكى
اختك طله

[كهرمان]

لا ياقمر ميخلصناش زعلك ابدا وخصوصا ان الموضوع حلو
انا طبيعى بحب الفرفشه اوى بس بيجيلى اكتئبات كتير من الاخبار اللى بنسمعها كل يوم
المواظبه على الصلاه والقران الكريم
وسماع المزيكا انا بحب كل انواع المزيكا
او ممكن اكلم صحباتى ونعمل قعده حلوه نضحك ونفرفش ونحكى ونرقص ونغنى وطبعا ولادنا بيبقو معانا هما كمان يلعبو ويهيصو
ويوسخو الدنيا بالبسكوتات
شكرا يا شقيه عى الموضوع

[بك أستجير فمن يجير سواك]

موضوعك جميل مصرية
انا لما بكون مضايقة بذكر الله وبقول الدعاء ده دائما
(لااله الا انت سبحانك انى كنت من الظالمين ) وكمان اية الكرسى
والحمد لله برتاح وبعدين اقراء القران
وسلمت يداكى ياقمر
تقبلى مرورى

[NOOSA]

أنا بقى لو اتضايقت أو زعلت،، كل البيت بيبقى عارف أنو لازم يبعدو عنى لحد ماأهدى لوحدى خاااالص... يعنى لما بتضايق بقعد لوحدى وطبعا أكييد بذكر ربنا

[No TiMe]

انا لما بضايق بطلع بره افك نفسي بعيد عن اي حاجه تخليني افتكر اللي ضايقني ايه

[مصرية شقية]

وأحنا يا ستي منقدرش علي ذعلك وانك ما تدخليش الكافيه تاني _وأنا لما بكون زعلان بأقرأء قران وفي أيه جمليه جدا بتقول _" أن الذين قالوا ربنا الله ثم أستقامو تتنزل عليهم الملائكه ألا تخافو ولا تحزنو وأبشرو بالجنه التي كنتم توعدون نحن أوليأكم في الحياة الدنيا وفي الأخرة ولكم فيها ما تشتهي أنفسكم ولكم فيها ما تدعون " صدق الله العظيم

منحرمش منك يارب ميرسي لذوقك
وعلي ردك الرائع بجد أنا استفدت منه
منورني

[مصرية شقية]

اناا بقى لماا ببقى مش طايق نفسى
لازم اضحك وافرفش
وابحث عن اللى هخرجنى من اللى اناا فيه من اصحابى
او اقعد مع نفسى
شكراا ليكى مصريه

العفو ميرسي لمرورك ولردك الجميل
منورني والله