هابى...زلانتين....ضاى..."عيد الحب جه"...افرحوا... يا... شباب!!!

[العفو والعافيه]

بسم الله الرحمن الرحيم
ازيكوا يا شباب كيف أحوالكوا بعد ما ريحتكوا منى شويه..رجعت علشان ازهقوا شويه
يارب تكونوا كويسين عشان تتابعوا معايا بقه عيد الحب او الزلانتين داى ومتخافوش مش هنروح بعيد ولا تاكسيات ولا كارنيهات المكان هو الجامعه برده كلنا بقه بنشوف اللى بيحصل فى الجامعه يوم عيد الحب بصراحه أنا فى اليوم ده كنت بسيب محاضراتى وأنزل أتفرج على الهدايا الشيك اللى بتظهر
ايه هيحصل لو كانت ورده تعبر عن مشاعرك ولو انى مش بعترف الا لما تكون فى اطار أسرى
لازم الدبدوب الكبير اللى أطول منى ده والعلب الاحمره دى بس كان نزل لون البنك كان عجبنى أكتر بجد
المهم انتوا عارفينى الفتنه فى دمى أحكيلكوا بقه شفت ايه الحياه بقى لونها بمبى واحمرات كتيـــــــــــــــــره أوى
وكل حد وحده شايلين شنط حمره من قد الكف لاطول منى وبيقدموها لبعض وانا بحس انى حاله شاذه عشان مش محمره ومبمببه زيهم بس يله المهم نكمل،،،
شفت شاب بيقدم هديه لبنت (بس كنت هموت وأعرف فيها ايه)
جميل سلم عليها وماله وقدملها الهديه والظاهر سمعنى وانا بقول عايزه اشوفها قام فتحها طلع من العلبه ساعه قام ملبسهالها عادى كلنا سبور وباركنا وهنينا وولع النور وهيييييييييييييييييييييييييه
بذمتكوا ده منظرغلط مين أولا البنت بلا جدال لعدم احترامها لنفسها،،
ثانيا الشاب لاساءته والعبث ببنات الناس والتخلى عن شهامته وعدم وضع اخته فى ذلك الموقف ،،
ثالثا ان كان يخف وجود الرقيب بالجامعه لان رقيبه الداخلى اعتل فبكل قوه لا يفعل ذلك ولا يجرؤ على التفكير فيه ولكن احترام وهيبه ورقابه الجامعه غابت وتزداد التعديات فى يوم مثل ذلك
وملحوظه أنا لا أعمم أنا أتحدث عن حاله وجدتها وهذا لا يمنع وجود نماذج محترمه متدينه تراعى الله
بالله عليكم تابعوا ذلك اليوم وان وجدتوا أنماط غير ذلك أبشرونى بكل ما هو خير باذن الله وان كنت على خطأ أنيرونى بالله عليكم بس أنا بشوف ده جوه الجامعه والمظاهر منتشره فى الشوارع أكبر المولات والمحلات والاسواق بقيت مليانه بالهدايا والشنط والعلب والكروت مش باقى غير اللى هيشترى ده غير النغمات الرومانسيه المنتشره بالتليفزيون بمناسبه عيد الحب ده غير بعض القنوات اللى بتخيرك على فيلم عيد الحب
ياشباب انا مش ضده انا معاه لما يحمل من معانى ساميه وجميله ومفيده لتوطيد الحب بيننا جميعا بس محتاج بس شويه ضوابط
ليه منخليش عيد الحب يوم مع ربنا نقوله بنحبك يارب
نعبر فيه عن معانى الحب الاخرى لماما وبابا واخواتنا نقضيه مع ربنا فى تدين أو مع الحبيب بارتباط رسمى وليه نقعد فى كافيهات ونقضى اليوم كله بره يعنى ونشيل ذنوب سواء بالنظر أو الفعل ..
ربنا يعزكم ويبارك فيكم وهابى زلانتين بقه

[NOOSA]

عشان مش محمره ومبمببه....ههههههه انا كمان ولا بحمر ولا ببمبب زيهم وعندك حق والله فى كل الكلام والمهم أنهم ميعرفوش أصل الأحتفال كان اية هم بيحتفلوا كدة وخلاص ،،مظاهر كتيرة وبيتفننوا فيها ...ربنا يستر علينا ...جزاك الله كل خير

[محمود سمير]

ههههههههههههههه

[بك أستجير فمن يجير سواك]

مشاء الله عليكى بس قليل ياجميلة الا كده
وربنا يستر من الاعياد الا بتطلع فجاءة
وانا بخف من المفجاءة وسلمتى على طرح الموضوع
جزاكى الله خيرا

[مصرية شقية]

مشكورة علي الموضوع
جزاكي الله كل خير
وربنا يكفينا شر الفتن

[العفو والعافيه]

عشان مش محمره ومبمببه....ههههههه انا كمان ولا بحمر ولا ببمبب زيهم وعندك حق والله فى كل الكلام والمهم أنهم ميعرفوش أصل الأحتفال كان اية هم بيحتفلوا كدة وخلاص ،،مظاهر كتيرة وبيتفننوا فيها ...ربنا يستر علينا ...جزاك الله كل خير

وانا والله لا بردرد ولا ببنكك
اللهم جنبنا الفتن ما ظهر منها وما بطننن

[maahes]

السلام عليكم ورحمة الله وبركاته
فى البداية وقبل أن أدخل فى صلب الموضوع أرجو منك أن تسامحيني وهقولك عن السبب اللي هتسمحيني عشانه بس توعدني الاول أنك هتسامحيني.
شكراً على وعدك لي ، المهم يأخت العفو والعافية السبب هو ، وأنا أتصفح جديد المنتدى وجدت عنوان هذا الموضوع وبصراحة تضايقت جداً بسببه وذلك لما وصلنا له من تقليد أعمى ، المهم ثم ذهبت ولم أدخل الموضوع ولكني عرفت من كتب هذا الموضوع طبعا الكلام ده كان يوم 1/11وجئت تاني يوم وتالت يوم كل ماأذهب لمكان فى المنتدى أجده أمامي ، ومن حوالي 10 دقائق فقط وجدت لكي موضوع فى جديد الكافيه يحث الاعضاء على صيام الثلاثة أيام البيض ، وماسأذكره الأن هو مأريدك أن تسامحيني عليه ألا وهو أنني ةصفتك وقلت لنفسي وقتها هي البنت دي مالها متناقضة ليه بتكتب من يومين عن عيد الحب والنهاردة أجد لها موضوع عن صيام الايام البيض وبصراحة نويت أدخل لموضوع بتاع الصيام وأقول لكي ماجاء فى نفسي . ولكن الحمد لله فقد قلت لنفسي الاول تأكد هي ولا لأ ولما تأكدت فقلت لنفسي أدخل وشوف موضوع بتاع عيد الحب ده جايز تكون بتسخر فيه ممن يحتفلون به ، والحمد لله أنني لم أتهور ودخلت والأن أنا بكتب الرد وطلبي منك أن تسامحيني واللهي ماظننت فيكي هذا الظن إلا من حسن ظني فيكي سابقا واستغرابي .
ويأختاه أنا مستعد لأي شيء تحكمي به عليا بس سامحيني.
أما بخصوص عيد الحب فواللهي أنه لأمراً محزن مايحدث فى أوساط المسلمين من تقليد أعمى دون فهم للحقيقة مايقلدونه هل هو حلال ولا حرام وهل هو من ديننا ولا متورد من الغرب الكافر والشرق الملحد فأن الأمر بحق لجلل وأنه لمرار ماوصلنا أليه حالنا وإن لله وإن أليه راجعون وحسبنا الله ونعم الوكيل .
وأسف على الأطالة،وجزاكي الله خيراً.
ولكي مني جميل الشكر
محمد محمد محمد

[MagMan]

نيس توبيك يا اخت ...

موضوع جد جميل ...

[العفو والعافيه]

السلام عليكم ورحمة الله وبركاته
فى البداية وقبل أن أدخل فى صلب الموضوع أرجو منك أن تسامحيني وهقولك عن السبب اللي هتسمحيني عشانه بس توعدني الاول أنك هتسامحيني.
شكراً على وعدك لي ، المهم يأخت العفو والعافية السبب هو ، وأنا أتصفح جديد المنتدى وجدت عنوان هذا الموضوع وبصراحة تضايقت جداً بسببه وذلك لما وصلنا له من تقليد أعمى ، المهم ثم ذهبت ولم أدخل الموضوع ولكني عرفت من كتب هذا الموضوع طبعا الكلام ده كان يوم 1/11وجئت تاني يوم وتالت يوم كل ماأذهب لمكان فى المنتدى أجده أمامي ، ومن حوالي 10 دقائق فقط وجدت لكي موضوع فى جديد الكافيه يحث الاعضاء على صيام الثلاثة أيام البيض ، وماسأذكره الأن هو مأريدك أن تسامحيني عليه ألا وهو أنني ةصفتك وقلت لنفسي وقتها هي البنت دي مالها متناقضة ليه بتكتب من يومين عن عيد الحب والنهاردة أجد لها موضوع عن صيام الايام البيض وبصراحة نويت أدخل لموضوع بتاع الصيام وأقول لكي ماجاء فى نفسي . ولكن الحمد لله فقد قلت لنفسي الاول تأكد هي ولا لأ ولما تأكدت فقلت لنفسي أدخل وشوف موضوع بتاع عيد الحب ده جايز تكون بتسخر فيه ممن يحتفلون به ، والحمد لله أنني لم أتهور ودخلت والأن أنا بكتب الرد وطلبي منك أن تسامحيني واللهي ماظننت فيكي هذا الظن إلا من حسن ظني فيكي سابقا واستغرابي .
ويأختاه أنا مستعد لأي شيء تحكمي به عليا بس سامحيني.
أما بخصوص عيد الحب فواللهي أنه لأمراً محزن مايحدث فى أوساط المسلمين من تقليد أعمى دون فهم للحقيقة مايقلدونه هل هو حلال ولا حرام وهل هو من ديننا ولا متورد من الغرب الكافر والشرق الملحد فأن الأمر بحق لجلل وأنه لمرار ماوصلنا أليه حالنا وإن لله وإن أليه راجعون وحسبنا الله ونعم الوكيل .
وأسف على الأطالة،وجزاكي الله خيراً.
ولكي مني جميل الشكر
محمد محمد محمد

بارك الله فيك استاذى الخلوق ومن انا سيدى لامتلك السماح او ما شابه ذلك
وعلى فكره انا لسه قايلاها لاختى امبارح انى بتشعب وتفاوت الكتابه انسانه
متناقضه
لكن وربى كتاباتى كلها تصب فى بوتقة رضا ربى
بارك الله فى مرورك الكريم وردك الاكرم

[منريدس]

تقاليد اعمى من الغرب واحنا مش بنعترف بية ربنا يستر على بنات