كرسى الاعتراف (جارى البحث عن ضحيـــــه )

[فتى الإسلام]

ربنا يستر عليكِ يا اسماء
أنا شايف حملة تدبيسات عليكِ
ربنا معاهم


ومعاكِ
وأنا جيت أسألك سؤالين كدا على الماشي

ـ من هي أسماء؟؟( أوصفيها )

ـ ماذا تريد؟؟

ـ ليه بتحي تدبسي الأعضاء؟؟

كفاية كد
ونجيب غيرهم

[دره]

ربنا يستر عليكِ يا اسماء
أنا شايف حملة تدبيسات عليكِ
ربنا معاهم


ومعاكِ
وأنا جيت أسألك سؤالين كدا على الماشي

ـ من هي أسماء؟؟( أوصفيها )

ـ ماذا تريد؟؟

ـ ليه بتحي تدبسي الأعضاء؟؟

كفاية كد
ونجيب غيرهم

ربنا يكرمك يارب يايا كريم
دانا متبهدله من امبارح
بس والله انا مش بحب ادبس حد لدرجتهم دى
دول بينتقموا منى مش مدبسنى


انما من هى اسماء؟
مين
اااه
تعرف اسماء دى غريبه جدا
وغامضه اوى
عمرها ما لاقت حد يفهمها اوى ويعرف يوصل لعقلها ولاحساسها
صديق كان او قريب لكن الحمد لله متدبستش فى حبيب
اسماء خياليه جدا وبتتخيل حجات مش فى الواقع ونفسها تحققها
هيا بتحاول تحقق احلامها والحمد لله بتتحقق مش مهم امتى المهم انها بتتحقق
اسماء يائسه ساعات بس بترجع تستعيد قواها وتستعين بربنا والحمد لله بتتعدل
عصبيه جدا وعصبيتها دى تعباها نفسيا وجسمانيا
اسماء بيقولوا عليها هبله بس هيا بتعدى بمزاجها علشان تعرف تعيش
بس
هو كتير بس معلش

[ابو تريكه]

ورده تديها لعضو

ورده تديها لعضوه

اكتر اكله بتحبيها

احسن خبر ف حياتك

اعتذار لعضو من الاعضاء

لو ظلمتى حد تعملى ايه

بتصحى الساعه كام وتنامى الساعه كام

تحبى تسافرى وتعيشى بره

اكتر صفه بتكرهيها

صفه وحشه ونفسك تغيريها

عمرك عملتى مشكله مع معلمينك

مرتبطه

ايه مواصفات فتى احلامك

ايه هوه املك ف الحياه

بتحبى الاطفال

احسن اسم ولد وبنت


دول بقى حاجه ع السرييييييع

وخدى بالك لو انتى ريا انا ابو تريكه والكوره دلوقتى ف ملعبك

وانا ليه عوده بأذن الله

سلاموووووووو

[عفريت أفندى]

أسماء منوره كرسى الإعتراف

مش عارف الناس مصتقصداااااكى ليه ؟

تكونيش بتدبسيهم ؟

ههههههه


كام سؤال كده ف السريع

إنذار شديد اللهجه توجهيه لمين و تقوليله إيه ؟

ضاقت و لما استحكمت حلقاتها فرجت

و كنت أظنها لا تفرج

امتى حصل الموقف ده معاكى ؟ و لو كتير إحكى عن موقف واحد و بالتفصيل



تعملى ايه ف الأعضاء الأتيه ذكر أسماءهم ؟ و اتكلمى براحتك

أسيره بلا قيود ( مس منااااااار مدرسة الانزليجى )

محمد ديفلز ( و حاسبى منه أحسن ده مرعب )

أبو تريكه ( ضليع فى قواعد اللغة العربيه )

سندريلا الغرام ( الرومانسيه آيه سابقا )

عفريت أفندى ( و إحترسى و انتى بتجاوبى أحسن يطلعلك بالليل )


و كفااااااايه كده

انا حاسس ان العالم ما صدقت و لاقيتك هنا

ههههههههههه

[دره]

ورده تديها لعضو
اكرام مجاور
ورده تديها لعضوه
سندريلا الغرام
اكتر اكله بتحبيها
محشى ورق عنب وفراخ مشويه
احسن خبر ف حياتك
مفيش احسن لحد دلوقتى بس فى حجات كتير حصلت لناس بحبهم فرحتنى اوى
اعتذار لعضو من الاعضاء
لا مفيش
لو ظلمتى حد تعملى ايه
هعتذر واشوف ايه اكتر حاجه بيحببها او بتحبها واعملها ومع الحاجه دى لازم ورده حمرا
بتصحى الساعه كام وتنامى الساعه كام
مليش معاد معين يعنى على حسب الاجازه او الدراسه او مثلا لو ورايا حاجه مهمه
تحبى تسافرى وتعيشى بره
لا انا دايما بقولها بهزار لامى انى هسافر واعيش بره لما اتجوز لكن لا مقدرش اعملها بجد
اكتر صفه بتكرهيها
الكذب والخيانه
صفه وحشه ونفسك تغيريها
فى نفسى مثلا .العصبيه مش بتضر حد لانى مش بتعصب وابقى رخمه لكن بتضرنى انا ودايما عند الدكاتره منها
عمرك عملتى مشكله مع معلمينك
مشاكل كتير اوى بس مش حجات جامده
يعنى مثلا تغيير ميعاد درس وانا مش عاجبنى بزعل اوى ومش بكلم المدرسين وكده
بس اكتر حاجه عملتها ان حد راح لمدرس العربى وقاله انى قلت انه رخم فزعل منى وراحت جيباله اللى قالت كده وقالتله انى مقلتش حاجه
فضلنا زعلانين لاخر الدراسه وهو كان بيحاول يصالحنى وانا مكنتش برضى لانى كنت بحترمه اوى ومصدقتش انه صدق انى قلت حاجه لكن لما عرفت انه تعب رحتله وكنت نفسى اشوفه اوى وفرح اوى انى جيت شوفته وانا نفسى اوى اشوفه دلوقتى رغيت كتير فى دى معلش بس انا عمرى مشفت مدس زيه بادبه واخلاقه
مرتبطه
لا
ايه مواصفات فتى احلامك
هما كتر اوى حوالى خمسين
بس
"ملتزم -صوته حلو وهو بيقرا قران- رومانسى- يفهمنى من غير متكلم- حنين"
بص هما كتير اوى انا مش هعرف اكتبهم كلهم دانا كاتبه صفاته بملامحه اصلى عاوزاه تفصيل
ايه هوه املك ف الحياه
ربنا يرزقنى بالفردوس الاعلى
وبعد كده حجات كتيير وبحاول احققها
بتحبى الاطفال
بموت فهم
احسن اسم ولد وبنت
بنت. عائشه وفاطمه ونور العيون
ولد .محمد ومحمود واحمد وعمر
دول بقى حاجه ع السرييييييع
سريع بس حلوين اوى
وخدى بالك لو انتى ريا انا ابو تريكه والكوره دلوقتى ف ملعبك
هههههههههههه
صحيح احنا طلبنا هناك عند ريا روح شوفه
وانا ليه عوده بأذن الله
بأذن الله
سلاموووووووو

اسئلتك حلوه يا محمود
منورنى ومنور سولى

[دره]

أسماء منوره كرسى الإعتراف

مش عارف الناس مصتقصداااااكى ليه ؟

تكونيش بتدبسيهم ؟

ههههههه
هههههههههههه
مش عارفه امال لو مكنتش طيبه اوى وغلبانه

كام سؤال كده ف السريع
اتفضل يا وليد
إنذار شديد اللهجه توجهيه لمين و تقوليله إيه ؟
هوجهه لاى حد بيحاول يكذب عليا واقوله انى عارفه انه كذاب بس بعدى بمذاكرى ومتفتكرش انى مش فااهمه
الكلام ده حصلى كتير
ببقى عارفه انها مثلا كذابه واعديها بمذاجى
ضاقت و لما استحكمت حلقاتها فرجت

و كنت أظنها لا تفرج

امتى حصل الموقف ده معاكى ؟ و لو كتير إحكى عن موقف واحد و بالتفصيل
حصلت من حوالى سنتين كنت ليا صحبتين بحبهم اوى كنت مقدرش اشوفهم زعلانن وكنت بعمل حجات كتيير اوى علشانهم وهما مقدروش كان فهم انانيه وحب ذات
كنت عارفه كده من الاول بس كان عندى امل اغيرهم
بس اتفقوا عليا وقالو انى انا اللى انانيه على الرغم انى حصلى مشااكل كتيير علشان مخليش شكلهم وحش قدام اهلى
وفعلا جت فى يوم وقلتلهم كل واحد يروح لحاله وتعبت اوى بعدها وصدفه عرفت ان واحده فهم خطيبها قالها انه بيحبنى وانه اتقدملى وانى وافقت
وان الخطوبه حصلت انما امتى والله معرف كنت العروسه ومش عارفه خطوبتى امتى
هههههههههههههه
المهم ان فى الاخر هما عرفوا انه كداب وهو بعتلى اعتزار مع واحده قريبتى جارتهم وهما دخلوا حنيه علشان نرجع صحاب
لكنى رفضت بعد وجع اعصاب بس دلوقتى زمايل عادى والنهارده هروح خطوبه اللى كان خطييها كدب عليها
الف مبروك
انت اللى قولت تفصيل
بس ده ملخص على فكره
انا مكنتش متخيله انى هرتاح من تعبهم بس الحمد لله ربنا كان معايا وريحنى

تعملى ايه ف الأعضاء الأتيه ذكر أسماءهم ؟ و اتكلمى براحتك

أسيره بلا قيود ( مس منااااااار مدرسة الانزليجى )
منار طيبه اوى بس دايما حزنه ومخنوقه نفسى اوى اعرفها اكتر من كده
اتعلمت منها ابقى حزيينه وادرى حزنى بس مش دايما كده
محمد ديفلز ( و حاسبى منه أحسن ده مرعب )
محمد جدع اوى بحاول اتعلم منه الجرأه
أبو تريكه ( ضليع فى قواعد اللغة العربيه )
محمود طيب وذكى ومثقف جدا اتعلمت منه اعرف بقول ايه قبل متكلم
سندريلا الغرام ( الرومانسيه آيه سابقا )
ايه طيبه وجدعه اتعلمت منها حجات كتير جدا
عفريت أفندى ( و إحترسى و انتى بتجاوبى أحسن يطلعلك بالليل )
هههههههههه
اتعلمت منه اضحك
شكله هيكرهنى انى ازعل اصلا


و كفااااااايه كده

انا حاسس ان العالم ما صدقت و لاقيتك هنا

ههههههههههه

هههههههههههههه
دول بينتقموا منى
واخد بالك وانت منهم
منورنى يا وليييد

[دره]

اين انتى يا سولى مشفناكيشى هنا يا قمر

[دره]

هعيد دى يا وليد انا افتكرتك بتقول اتعلمتى ايه!


تعملى ايه ف الأعضاء الأتيه ذكر أسماءهم ؟ و اتكلمى براحتك
هعمل حجات بسطيه
أسيره بلا قيود ( مس منااااااار مدرسة الانزليجى )

نفسى اعمل ليها توبيك مخصوص ليها كل الناس تدبسها فيه

محمد ديفلز ( و حاسبى منه أحسن ده مرعب )
هههههههههه
نفسى اخوفه شويه علشان يبطل القوه دى
أبو تريكه ( ضليع فى قواعد اللغة العربيه )
اخليه يكتب شعر فى ابداعات الاعضاءويعمل توبيك عن جمال اللغه العربيه
سندريلا الغرام ( الرومانسيه آيه سابقا )
اخليها تيجى القاهره علشان اشوفها وجه لوجه بقى
عفريت أفندى ( و إحترسى و انتى بتجاوبى أحسن يطلعلك بالليل )
نفسى ياااه دانا نفسى ارعبه بدل مهو جننى فى عضو فى ورطه ال دوشه ال وزيطه كمان نفسى ارعبه

[ايسل]

سومه حبيبتى منوره الكرسى ياقمر

خدى عندك بقى

اذا تم تعيينك ملكه لجميع البلاد العربيه فما اول قرار ستتخذيه؟ ؟؟؟؟؟؟؟؟؟؟؟؟؟

عارفه انك مش بتحبى جمال عبد الناصر بس فى سؤال لو خيروكى بين جمال عبد الناصر وحسنى مبارك من تفضلين ؟؟؟؟؟؟؟؟؟؟؟؟

ايه رأيك فى الشعب المصرى؟؟؟؟؟؟؟؟؟

واخيرا اذا قابلتى الريس ما هو السؤال اللى هتطرحى عليه؟؟؟؟؟؟؟؟؟؟

وكفايه عليكى كده الله يكون فى عونك انا مجربه ربنا معاكى يا قمر

[♥بـونـبـونـايـه سـكـره♥]

اسفه بكد للتأخير ياحبى

انا باك من تانى


اشتــــا نبتدى
1

2

3

اسمك:

سنك:

ساكنه فين:

وظيفتك او كليتك:

فصيلة دمك:

كام اخت وكام اخ :



ساكنه فين :


مكان نشئتك :



الاكله الى بتحبيها:



بتحبى اعضاء مصراوى كافيه قد ايه:


نفسك فى ايه:




عبر عن الكلمات الاتيه

الدنيا :

مامتك:

باباك:

حبيبك :



البحر:

مصر:

كرسى الاعتراف ته:

مصراوى كافيه:


اكتر حاجه بتحبيها واكتر حاجه بتكرهيها:

اكتر عضو هنا مدايقك:


اكتر عضوه بتدايقك:

اكتر عضو بتحبى موضوعاته:

وبرضه اكتر عضوه بتحبى موضوعاتها:

اكتر عضو و عضوه بيعجبك اسمهم :

اكتر عضو وعضوه بيعجبك توقيعهم :


اكتر عضو و عضوه بيعجبك ردودهم :

لى عوده ياقمر