,انطوائي , اجتماعي , فيلسوف , خفيف الظل , ثقيل الدم
)
رد مع اقتباس
ماذا تعنى لك حياتك الان؟
أنا ف نظرى الدنيا دى حاجة ضيقة جدا يا أسماء
أما حياتى عموما فهى مجموعة غلطات و حماقات
أما الحدث الأبرز فهى حالة الحرب اللى أعلنتها على نفسى
ماذا تعنى الحياه من منظور الحزن؟
انفعال الحزن دا تقريبا باحس دايما أنه مش بعيد عنى يعنى مثلا صحيت من الصبح
تلاقى على التلفزيون فيلم اسمه (خيانة مشروعة ) لا حول و لا قوة إلا بالله .. طيب تقلب على قناة تانية
تلاقى (مصرع و إصابة ) تقفل التلفزيون و تطلع ف الشارع تلاقى واحد واخد جنب و مشغل (ألبوم حماقى الجديد)
تمشى شوية لقدام تلاقى واحد ماشية و عارفه يا أسماء عاوزة الناس كلها تشوفها ...عارفة الحالة دى عندها حب الظهور
طيب معلش أنا هاحكى لحضرتك قصة ..أنا ف مرة كنت ماشى فى الجامعة و أجارك الله من اللى بيحصل فى الجامعة لقيت واحد ماشى ف الشارع
و عارفة الهيدفون بتاع الكومبيوتر ...هوا ده حاطه ف دماغه و معاه حتة تليفون و بيسمع أغانى هوا كان بالصدفة معدى جنبى لكن كان صوت السماعات على شوية فشدنى بصراحة قلت أشوفه بيسمع ايه طلع بيسمع أغانى أجنبية و ماشى و هيطير من الفرحة و لا ف إيدة كراسة و لا كشكول و لا حتى يحمل قلم و أظن حضرتك عارفه اللوك أسف أقصد المنظر بتاع الشباب اليومين دول لكن انا متعمد اقول الكلمة دى فتقريبا أظن إن حضرتك رسمتيله الصورة ف ذهنك ... دى الحكاية و ملايين المواقف اللى ممكن تشوفيها ف حياتك و لو حكيت مش هبطل
و حضرتك دلوقتى بتسألينى الحياة من منظور الحزن ... طيب أنا هراضى زمتك ...هاتى أى شاب من الشارع و اسأليه تعرف ايه عن العلمانية ..؟؟ ولا مين جيفارا ده ؟؟ لا بلاش هاتى أى حد شاب واسأليه إيه أخر امالك فى الحياه و ططموحات حضرتك ايه ؟؟ و انا هسيب لحضرتك المساحة للتعليق على واقع الأمة ...أمة مين ؟؟ هيا دى أمة سيدنا رسول الله يا أسماء ... هما دول اللى سيدنا النبى هيباهى بيهم الامم يوم القيامة ؟؟ أظن أنا كده تقريبا نقلت لحضرتك صورة الحزن عندى ف حياتى ف مدينتى ف مجتمعى ... اللى بقول عليه ... مجتمع اسلامى ...
ايهما تفضل كلمات رائعه ام افعال صامته فى حين ان الا فعال لم تراها بعد ؟
سؤال سياسى دبلوماسى من عقلية متفتحة .. انا و من الأخر مليت من الكلام ... مليت من إنى أسع كلمة غلط .. مليت من سلاسل انعدام المسؤلية ... مليت من (وانا مالى ) ماهو كل الناس بتعمل كده ...يعنى هيا هتيجى عليا و تعجبنى جزئية من قصيدة لهشام الجخ أنا ممكن بعد إذنك أستشهد بيها
خايف عليكى من الكلام ... أصل الكلام ف بلادنا علة
و بصراحة واضح إننا كنا مستهدفين من بدرى و ادى الخطة اللى حطوها بتتنفذ فعلا .. والغريب يا أسماء أن دا لو دل فبيدل على مدى سذاجتنا ... أنا حاسس إن كلامى ابتدى يتغير علشان أنا مشيت و جيت تانى .. ثم لو على الكلام ما أجمل الكلام قول زى ما تقول ..طيب العملية بتمشى كلام ف الأول طيب و بعد كده فين النتيجة ..أنا بلف ف دايرة مقفولة ..أنا كل اللى عاوز أوصله لحضرتك أن ف زمن زى اللى احنا عايشين فيه كل حاجة بتتغير حتى انعالات الناس يا أسماء بتتغير فمن الأول متتكلمش أفضل و تتكلم بعملك .
ما اهدف من الصداقه؟
حضرتك تقصدى أهداف الصداقة .. لو بنتكلم عن الصداقة كقيمة .. فلاشك السؤال ده المفروض ميكونش له وجود
و لكن بما إننا فى عصر التناقضات فكل شيئ محتمل وروده ..أقول لحضرتك حاجة من كام سنة كانت فكرتى عن الصداقة لا يشوبها أى شائبة أيام ما كنت صافى قبل ما اقابل و أعرف و أتعرف ....العجيب يا أسماء أن فى حكمة أنا باسمعها كتيير الأيام دى زى ما تكون مستقصدانى ...معرفة الناس كنوز ... طيب ممكن أنا بقى أسأل أسماء بقى سؤال و ياريت تجاوبنى ف نفسها أسماء عرفت كتيييير جدا من الأصحاب ف حياتها لكن لاشك إن فيه شخصية واحدة من أصحاب أسماء ليها صلغة خاصة ليها وقع ف حياتها ليها أثر واضح من ضمن كل الناس دى ...هيا دى الصداقة
بعد فشل اكثر من علاقه مع اصدقائك ماذا ستفعل؟
احتمال وارد حدوثه مع كل الناس ...لكن إجابتى هتكون ياترى ايه كان سبب الفشل فى علاقاتى معاهم هل المشكلة منى و لا من غيرى ...مش يمكن أكون اتسرعت شويه ..أنا بجد مش عارف أفكارى متلخبطه ليه دلوقتى لو تسمحيلى أنا من عشاق الشاى المصرى عن إذنك ثوانى ... أسماء لو وقعت ف مشكلة من الأول إنها تعرف فى البداية ايه سبب المشكلة علشان تقدر تحلها ...أنا مش بهرب من السؤال يا أسماء أنا بس كل اللى عاوز أقوله إن أسماء لازم كل فترة و التانية تبص ف نفسها ..تقف للحظات ..أنا إيه اللى فدرت أحققه النهارده ..من شهر .. من سنة ... هل حياتى كان ليها معنى و لا أصحى من النوم الساعة 10 أفطر .. وبما إنى كنت نايمة متأخرة ..ياااه نمت قبل الفجر بدقايق ..ضيعت صلاة الفجر ..يبقى كده اليوم ضاع .. أنا مش عايز أكمل لحضرتك اليوم ماشى إزاى و صدقينى أنا مبقصدش أسماء بالاسم انا بس كنت بضرب مثال لحضرتك ... فإحنا مبنسيبش الأيام تمشى بينا و تدودينا على هواها الناس سبقتنا بملايين السنسن علشان كانوا بينظموا حياتهم ...أسماء و على ومحمود و...و...لازم ينظموا حياتهم أقسملك بالله يا أسماء سمعت محاضرة تنمية بشرية لشخص قبل كده كان بيتكلم عن (حط بدايل لسلوكياتك ) يعنى ارسم صورة ليومك كله تخيل اية الله هيحصل معاك بكرة وجهزه ف ذهنك أنا مقلتلكش تخيل حياتك بعد 20 سنة و لا حتى بعد سنة واحدة لا أنا بقولك ليوم واحد ..يا أسماء متسيبيش نفسك عرضه للظروف هيا اللى تدودينى وهيا اللى تجيبنى . و كل اللى عاوز أقوله لحضرتك بس متيأسيش ولو للحظات .
ما اهميه الصمت فى عالم صامت؟
الصمت ..كلمة جميلة جدا للوهلة الأولى ..مصطلح ليه وضعه و حالته الخاصة بين قاموس الكلمات ...قل قدر ما تشاء ولكن إن كنت تصمت عن جهل فأنت مخطئ ...علمونا زمان يا أسماء بالعصاية .. يعنى لما يدخل الناظر ..يتمنع الكلام ..أنا أراضى زمتك ..يرضيكى حال أمتنا يعنى نبقى أمة الإسلام و نتكلم عن العدل و الحرية و الديموقراطية و...و.... و نبقى احنا مبنعملش باللى بنقوله ... أنا جربت كتيير أصون ساكت و لغاية دلوقتى ساكت ..لما حبيت أتكلم ...لقيت إن الكلام غلط .. ولقيتنى عصب عنى ساكت .. كان أبويا زمان يقولى متسكتش على حقك ..
ماذا تود لو انهم اتوا بك الى كوكب اخر غير كوكبنا وعرضوا عليك امنيه واحده فماذا ستتمنى؟
إنى أشوف والدى ووالدتى .
قهوتنا على الانترنت
المشاركة الأصلية كتبت بواسطة thegohst
