كرسى الاعتراف (جارى البحث عن ضحيـــــه )

[شيري العسولة]

اجمل حاجة حصلت معك 2008 2009 ممكن تجوابنا

بصى ممكن يكون 2009 لانى خلصت دراسة بعد عناء طويل
ولو فى اسئلة تانى تعالى البيت بيتك مش تتكسفى

[شيري العسولة]

شيرى اية هو حب فى نظرك وانتى دارستى اية وكلمة تحبى تقوليها حد عزيز عليك حد نفسك تقوليوا ربنا يسمحاك

شيرى اية هو حب فى نظرك ؟
الحب هو اجمل شىء فى الحياه انك تحسي ان فى حد بيخاف عليكى وجامبك دايما فى الفرح والحزن من غير مايستنى مقابل انك تكونى فى قمة السعاده لما تغيري علية لما تتصلي بية وتقوليلوا وحشتنى بصى الحب شعور متبادل ولازم يكون من الطرفين بس هو احلى حاجة فى الدنيا الحب اللى من غير نفاق ولاغدر ولاخيانة

وانتى دارستى اية ؟
داستى ياستى نظم معلومات وخلصت الحمد لله

وكلمة تحبى تقوليها حد عزيز عليك ؟
ربنا مايحرمنى منك يا مامتى

حد نفسك تقوليوا ربنا يسمحاك ؟
no comment


شكرا الك ياقمر وانا فى انتظار باقى اسئلتك

[شيري العسولة]

ياجماعة لما توصل شيري بالسلامة الى كرسي الوطن قصدي أرض الوطن حد يبلغني جايز تزنق زاي ناس كده فيكون لينا نصيب فى الزنقة دي.
ولكم مني جميل الشكر
محمد محمد محمد ودي ياستي بقية العيلة ولا تخلي حاجة فى نفسك خالص

انا كيت اهو بس كأنى مش موجوده هاااا
شكرا مقدما ليك محمد وانا فى الخدمة لو فى اسئلة لو مافيش كتر خيرك ياراجل

[maahes]

وقعتي ياشيري برجلكي وزنقتي نفسك يابنتي ماكنتي تخليكي فى القسم بتاعك أحسنالك بس يالا استلمي وعدك
نبدأ أسئلة عن المنتدى الاول يالا بنا:
أنتِ أشتركتي فى مصرواي كافيه ليه ؟ بصراحة
مشتركة فى كم منتدى بفاعلية؟ومنتدانا رقم كم بالنسبة لك؟
من هن الثلاث عضوات اللي حاسة أنهم قريبين من شخصيتك وطريقة تفكيرك من خلال مواضيعهم؟
من الاعضاء الثلاثة اللي حاسة بردوا أنهم قريبين من شخصيتك وطريقة تفكيرك بردوا من خلال مواضيعهم؟
ياترى مواضيعك فى المنتدى منقولة ولا خاصة بكي؟وأيهما أكثر؟
فيه حد تعرفيه فى المنتدى معرفة شخصية ؟يعني قريبة صديقة ...الخ ومن هو؟
كم متوسط عدد الساعات اللي بتجلسيهم فى المنتدى يومياً؟
من أمتى وأنتِ مشرفة؟
ماذا غير الأشراف فيكي اتجاه المنتدى؟
لديكي كم موضوع فى المنتدى؟
هل اتحذف لكي موضوع قبل كده ؟ولو الاجابة نعم ايه السبب؟ولو كانت لا ليه
من أكتر عضوة مواضيعها أثرت فى نفسك؟وأكتر عضو بردوا؟
من الاعضاء اللي بجد نفسك تشوفهم؟عايز أسامي وخليهم خمسة وخمسة.
كفاية كده عشان صلاة العصر.بس رجعليك تاني ده كله تسخين


ولكي مني جميل الشكر
m o h a m e d

[iLWda3]

منوره يا حبي الكرسي وربنا
وبما ان الاعضاء بدوا في اعصارك
فا احب اشاركهم واسالك نفس الاسئله اللي
سألتها لبونبونايه وعليهم شوية اضافات

ايه اكتر حاجة ممكن تفرحك وكمان اكتر حاجة ممكن تضايقك؟
.ايه الحلم اللى حلمتيه ومتحققش؟
. لو كسبتي مليون جنيه هتعملي فيهم ايه ؟
- ايه اكتر حاجه بتخافي منها؟
- اتمنيتي الموت قبل كده ولا لا؟...ولو الاجابه اه يبقى ايه السبب؟
- تجربة فى حياتك تتمنى تكرارها ؟
- تجربة تتمنى انك تمحيها من حياتك ؟
- مين هو الشخص اللي متقدريش تنسيه ؟
- شخص متزعليش منه مهما عمل فيكي ؟
- مين اول شخص تلجأي اليه فى ازماتك ؟
- من اكثر شخص تستمتعي بالجلوس معه ؟
- تتوقعي حسناتك اكتر ولا سيئاتك ؟
- بتحبي وطنك ولا لأ ؟ وايه رأيك فيه ؟
- عايزه تهاجري منه؟ وليه ؟
- ايه الاماكن اللي بتحبي تزوريها ؟
- ما هى واجباتك نحو كلا من :
- ربك
- والدتك
- والدك
- اخوتك
- الناس
- وطنك

- ايه نسبة الصفات دي فيك ؟
- الرضا عن النفس
- الوضوح
- حب الناس
- الثقة بالنفس
- الصراحة
- الغموض
- الصدق مع النفس
- الغيرة
- الحقد
- الكراهية
- التسامح
- الصدق
- الكذب

- بتقبلي نقد الاخرين فيكي ؟
- ايه احب اسم ولد وبنت ليكي ؟
- ماذا تمثل لك هذه الكلمات؟
- الام
- الاب
- الصداقة
- الحياة
- الموت
- الحب
- المرأة
- الرجل
- الانترنت

- ايه اول حاجه بتعمليها لما تصحى من النوم ؟
- انتي خياليه ام واقعيه ؟
- ايه هو سر السعادة بالنسبة اليك ؟
- ايه هو اسعد يوم بحياتك ؟
- امتى حسيتي انك عايشه لوحدك فى الدنيا ؟

*ايه اكتر حاجه بتحبيها في حياتك؟
*وايه اكتر حاجه بتكرهيها؟
*بتفكري في ايه دلوقتي؟
*وبتعملي ايه دلوقتي؟
*بتاكلي ايه او بتشربي ايه في نفس ذات اللحظه اللي بتجاوبي فيها؟
ولو مش بتاكلي ولا بتشربي يبقى قاعده تعملي ايه اصلا !؟
*هتخرجي انهارده تروحي فين؟
*وصحيتي الساعه كام وهتنامي الساعه كام ؟
*اسألتي كتيره ورخمه صح؟؟؟
سلام بقى اصل لو استنيت كمان شوية ممكن اتهزأ
واوعي تسيبي اي سؤال مش هسمحلك وفي غرامات

[قطقوطة]

اولا ازيك ياشيري ياسكرة
الناس هنا عاملين عليكى حصار ياعينى
بس انا بقة طيبة ومش هسألك اسئلة كتير
هما سؤالين بس لو ممكن يعنى؟؟؟؟؟؟؟؟؟؟؟
ياترى مين قدوتك في الحياة؟ وايه الحاجة اللى اتعلمتيها منه وبتعملى بيها وندمتى انك مابتعمليش بيها من زمان ؟
طبعا كتير بنحس اننا مخنوقين كدة ومن غير سبب ياترى انتى من سعداء الحظ اللى ممكن تحكى وتفضفضي لحد مخلص يقدر دا ؟؟؟؟؟؟؟؟؟؟؟؟؟ ومين هو الشخص دا ؟ وياترى ايه الحاجة اللى لو عملها ممكن تندمى انك عرفتيه اصلا دا طبعا لو حد غير مامتك ست الكل .........

[شيري العسولة]

وقعتي ياشيري برجلكي وزنقتي نفسك يابنتي ماكنتي تخليكي فى القسم بتاعك أحسنالك بس يالا استلمي وعدك
الف شكر بس ماتكترش هااااا
نبدأ أسئلة عن المنتدى الاول يالا بنا:
أنتِ أشتركتي فى مصرواي كافيه ليه ؟ بصراحة
لانى لقيتة احلى منتدى وده بجد والله مش مجاملة
مشتركة فى كم منتدى بفاعلية؟
لا كتيييييييير ماتعدش وفى منتديات مشرفة بردو فيها
ومنتدانا رقم كم بالنسبة لك؟
الاول بلا منازع
من هن الثلاث عضوات اللي حاسة أنهم قريبين من شخصيتك وطريقة تفكيرك من خلال مواضيعهم؟
بصى هما كتير بجد يعنى ندى حبى بجد مواضيعها حلوة موت وبنبوناية سكرة بجد مواضيعها بتعجبنى وتخلينى اضحك من قلبي واسلام طبعا مواضيعة زى العسل بجد ونهى بردو مواضيعها لزيزة موت وناس كتير خايفة انسى حد ويزعلوا منى
من الاعضاء الثلاثة اللي حاسة بردوا أنهم قريبين من شخصيتك وطريقة تفكيرك بردوا من خلال مواضيعهم؟
السؤال ده مكرر
ياترى مواضيعك فى المنتدى منقولة ولا خاصة بكي؟وأيهما أكثر؟
كده وكده لا مش فاكرة والله
فيه حد تعرفيه فى المنتدى معرفة شخصية ؟يعني قريبة صديقة ...الخ ومن هو؟
اة طبعا مرات اخويا بسبوسة هى عضوة معانا هنا وفى واحده صحبيتى بردو هنا
كم متوسط عدد الساعات اللي بتجلسيهم فى المنتدى يومياً؟
هههههههههههههه 23 ساعة فقط
من أمتى وأنتِ مشرفة؟
من زماااااااااااان متهيالى من شهر 5 او 6
ماذا غير الأشراف فيكي اتجاه المنتدى؟
الصبر بجد انا مش صبورة خالص بس مع الاعضاء بضطر اكون صبورة
لديكي كم موضوع فى المنتدى؟
مش عارفة وبعدين اخاف اقول اتحسد اتحقد والحيطان ليها ودان وماحدش ركبلها حلقان
هل اتحذف لكي موضوع قبل كده ؟ولو الاجابة نعم ايه السبب؟ولو كانت لا ليه
لا عادى اتحذفلى اكتر من موضوع السبب انة مكرر مش اكتر وعلشان كده بقيت اتجه لصنع موضوع خاص بي
من أكتر عضوة مواضيعها أثرت فى نفسك؟وأكتر عضو بردوا؟
ندى حبيبتى اكتر عضو مافيش حد معين دلوقتى فى دماغى
من الاعضاء اللي بجد نفسك تشوفهم؟عايز أسامي وخليهم خمسة وخمسة.
رورو ( ريهام ) دى عضوة هنا بس زى السكر وندى طبعا حبيبة قلبي ونهى بردو وسولى بجد قدرت تلفت الانتباه ليها فى وقت قصير بس هى زى العسل وايمى حبيبتى و boota اللى هى شوشو وطلة لا بصى ناس كتير هاتزهق منى على فكرة
كفاية كده عشان صلاة العصر.بس رجعليك تاني ده كله تسخين


ولكي مني جميل الشكر
m o h a m e d

حرام عليك كل ده وتسخين ربنا يسامحك بقى
لا منور واله واسئلة جميلة بس مش اوى

[شيري العسولة]

منوره يا حبي الكرسي وربنا
ده نورك يا اوختى

وبما ان الاعضاء بدوا في اعصارك
فا احب اشاركهم واسالك نفس الاسئله اللي
سألتها لبونبونايه وعليهم شوية اضافات

ايه اكتر حاجة ممكن تفرحك وكمان اكتر حاجة ممكن تضايقك؟
اكتر حاجة تفرحنى انى احقق اللى بتمناه واللى يزعلنى لما الاقى طفل مش لقى ياكل
.ايه الحلم اللى حلمتيه ومتحققش؟
انى اكون مضيفة طيران بس للاسف لم يحقق
. لو كسبتي مليون جنيه هتعملي فيهم ايه ؟
مليون بس طيب وامرى لله بصى هاعمل حاجات ليا طبعا فى الاول وهاقسمهم حبة لاهلى وحبة اتبرع بيهم لاطفال الشوارع او افتح ميتم ليهم
- ايه اكتر حاجه بتخافي منها؟
الصوت العالى بجد بيرعبنى
- اتمنيتي الموت قبل كده ولا لا؟...ولو الاجابه اه يبقى ايه السبب؟
اة اتمنيتة كتير السبب ساعة وفاه والدى رحمه الله
- تجربة فى حياتك تتمنى تكرارها ؟
انى ارجع للدراسة تانى
- تجربة تتمنى انك تمحيها من حياتك ؟
لا مافيش الحمد لله
- مين هو الشخص اللي متقدريش تنسيه ؟
بابي ( رحمه الله )
- شخص متزعليش منه مهما عمل فيكي ؟
ماما وخطيبي
- مين اول شخص تلجأي اليه فى ازماتك ؟
خطيبي طبعا والاول كان بابى
- من اكثر شخص تستمتعي بالجلوس معه ؟
كل الناس اللى بحبهم
- تتوقعي حسناتك اكتر ولا سيئاتك ؟
الله واعلم بس يارب يكون حسنات
- بتحبي وطنك ولا لأ ؟ وايه رأيك فيه ؟
طبعا بحبة رائي انه سلبي فى كل حاجة وبلاش كلام فى السياسة
- عايزه تهاجري منه؟ وليه ؟
لا بس ممكن اجازة وارجع
- ايه الاماكن اللي بتحبي تزوريها ؟
كل اماكن مصر السياحية والمانيا وفرنسا
- ما هى واجباتك نحو كلا من :
- ربك كل اللى امر بي ربى بحاول اعملة
- والدتك انى اكون طوع ليا وبالوالدين احسانأ
- والدك ( رحمه الله )
- اخوتك بكون على قدر المستطاع كويسة بس هما مزعجين
- الناس بحاول اساعدهم قدر المستطاع والله
- وطنك اللى يامر بية

- ايه نسبة الصفات دي فيك ؟
- الرضا عن النفس الحمد لله موجوده عندى كتييير
- الوضوح مش فى كل الاوقات
- حب الناس بردو موجود الحمد لله
- الثقة بالنفس لا بقى دى لعبتى
- الصراحة اة طبعا ودى احلى صفة فيا وعلى فكرة ده رائي الناس اللى حواليا مش رائى
- الغموض احيانا
- الصدق مع النفس اة طبعا موجود تاخدى
- الغيرة ههههههههه ايون دى شىء اساس
- الحقد لالالالا اعوذ بالله
- الكراهية لالالالالالا بردو
- التسامح يووووه كتير اوى والله
- الصدق ايون بردو
- الكذب ههههههههه لية الاحراج ده بس

- بتقبلي نقد الاخرين فيكي ؟
ساعات لما يكون نقد بناء
- ايه احب اسم ولد وبنت ليكي ؟
ملك والولد مصطفى واياد
- ماذا تمثل لك هذه الكلمات؟
- الام احلى حاجة فى الكون
- الاب كل حياتى ومازال
- الصداقة مش فارقة كتير
- الحياة اهى عادى الايام زى بعضها
- الموت مابحبوش لانة بياخد اعز الناس
- الحب هو الامل فى بكرة
- المرأة نصف المحتمع
- الرجل النصف الاخر
- الانترنت وقت فراغ

- ايه اول حاجه بتعمليها لما تصحى من النوم ؟
ارن لخطيبي
- انتي خياليه ام واقعيه ؟
واقعية جدااااا
- ايه هو سر السعادة بالنسبة اليك ؟
مش عارفة والله لانى مخنوقة اوى الايام دى
- ايه هو اسعد يوم بحياتك ؟
يوم خطبيتى
- امتى حسيتي انك عايشه لوحدك فى الدنيا ؟
وقت وفاه والدى ( رحمه الله )

*ايه اكتر حاجه بتحبيها في حياتك؟
الامل فى بكرة يكون احلى
*وايه اكتر حاجه بتكرهيها؟
النفاق
*بتفكري في ايه دلوقتي؟
مش قادرة افكر لانى مصدعة جداااااا
*وبتعملي ايه دلوقتي؟
بجاوب عليكى اهو ياختى
*بتاكلي ايه او بتشربي ايه في نفس ذات اللحظه اللي بتجاوبي فيها؟
بقولك مصدعة بس معايا صباع موز اتفضلى
ولو مش بتاكلي ولا بتشربي يبقى قاعده تعملي ايه اصلا !؟
اسكتى يابت انتى
*هتخرجي انهارده تروحي فين؟
لا قاعده مشرفة فى البيت
*وصحيتي الساعه كام وهتنامي الساعه كام ؟
صحيت الساعة 12 وهنام مش عارفة بقى حسب مزاجى
*اسألتي كتيره ورخمه صح؟؟؟
اااااااااااه كتيييير اوى بس مش رخمة خالص والله يا ايمى ياعسل انتى
سلام بقى اصل لو استنيت كمان شوية ممكن اتهزأ
واوعي تسيبي اي سؤال مش هسمحلك وفي غرامات

هههههههههههه
هو لسة فى تانى طيب اشوفك السنة الجاية بقى
انا مصدعة وهاقوم دلوقتى وارجعلكوا بليل ان شاء الله

اة نسيت تسلمى ياسكرة للاسئلة الحلوة اللى زيك

[شيري العسولة]

اولا ازيك ياشيري ياسكرة
الله يسلمك ياحبيبتى
الناس هنا عاملين عليكى حصار ياعينى
صعبت عليكى طيب مش هجاوب بقى
بس انا بقة طيبة ومش هسألك اسئلة كتير
هما سؤالين بس لو ممكن يعنى؟؟؟؟؟؟؟؟؟؟؟
اة ازا كان 2 اتفضلى البيت بيتك
ياترى مين قدوتك في الحياة؟ وايه الحاجة اللى اتعلمتيها منه وبتعملى بيها وندمتى انك مابتعمليش بيها من زمان ؟
بصى هو بابى ( رحمه الله ) مزال قدوتى والله والحمد لله كل ما اعمل زية الامور بتبقى معايا للاحسن
اة ندمانة بس يمكن علشان كان قدامى وهو اللى بيعملى الحاجت اللى محتاجاها ساعتها ماكنتش بعمل زية بس لما فقده بقيت بعمل كل حاجة زية
طبعا كتير بنحس اننا مخنوقين كدة ومن غير سبب ياترى انتى من سعداء الحظ اللى ممكن تحكى وتفضفضي لحد مخلص يقدر دا ؟؟؟؟؟؟؟؟؟؟؟؟؟ ومين هو الشخص دا ؟ وياترى ايه الحاجة اللى لو عملها ممكن تندمى انك عرفتيه اصلا دا طبعا لو حد غير مامتك ست الكل .........
اة خطيبي دايما دوشاه والله ههههههه
اصلى كتير بحس انى مخنوقة من غير سبب والايام دى انا عايشة الاحساس ده يمكن لانى فاضية ودايما فى البيت مش عارفة والله

منورة والله ياياسمين بالاسئلة الخفيفة دى ويارب الكل يعمل زيك
تسلمى ياقمراية

[XxX7o00odAXxX]

ههههههههههههههههههههه
يا عينى يا شيرى
الناس قايمه معاكى بالواجب وزياده بلاش اسأل انا كفايه عليكى الناس اللى متوصيه بيكى
منوره والله يا شيرى وربنا يقدرك وتجاوبى على بقيت الاعضاء