رد مع اقتباسالمشاركة الأصلية كتبت بواسطة بونبونايه سكره
و نبتدى ب البطاقه الشخصيه
اسمك: محمد
سنك: 19
ساكن فين: اليكس
خلصت ايه : خلصت ثانوى عقبال الكليه
فصيلة دمك: شربات مركز
ودى باقيت الاسئله المنوعه بتاعتى
ايه اكتر حاجة ممكن تفرحك وكمان اكتر حاجة ممكن تضايقك؟
اكتر حاجه بتفرحنى انى اشوف اللى حواليا فرحانين واولهم حبيبى طبعا واللى بيضايقنى العكس طبعا
.ايه الحلم اللى حلمته ومتحققش؟
انى ادخل كليه الهندسه
. لو كسبت مليون جنيه هتعمل فيهم ايه ؟
اول حاجه هطلع والدى ووالدتى الحج
تانى حاجه هتجوز بقى ع طول مش هستنى حاجه
- ايه اكتر حاجه بتخاف منها؟
اكيد بخاف من ربنا غير كده مافيش
- اتمنيت الموت قبل كده ولا لا؟...ولو الاجابه اه يبقى ايه السبب؟
اه بلاش السبب دى
- تجربة فى حياتك تتمنى تكرارها ؟
حبى اتمنى اعيشه مليوون مره
- تجربة تتمنى انك تمحيها من حياتك ؟
حد معين كان ف حياتى بس ما كنش يستاهل
- من هو الشخص الذى لا تستطيع نسيانه ؟
خالتى الله يرحمها
- شخص متزعلش منه مهما عمل فيك ؟
اكيد طبعا عيلتى امى واخواتى وحبيبى طبعا
- مين اول شخص تلجأ اليه فى ازماتك ؟
غالبا حبيبى واحيانا احد اصدقائى
- من اكثر شخص تستمتع بالجلوس معه ؟
امممممم اصحابى وقرايبى وحبيبى طبعا
- تتوقع حسناتك اكتر ولا سيئاتك ؟
انا طبعا معرفش بس ربنا يرحمنا برحمته ويجعلنا من اهل اليمين
- بتحب وطنك ولا لأ ؟ وايه رأيك فيه ؟
اكييد طبعا رايى ان ف حاجات كتير اووى محتاجه تغير
والحاجات دى عشان تتعمل لازم نغير من نفسنا الاول
- عايز تهاجر منه؟ وليه ؟
بصراحه اه لان قرايبى كلهم بره وانا من النوع اللى بيحب السفر وكده
- ايه الاماكن اللي بتحب تزورها ؟
كل الاماكن الحلوه بس ف اليكس يعنى بحب اروح القلعه والمنتزه
وبره اليكس بحب اووى القاهره وخصوصا الاهرامات
- ما هى واجباتك نحو كلا من :
- ربك
واجباتى كتير اعبده ولا اشرك به شيئا وطاعته طبعا ف كل صغيره وكبيره وعبداته كانى اره فان لم اكن اراه فانه يرانى وان اتوكل عليه وان تكون جميع افعالى خالصه لوجهه الكريم وحاجات تانيه كتير
- والدتك
- والدك
اكيد طبعاطاعتهما والإحسان إليهما والبر بهما والسهر على خدمتهما ورعايتهما وبذل كل ما ف وسعى لارضائهما
-حبيبتك
يااه بجد حاجات كتير اووى اولا لازم اراعى ربنا فيها لان هى دى الانسانه اللى اختارتها عشان تكون زوجتى ان شااء الله .. ولازم تحس انها الوحيده اللى ف حياتى اللى ممكن اهتم لامرها .. تحس انها ف عينى اجمل من كل نساء البشر..انها كل شي ف حياتى وانى لولاها لما احببت ان اعيش.. لازم احسسها بالامان والطمأنينة والحنيه كمان.. يوم ما تعيط لازم اكون اول واحد يمسح دموعها.. لازم تحس انى وانا بكلمها عنى وعن احلامى انها ف كل خطوه من مستقبلى.. طبعا لما اكون زعلان اكيد بروحلها عشان احسسها انها الوحيده اللى تقدر تخفف وتشيل عنى .. بردو ان افهمها من غير ما تتكلم من مجرد نظره بس وحاجات تانيه كتير اووى
- اخوتك
اخواتى دول بجد بما انى الكبير فحاسس انى مسئول عنهم يعنى بشوفهم محتاجين ايه عاوزين ايه اى مشكله لازم اكون انا اللى بحلها اى مساعده اى حاجه اكيد بكون موجود معاهم وربنا يقدرنى اننا نفضل مع بعض ع طول وما يفرقناش ابدا
- الناس
تجاه الناس يعنى هما بردو حاجات كتير بس بردو الانسان بيعمل اللى ف استطاعته يعنى بيساعد بقدر الامكان ويحط دايما ف باله ان الناس كلهم اخوه مهما اختلفوا يعنى لا تعامل حد وحش ولا تتكلم ع حد ولا اى حاجه
- وطنك
بردو حاجات كتير ايه حصه التاريخ دى اولها طبعا اننا نعلى كلمه الله تانى حاجه الدفاع عنه ضد اى حد من المعتدين سواء اعداء الوطن من الداخل او الخارج تالت حاجه التعاون مع الناس اللى حوالينا لاننا مش عايشين لوحدنا ولازم نعمل على تقدم الوطن ورفعه شأنه (ايه الكلام الكبير ده)
- ايه نسبة الصفات دي فيك ؟ كام ف ال100 يعنى لو كده اوك
- الرضا عن النفس .. الحمد لله بنسبه كافيه بس ف احسن
- الوضوح .. الى حد ما
- حب الناس .. دى مقدرش اتكلم فيها الناس هى اللى تقول ربنا يحبب عبيده فينا
- الثقة بالنفس .. 100% الحمد لله
- الصراحة .. بنسبه كبيره اووى الحمد لله
- الغموض .. يعنى بحب الغموض شويه بس مش اوى
- الصدق مع النفس .. اها جدااا
- الغيرة .. الغيره من شخص لا مش فيا لكن الغيره ع حد اه اووووى
- الحقد .. لالالا خالص
- الكراهية .. ولا الكراهيه
- التسامح .. الى حد كبيير بسامح بس مش بنسى اللى حصل
- الصدق .. الحمد لله بنسبه كبيره
- الكذب .. ربنا يبعدنا عنه
- بتقبل نقد الاخرين فيك ؟
النقد البنااء مش الهدام
- ايه احب اسم ولد وبنت ليك ؟
ادم .. ريتاج
- ماذا تمثل لك هذه الكلمات؟
- الام .. الحنان والعطاء
- الاب .. الامان والعطاء
- الحبيب ..
- الصداقة .. شيئ ثمين لا يقدر بثمن
- الحياة ..صندوق المفاجأت واجمل ما فيها ان تعيش اللحظة السعيدة بوقتها ولا تفكر بالمستقبل وهى ايضا سجن المؤمن وجنه الكافر
- الموت ..ليس بالضرورة
أن تلفظ أنفاسك
وتغمض عينيك
ويتوقف قلبك عن النبض
ويتوقف جسدك عن الحركة
كي يقال عنك : إنك فارقت الحياة
- الحب .. لا يفهمه الا العاشقين
- المرأه .. هي الدنيا بأكملها ....(الشيئ الجميل في الحياة)
- الانترنت .. نافذتى ع العالم
- ايه اول حاجه بتعملها لما تصحى من النوم ؟اول مره حبيت فيها وسبتوا بعض ليه؟؟
لو مكنتش صليت الفجر بتوضى واصلى
- انت خيالى ام واقعى ؟
واقعى بس ليا شويه خيالات
- ايه هو سر السعادة بالنسبة اليك ؟
الرضا بما قسمه الله لنا والإيمان بأن كل ما يأتي من الله هو خير
- ايه هو اسعد يوم بحياتك ؟
اسعد يوم ف حياتى لما ربنا يحقق اللى ف بالى وارتبط بالانسانه اللى بحبها
- امتى حسيت انك عايش لوحدك فى الدنيا ؟
لا الحمد لله ما حستش
*ايه اكتر حاجه بتحبها في حياتك؟
ان حبيبى فيها
*وايه اكتر حاجه بتكرهها؟
لا ما فيش
*بتفكر في ايه دلوقتي؟
ف حبيبى
*وبتعمل ايه دلوقتي؟
بجاوب اهو هعمل ايه يعنى وعاوز نضاره عشان عينى بااظت
*بتاكل ايه او بتشرب ايه في نفس ذات اللحظه اللي بتجاوب فيها؟
هو انا لاقى فرصه ولا اى حاجه
ولو مش بتاكل ولا بتشرب يبقى قاعده تعملي ايه اصلا !؟
عاااااااااااااا يعنى اعمل ايه ف اسئلتك دى بجاوب وربنا
*هتخرج انهارده تروح فين؟
الله اعلم بس شويه وهنزل اصلى الفجر
*وصحيت الساعه كام وهتنام الساعه كام ؟
صحيت الساعه 4 الله اعلم هنام امتى بس احتمال ع 6
بتحب ولا نو؟
اه جدا اوى خالص
النصيب
اسم الى بتحبها ناااااااااااو ؟
لالالالالا سر مش ينفع
طبعا كله عاوز يعرف بس مش هقوول
بتحبها قد ايه ؟؟
احبك......عدد حبات المطر
احبك.....عدد حبات الرمل
بحبك.....كل ما الغصن مال
احبك .....عدد نجوم السماء
بحبك.....كل ما التقو الاحباب
احبك.....عدد قطرات الندى
بحبك.....كل ما انتشر الشذى
احبك .....عدد ما في من االحروف
احبك.....ا كثر من الحب المألوف
احبك.....رغم قسوة الظروف
احبك..... اكثر من انفاسي
احبك....... اكثر من روحي
احبك .....اكثر من حياتي
احبك....... اكثر من نبضات قلبي
احبك........ اكثر من شهقاتي
احبك...... اكثر من نفسي
احبك....... اكثر لانك انت نفسي
احبك........ لانك انت قلبي وحياتي
طبعا ده كله ما يجيش ذره ف اللى ف قلبى تجاهها
تقدر تتحدى العالم كله علشانها؟
الحمد لله اقدر ما اقدرش ليه يعنى صوغير
كفايه انها متحديه الدنيا عشانى ومش عاوزين ندخل ف تفاصيل
بجد ربنا يخليها ليا
قول رأيك فى الاعضاء او المشرفين دول
بونبونايه سكره : سكره المنتدى كله وكفايه نشاطها من غيرها المنتدى يقف
عفريته هانم : دمها خفيف وروحها حلوه
هشام اللول : متميز بموضوعاته
مونه: بيعجبنى اسلوبها
انت ؟: اعوذ بالله من كلمه انا
ابو تريكه: عضو مميز ونشيط
ايسل: بتعجبنى ارائها جدا
سنوات الضياع : متميزه بموضوعاتها وكلامتها
ندا(مشرفه عامه): بصراحه معرفهاش بس واضح الشغل المميز
على مدكور (البيج بوس ): ربنا يحميه ويكمل بنجاح
شيرى العثوله : بصراحه انا معرفهاش
اسلامى حياتى : اسماء متميزه جدا ونشيطه اووى
زيرو كول : عضو مميز كفايه انه اسكندرانى
براكودا : معرفهوش بصراحه
_EVE_ : عضوه لذيذه
معا لنصرة ديننا : عضو متميز
فارس الكلمه : عضو رائع بكل معنى الكلمه نفسى اعرف بيجيب الكلام الحلو ده منين
مهندس الكلمه : معرفهوش بصراحه
امنا ساجده : معرفهوش بصراحه
طيف عابر : انا بجد كان نفسى اعرفها ربنا يرحمها يا رب ويجعل مثواها الجنه
رحيل القمر : معرفهوش بصراحه
امنا منى رشدى : متميزه جدااا
سندريلا الغرام: مشرفه متميزه
شيرين 19 : مشرفه رائعه
و ايه رأيك فى المنتدى ؟؟؟؟؟؟
بجد منتدى جمييل اووى وناس محترمه وزى الفل وعمرى ما اندمجت مع منتدى زى ما اندمجت معاكوا
ممكن تسيب المنتدى فى مره ؟ لمجرد انك شوفت منتدى تانى؟
انا بشوووف كل يوم منتديات غير المنتديات اللى انا مشترك فيها بس لا طبعا عمرى ما فكرت ف ده
لــى عوده مش بزهق انا
لالالا عوده مين هو انا مش كده خلصت ولا ايه
يلا شوفى مين اللى بعدى
بجد بجد حراااام عليكى بقالى 3 ساعات عنيا بااااظت
هو مش انا المفروض كده خلاص بااين
واسف لكل اللى معرفهومش بجد نفسى اعرفهم
معلش بقى لسه زبون جديد وان شااء الله اعرفكم كلكم
قهوتنا على الانترنت
