مايك المنتدى
بسم الله الرحمن الرحيم
توكلت على الله
انا : خالد حسن
السن : 18
المؤهل : انا السنه دى تانيه تجاره انجليزى جامعه المنصور
البلدنجير ى مركز دكرنس) (الدقهليه) (مصر)
تاريخ الميلاد 9/1/1991
نبدا فى كتابه قصه حياتى
وطبعا بالتفصيل
ومطلوب ان شاء الله من كل الاعضاء يكتبو بالتفصيل
ويحكى المواقف اللى حصلت معاه كلها
نبدا بالمواقف والذكريات
بدايه الدراسه كانت فى مدرسه الزهراء الابتدائيه كانت ايام جميله جدا جدا جدا وحتى الان بفتكرهااا
قضيت فيه احلى ايام مع اصحابى وحبايبى
افتكر فى مره كان وخدين صورتى فى لوحه شرف كانت بتتحط جمب المدير
المهم الاستاذ اللى كان علينا كان جاى فى يوم مضايق وقام داخل وقام مطلع اللى متاخد صورهم وسالنا اسئله
ومعرفنهاش وقام ضربنا جامد (الموقف ده مش هنساه)
وموقف تانى كنا عاملين فرقين اسمهم النار والدمار
وشله الرعب المهم كان علينا فسحه وكنا دايما بنضرب فى بعض فجيت بشد واحد قام
وتر الصابع (العصب اللى بيحركه) انقطع كنا فى رابعه ابتدائى
ورحت عملت عمليه فى المنصوره وقعدت حوالى شهرين
وكان مجموعى فى خامسه ابتدائى 328.5 من 350
ثم انتقلت للاعدادى (مدرسه نجير الاعداديه المشتركه)
كان ايام جميله
وتانى يوم فى اولى اعدادى واد بيطير صفيحه قامت جايه فى راس واحد وقامت جاى فى حجبى واتخيط بس مش باينه
وعدت الايام ودخلت تالته
وكانت نتيجتى فى تالته اعدادى فى الترم الاول 123من140
وكانت فى الترم التانى والسنه بحالها 240 من 280
ودخلت الثانوى العام (مدرسه نجير الثانويه المشتركه) ودخلت فصول المتفوقين
وكنت جبت فى الترم الاول من اولى مجموع زباله جد
ولكن الحمد لله غيرت المجموع خالص بعد اما شديت حيلى والحمد لله كان حلو كان240
من280 ودخلت تانيه ثانوى علمى وكان معايا لى صاحب وكنا اصحاب جدااااااااااااااااااااا ووصلت العلاقه لقوتها)
وكانت ايام جميله جداااااااااااا ولكن جبت 87.5 فى الميه وزعلت جاااااااااااااااااااااااا اااااامد ولكن قلت الحمد لله
وكان ايامنا الفرنساوى موت
وكنت متعصب فى الامتحانات وده كان سبب نقصى
وسألت ناسه فنصحتنى انى احول افضل وكان سبب حيرتى ان كان فى ناس ااقل منى وكملت بس قررت احول ادبى
ولحسن الحظ برده كان صاحبى معايا كان معايا وخلاص عادت اسرارنا مع بعض
كان اسمه محمود وكان ممتاز فى الكمبيوتر عامة
وكانت ثالثه اعظم اعظم واحسن وافضل سنه فى حياتى كان عليا ابله اسمها حنان
كانت بتحبنى اوى اوى
وكانت طيبه جدااااااااا بس فى مره زعقت فيها وطردتنى وكنت زعلان جدا انى زعلتها
بس الحمد لله فضلت شويه مخصمانى (اصلها كانت بتيجى تتكلم معنا
وكنا طبعا فى اخر تختيتين)
ولكنها جت صلحتنى واتأسفت لها
ولسه فكرانى حتى الان
وكنت عايش فى المدرسه افضل ايامى
ودخات امتحانات تالته وكنت هادى
وجبت 90.7 وطلعت التالت على المدرسه والتانى على بلدى وفرحت جامد
وكان فيه واحد اسمه احمد سعد (رحمه الله) ده كان صحبى اوووووووووووووووووووووووو وووووى
وكان دائما ينصحنى وكان فرحان اوى يوم النتيجه بس مات فى حادثه
ولم ولن احزن على احد مثله نهائياا لانه كان بمثابة نفسى فهل تقدر تعيش بدون نفسك
ويأتى فى المرتبه المحبه كان فيه شيخ اسمه الشيخ رفعت المندوه ومات برده
كنت بموت فيه
وهوه ياتى فى المحبه بعد احمد سعد (رحمهم الله ياااااااااااااااااارب)
وكان مجموعى فى تالته بس 94%
ودخلت تجاره وقدمت فى تجاره انجليزى
واتقبلت والحمد لله
ودخات اولى والحمد لله اتعرفت على اصحاب بمعنى الكلمه اصحاب وجبت فى الميد ترم درجه حلوه
وجبت فى الترم الاول كله 72فى الميه يعنى جيد
ودخلت الترم التانى كان صعب بس الحمد لله جبت 71
واصبح الاجمالى 71% فى سنه اولى
انتظرونا فى الرد القادم
قهوتنا على الانترنت
