احساااااااااااااااس عالى (حزين) ؟؟؟؟؟

[بنوتة الأحلام]

عارفين الشعور ده
عارفين لما تفتكر حاجه كده
تحس انها بتشدك لذكريات
انت مش عارف ايه الذكريات دى
بتشدك لحاجه كده
بحاجه انت مش عارفهاا
و ممكن تدخلك فى شعور كده غريب
حزن مع الم مع فرحه
الشعور ده


!!....عارفينه



عارف لما تسمع اغنيه كده
تلاقى نفسك بتبتسم من غير سبب
بس جواك حزين اوووى
و تلاقى شعور بدأ يدخل جواك
انت مش فاهمه
و تحاول تفهم ايه ده
وفى الاخر متفهمش


طيب عارف لما تروح تقف على البحر كده
وتاخد نفس عمييييق
بعديها تلاقى نفسك بتبتسم
بس جواك حاجه مش قادره تخرج
حاجه يمكن بتقطعك من جوه
و مش عارف تتخلص منها
عارفين الشعور ده


طيب عارفين


لما تبقى لسه صاحى من النوم
اليوم لسه مبداش اهو
وتلاقى نفسك على السرير لسه
و غصب عنك تنزل دمعه
ممكن تفضل ساعتين تعيط على المخده
المخده اللى تعبت مننا كل يوم
كل يوم يتحس بينا
قبل ما ننام
و تقوم من على السرير
و محدش يعرف حاجه
عارفين الشعور ده
عارفين لما تكونوا اصحاب متجمعين فى يوم كده
و كلكوا مهيسين و بتضحكوا
و اللى يشوفكوا من بعيد لبعيد
يقول الناس دى رايقه
وحياتها تمام اوى
و انتوا اصلا بتضحكوا بدل ما تعيطوا
و محدش حاسس بحاجه
و محدش فاهم حاجه
لا و ايه
محدش هيقدر اصل
انه لا يفهم ولا يحس اللى جواكوا
.....


طيب عارفين لما تكون الساعه 2 بالليل
و البيت كله نايم
بتبقى عايز تصرخ بأعلى صوتك
كفاااااااااااااااايه ......حراااااااااااااااااااا اام
كفايه بقى...ما خلاص..
حرام عليكوا اوى كده
بس كفايه ايه..معرفش
كفايه و خلاص

طيب عارفين الشعور ده
لما تكون راجع من يوم سبيشيل اوووووووووى بالنسبه ليك
و ترجع..متحكيش لحد من اللى فى البيت على اللى حصل
و يمكن متحكيش لحد خالص
و يمكن اصلا محدش يسالك
ولا يقولك تعالى يا حبيبى
عملت ايه
احكيلى ابسطنى معاك
تبقى عايز حد جنبك اووووى يفرح معاك كده
بس متلاقيش
و تروح قبل ما تنام تراجع اليوم ده كده
لقطات بسيطه
و فى ااخر يوم اجمل من رائع
و انت جاى تنام...تقعد تعيط
مع ان فى ناس كتييير يحسدوك على اليوم ده

طيب عارف
لما تحس انك عايز مساعده من اى حد
اى انسان
اى مخلوق
حاسس انت بتغرق
بتغرق فى ايه مش عارف
بس انت محتاج مساعده
محتاج حد ينجدك
مش عارف هتطلبها من مين
و حتى لو طلبت مساعده
هتتقوله ايه
عايزك تساعدنى و خلاص
هيرد و يقولك اساعدك فى ايه
تقوله حاسس انى بغرق
الحقنى
هيقولك بتغرق فى ايه
ما انت واقف قدامى اهو
انت محتاج مساعده
بس مساعده فى ايه انت مش عارف
و تفضل تغرق و مش لاقى مساعده


طيب عارفين
لما تكون عايز تسمع كلمه معينه مش شخص معين
كلمه ممكن تكون كلمه من حرفين بس
مش صعب عليه يقولها
وتلاقيه ولا بيتكلم
تحس انه تمثال
ما تتكلم بقى
طيب ما هو انا شايفك بتقوليها مليون مره
شايفها فى عينيك
حاسسها اوى
عايز تسمعها بقى
قوووووول
اتكلم
و لما تتكلم
تحس انها بتشفق عليك
!!!...بتشفق على
طيب لما انتى كده
بتحسسينى بيها ليه من الاول اصلا
بتعيشنى فى الشعور ده
ليه من الاول..و لو للحظات
لما ده مش حقيقه
عمركوا حسيتوا بلحجات دى
ولا انا الوحيد الى حسيت بيها

[كامل الاوصاف]

مساااااااااااء جميل ...
شجون ..
يذوب الحرف ..
وتذبل الغصوب ..
واللحظة شعور ..
واجمل احساس يكون ..!!
جميل هذا الشجن منك .. انستي!!

[queen2010]

موضووع جميل جدا تسلم اديكى

[بك أستجير فمن يجير سواك]

لا طبعا عزيزتى مش لوحدك بس انتى قولتية بطربقة جميلة اوى
وللاسف ده هو الشعور الا بنحسة وربنا معانا ياقمر
وسلمتى وسلمت يداكى شكرا جميلة
تقبلى احتراامى وتقديرى