ابتسامه واحده تكفى
مهجتى وتسعد عواطفى
قلبى حس ان الليالى
ابتدت توعد وتوفى
وابتدأ قلبى الغريب
يلقى بين الناس حبيب
قالى شمسك لو تغيب
برضو لازم يوم تعود
ابتسامتك شفت فيها
كلمه مشتاقه تقوليها
عشت فيها عشت بيها
احلى احساس فى الوجود
شفتها قبل ما اشوفك
ليه مشيتى وسبتيلي طيفك
بس انا ما اقدر ظروفك والحواجز والضغوط
ابتسامتك فيها وعد
اننا نفضل لبعض
مش هيقدر اى بعد
اصل شوقنا مالوش حدود
هتصدقينى لو حلفت وقلتلك
انى بدموع قلبى يا قلبى كتبتلك
وان الحنين جوايا اكبر من الكلام
مهما كتبت حبيبتى مهما وصفتلك
لكن انتى ليه عايشه فى دنيا بعيده عنى
ايه اللى واخدك يا حياتى بس منى
لكن مسيرك للهوى والشوق تحنى
واللى وصلنى من هواكى هيوصلك
هتصدقينى لو حلفت وقلتلك
انى كتير بتخيلك ذى الملاك
بياخدنى صوتك من الوجود
مابعرف انا عايش هنا والا هناك
يا حبيبتى مش عايز انا غير كلمه واحده
قولى بس مصدقك
شايفك كده متردده
متحيره بين 100 قرار
مانتى كده دايما كده
جواكى ليل مالهوش نهار
وانا من عنيكى بفهمك
من غير ما حتى اكلمك
خايفه الليالى تظلمك
خايفه قرارك يألمك
دانا حبى ليكى اقوى من كل البشر
واحنا اللى بينا مستحيل هيضيع
ارجوكى مش عايز مشاعرك تنكسر
قدام حاجات مالهاش فى ايامنا اثر
احنا اللى بنموت هوانا بنفسنا
واحنا اللى بنحدد نهاية حبنا
لسه خايفه وفى سكوت بتفكرى
متردده هتبيعى ولا هتشترى