قهوتنا على الانترنت
ابحث عن :  
النتائج 1 إلى 6 من 6

الموضوع: على اسم مصر

  1. افتراضي على اسم مصر

    النخل في العالي والنيل ماشي طوالي

    معكوسة فيه الصـور .. مقلوبة وانا مالي

    يا ولاد أنا ف حالي زي النقش في العواميد

    زي الهلال اللي فوق مدنة بنوها عبيد

    وزي باقي العبيد باجري على عيالي

    باجري وخطوي وئيد من تقل أحمالي

    محنيه قامتي .. وهامتي كأن فيها حديد

    وعينيا رمل العريش فيها وملح رشيد

    لكني بافتحها زي اللي اتولدت من جديد

    على اسم مصر

    مصر .. التلات أحرف الساكنة اللي شاحنة ضجيج

    زوم الهوا وطقش موج البحر لما يهيج

    وعجيج حوافر خيول بتجر زغروطة

    حزمة نغم صعب داخلة مسامعي مقروطة

    في مسامي مضغوطه مع دمي لها تعاريج

    ترع وقنوات سقت من جسمي كل نسيج

    وجميع خيوط النسيج على نبرة مربوطة

    اسمعها مهموسة والا اسمعها مشخوطه

    شبكة رادار قلبي جوه ضلوعي مضبوطة

    على اسم مصر

    وترن من تاني نفس النبرة في وداني

    ومؤشر الفرحة يتحرك في وجداني

    وأغاني واحشاني باتذكرها ما لهاش عد

    فيه شيء حصل أو بيحصل أوح يحصل جد

    أو ربما الأمر حالة وجد واخداني

    انا اللي ياما الهوى جابني ووداني

    وكلام على لساني جاني لابد اقوله لحد

    القمح ليه إسمه قمح اليوم وأمس وغد

    ومصر يحرم عليها .. والجدال يشتد

    على اسم مصر

    ضحك التاريخ ضحكته المشهور بها واندار

    ودخل مناقشة مع الجغرافيا عما صار

    هل نعترف بالبيان اللي أذيع العصر

    أم ننتظر مصر تطرد اسرائيل بالقسر

    وساعتها تحصل بكل جدارة يوم النصر

    على اسم مصر

    على اسم مصر التاريخ يقدر يقول ما شاء

    أنا مصر عندي أحب وأجمل الأشياء

    باحبها وهي مالكه الأرض شرق وغرب

    وباحبها وهي مرميه جريحة حرب

    باحبها بعنف وبرقة وعلى استحياء

    واكرهها وألعن أبوها بعشق زي الداء

    واسيبها واطفش في درب وتبقى هي ف درب

    وتلتفت تلقيني جنبها في الكرب

    والنبض ينفض عروقي بألف نغمة وضرب

    على اسم مصر



    صلاح جاهين

  2. #2
    تاريخ التسجيل
    3 - 11 - 2007
    ساكن في
    رافضك يا زمانى يا مكانى يا أوانى أنا عايز أعيش ف كوكب تا
    المشاركات
    1,225
    النوع : ذكر Egypt الفريق المفضل  : الاهلي

    افتراضي رد: على اسم مصر

    باحبها بعنف وبرقة وعلى استحياء

    واكرهها وألعن أبوها بعشق زي الداء


    واسيبها واطفش في درب وتبقى هي ف درب

    وتلتفت تلقيني جنبها في الكرب
    بصراحة موضوع مميز جداً وكان الواحد محتاج شوية شحن من ده
    ويكفي انه للمبدع صلاح جاهين
    كلمــــــــــــــــــــات اكثر من رائعة
    تسلمي يا جميل
    (قل ربي ارحمهما كما ربياني صغيرا)



    سأصبر حتى يعجز الصبر عن صبرى ... وسأصبر حتى يأذن الله فى أمرى ... وسأصبر حتى يعلم الصبر أننى صابر ... ولك الله يا مصرنا الحبيبة .

    البحث على جميع مواضيع العضو Serag Magdy

  3. #3
    تاريخ التسجيل
    16 - 11 - 2007
    ساكن في
    دنيا فانية
    المشاركات
    24,705
    النوع : انثيJordan

    افتراضي رد: على اسم مصر



    اختيار مميز جدا وجميل
    صدق الكلام والحب يجعل القاريء يعشق مصر ويهيم بها كمعشوقه

    بصراحة اندمجت بالكلام الروعه وهذا هو صلاح جاهين عشق مصر فابدع
    في حبها ووصفها
    مشكورة جدا والله يبارك في عمرك


    وترن من تاني نفس النبرة في وداني

    ومؤشر الفرحة يتحرك في وجداني

    وأغاني واحشاني باتذكرها ما لهاش عد

    فيه شيء حصل أو بيحصل أوح يحصل جد

    أو ربما الأمر حالة وجد واخداني

    انا اللي ياما الهوى جابني ووداني

    وكلام على لساني جاني لابد اقوله لحد

  4. افتراضي رد: على اسم مصر

    مرسى يا قمر مجهود كبيررررررررررررر كلما ت شيقه من احلى كلمات

  5. #5
    تاريخ التسجيل
    19 - 11 - 2007
    ساكن في
    الاردن
    العمر
    32
    المشاركات
    14,186
    النوع : انثيJordan

    افتراضي رد: على اسم مصر

    يجزيكى الخير على احلا كلمات يا كلمات


 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©