إزاي تطمن حبيبك يكمل معاك قصة الحب بشرط تكون صادق

[عصام الدين محمد]

خطيـها ومـا تترددشــي

دي الخطوة الاولي كده صعبة

خطيـها ياحبيبي ومتخافشي

د هوانا حقيقي ومش لعـبة

****

مش صدفة قدرنا اللي جمعنا

وحياتي معاك بقي ليها معني

مـبلاش الخـوف لتضيعـنا

مـتردد لـيه أنا معرفشـي

خطيـها ومـا تترددشــي

****

ليه نضـيع حـبنا بأيديــنا

سيبك م الناس بقي ماعلـينا

طب إمتي الناس حست بيـنا

ومن إمتي الناس مبتحسدشي

خطــيها ومـا تترددشــي

****

أرجوك تسمعني وتفهمــني

مبقولشي كلام وخلاص يعني

والله شاريـك اوعـي تبعني

لوقلت ابــعد لا مقـدرشي

خطـيها ومـا تترددشــي

****

د الحـب جـميل قرب جــرب

تـياره لذيـذ مــش بيكـهرب

هات ايدي ف ايديك قبل ما يهرب

ويـروح مـننا ولا يرجعــشي

خــطيها ومــا تترددشــي

****

خطيـها ومـا تترددشــي

دي الخطوة الاولي كده صعبة

خطيـها ياحبيبي ومتخافشي

د هوانا حقيقي ومش لعـبة

********

عصام الدين محمد

مسجله باسم الكاتب بالشهر العقاري

[بك أستجير فمن يجير سواك]

جميل جدا ياعصام بجد رائع
سلمت يداك وسلمت ودمت متميز
تقبل مرورى وتحياتى لك

[عصام الدين محمد]

جميل جدا ياعصام بجد رائع

سلمت يداك وسلمت ودمت متميز

تقبل مرورى وتحياتى لك

اخي العزبز تسلم علي ردك الجميل ومرورك ويارب اكون دايما عند حسن ظنك انت واعضاء منتدانا الحبيب
عصام الدين محمد

[كل الحياااه]

ربنا يكفيك شر الحسد هي فعلا الناس بتحسد
بس الحب الصادق اقوى حتى من الكهرباء
سعدت جدا وانا اقرأترنيمك
ماننحرم من اسلوبك الراقي
يارب من حسن لاحسن

[عصام الدين محمد]

ربنا يكفيك شر الحسد هي فعلا الناس بتحسد
بس الحب الصادق اقوى حتى من الكهرباء
سعدت جدا وانا اقرأترنيمك
ماننحرم من اسلوبك الراقي
يارب من حسن لاحسن

شكرا لك عزيزتي كل الحياااه
ونورتيني ودايما علي موعد باللقاء مع رد جديد لعمي جديد