كيف تكسب حب الاخرين وتترك انطباع اول جيد

[رحيل القمر]

بيقولوا ان الأنطباع الأول بيدوم..صح؟

انا من الناس اللي مؤمن بالحكاية دي
ممكن واحد تشوفه تحس ان هو بشوش كده و مهضوم
وممكن تشوف واحد تاني تأفش منه كده من أول نظرة.... بيحصل مش كده ولا ايه ؟
طيب أزاي تترك أنطباع جيد عند الناس من أول لقاء لك بيهم شوف بقي وادعيلي

نصايح بقي أيه زي الكتاب ما بيقول بص يا سيدي ...... وبصي يا سيتي

1. ابدأ بالسلام والتحية على الآخرين..ففي السلام تهيئة وطمأنينة للطرف الآخر.
2. ابتسم ... فالابتسامة مفعولها سحري وفيها استمالة للقلوب.
3. أظهر الاهتمام والتقدير للطرف الآخر وعامل الناس كما تحب أن يعاملوك.
4. شارك الناس أفراحهم.
5. اقض حاجات الآخرين تصل إلى قلوبهم فالنفوس تميل إلى من يقضي حاجاتها.
6. عليك بالعفو عن الزلات وتغليب نفسية التسامح.
7. تفقد الغائب والسؤال عنه ضمان لكسب الود واجتذاب القلوب.
8. لا تبخل بالهدية ولو قلّ سعرها، فقيمتها معنوية أكثر من مادية.
9. أظهر الحب وصرّح به فكلمات الود تأسر القلوب.
10. تفنن في تقديم النصيحة ولا تجعلها فضيحة.
11. حدث الآخرين بمجال اهتمامهم فالفرد يميل إلى من يحاوره في مدار اهتمامه.
12. كن متفائلاً وابعث البشرى لمن حولك.
13. امدح الآخرين إذا احسنوا فالمدح أثره في النفس ولكن لا تبالغ.
14. انتق كلماتك، ترتفع مكانتك فالكلمة الحسنه خير وسيلة لاستمالة القلوب.
15. تواضع فالناس تنفر ممن يستعلي عليهم.
16. تجنب تصيُّد عيوب الآخرين وانشغل بإصلاح عيوبك.
17. تعلم فن الإنصات فالناس تحب من يصغي لها.
18. وسع دائرة معارفك واكسب في كل يوم صديق.
19. اسع لتنويع تخصصاتك واهتماماتك تتسع دائرة معارفك وصداقاتك.
20. إذا قدمت معروفاً لشخص ما، لا تنتظر منه مقابل.
وياريييييييييت الكل يقرأ محدش يقول: انا لسة هقرأ كل ده ؟ واخد بالك ياللي في بالي؟

[بك أستجير فمن يجير سواك]

رائع جدا سارة رائعة بجد تسلمى ياقمراية دمتى متميزة
تقبلى تحياتى وتقديرى لكى

[رحيل القمر]

منورانى دايما يا احلى بنوته ومتميزة بيكم ودخولكم على مواضيعى هوة اللى بيجعلنى افضل وافضل

[~ man neO ~]

موضوع رائع يا ياره
نايس توبيك

[رحيل القمر]

مرسى يا محمود و نورتنى يا باشا

[HoBa HoBa]

تسلمى يا قمر
موضوع حلو جدااااا

[وليد الاسلام]

ربنا يجزيكى الخير يا رحيل القمر متميزة كما عهدناكى فى اختيار ما تكتبين وربنا يجعلنا مممن حسنت اخلاقهم اللهم امين

[No TiMe]

انا عملت دا كلو ومفيش حاجه حصلت يبقي الغلط من مين

[NOOSA]

انا عملت دا كلو ومفيش حاجه حصلت يبقي الغلط من مين

ياترى مين ميـــــــــن ؟؟أكيد من حسن وأم عماد بتوعك دول

[NOOSA]

طبعا موضوع هايل ياسارة بس مش دايما أول انطباع هو اللى بيفضل لأن فى أوقات ناس مش بتبقى قابلاها فى الأول وبعد كدة بتكتشفى أنهم كويسين ولذاذ جدا..صح؟