اللي بيحب بجد بيتمني لحبيبه السعادة أنتم أيه رأيكم في الكلام دا

**عمارطه2009** · 22 - 11 - 2009, 01:59 PM

كتير بنسمع الكلام دا اللي بيحب واحد حبيبه أو بنت حبت ولد والظروف فرقتهم نقول أحنا بنتمنا لهم السعادة هل فعلا الكلام دا بجد ولا أحنا بنضحك علي نفسنا
لأننا كلنا عارفين أني مفيش حد بيحب حد اكتر من نفسه وانا بحبكم كلكم بس مش أكتر من نفسي
وأزي أتمني السعادة لوحدها كنت بحبها وانا أصلا مش سعيد وهي مش معايه
يا تري أنتو رايكو أيه في الكلام دا ومحدش يقول انا أناني مش بحب غير نفسي

يا تري لو حبيبتك أرتبطت بواحد تاني هل فعلا هتتمني ليها السعادة من قلبك
وبالنسبه للبنات لو حبيبك أرتبط بواحدة تانيه هاتتمنيله السعادة مع غيرك
ياريت الكل يجاوب بصراحه

**رحيل القمر** · 22 - 11 - 2009, 02:05 PM

بص يا عمار انا رافضه موضوع الحب دة اصلا

بس هقولك الانسان السوى هوة اللى فعلا هيتمنالك الخير بس دلوقتى لو حصل كدة اكيد مبيتمنلهاش كدة بيتمنى ان ان العلاقه الجديدة ديه تبوظ

انا عن نفسى بتمنى لكل الناس انها تعيش فى سعادة وراحه بال مش الحبيبه بس

واسمحلى احييك على اختيار الموض

**عمارطه2009** · 22 - 11 - 2009, 02:15 PM

ميرسي جدا ليكي يا رحيل القمر
وأنا متأكد اني هيجي يوم وتندمي علي كلامك اللي قولتيه أني أنتي مش بعترفي بالحب بس اكيد لما تحبي بجد هتعرفي قدا أيه الدنيا حلوة وهتلاقي حياتك كلها أتغيرت لما تحبي وأكيد هتحبي في يوم من الايام قريب أنشالله
بأتمني لكي السعادة في دنيا كلها حب وفرح وسعادة
وشكرا يا رحيل القمر

**موشا** · 22 - 11 - 2009, 03:45 PM

حقيقى لما حد بيحب حد اوووى كدة بيبقى نفسة يرجعلة وفكر فى كل حاجة كانت بينهم المهم انا لو مطرح اللى بيحب كدة هبقى انانية وهقول اة انى بتمنالة السعاااادة وانا مش كدة مش هبقى انا تعيسة وقول هو يبقى سعيد لا احنا اللى اتنين نبقى زاى بعض ومش ممكن اتمنالة السعدة مع واحدة غيرى ابدا

**مصطفى شعبان محمد** · 23 - 11 - 2009, 12:52 AM

ههههههههههه انت عارف قسما بالله قسما بالله انا لما احب انسانه بحبها اكتر من نفسى قسما بالله تانى وافضلها على نفسى فى حاجات كتير لما نفترق بقى طبعا محبش انى اسمع حاجة وحشه عنها بس طبعا مش هخاف عليها اكتر من نفسى زى الاول فى الوضع دة احب نفسى اكتر ما احبها وبعدين اللى واحدة تختار فراق قصتها دى معلش يعنى تبقى انسانه متستهلش حد يزعل عليها

**عمارطه2009** · 23 - 11 - 2009, 05:06 AM

شكرا يا موشا لردك ولصراحتك
ونورتني يا مصطفي وشكرا ليك

**queen2010** · 23 - 11 - 2009, 11:56 AM

طبعا كلامك صح ياعمار طبعا كل شخص بيحب ناس بس مش معقول اكتر من نفسوا دى مش انانية دى صفة موجودة فى اى شخص فى العالم لانك بتتمنالوا الخير زى ماتتمنى الخير ليك دى مش انانية اما انك لو حبيت شخص وتفترق بسبب ظروف اكيد مش هتحب تسمع حاجة وحشة عليها زى ما قال مصطفى شعبان بس هتبقى خايف عليها بردة لان حبكم اتفرق بسبب ظروف او نصيب هتخاف عليها لان هيبقا لسة حبها فى قلبك بمرور وقت اكيد هتنسى ذلك وهتعتبرها اخت ليك مش اكتر موضوعك جامد عمار ربنا يوفقك فى حياتك جزاك الله خيرا

**عمارطه2009** · 23 - 11 - 2009, 12:03 PM

دايما منورة مواضيعي يا كوين وميرسي بجد ليكي علي ردك الرائع
وبأتمنالك حياة سعيدة مع من يختارة قلبك أو مع من تختارة لكي الاقدار _

**queen2010** · 23 - 11 - 2009, 06:44 PM

شكرا لك عماااار طة 2009

**عمارطه2009** · 24 - 11 - 2009, 05:26 PM

ميرسي ليكي يا كوين ولمجاملتك

الموضوع: اللي بيحب بجد بيتمني لحبيبه السعادة أنتم أيه رأيكم في الكلام دا

أدوات الموضوع

اللي بيحب بجد بيتمني لحبيبه السعادة أنتم أيه رأيكم في الكلام دا

معلومات الموضوع

الأعضاء الذين يشاهدون هذا الموضوع

المواضيع المتشابهه

وفاة مايكل جاكسون(صورة مايكل داخل الاسعاف)

هديتى ليكم بمناسبه شهر رمضان

شوفوا نبيكم بيتقال علي ايه يا نااااااااااااااس ؟ !

الكلمات الدلالية لهذا الموضوع

ضوابط المشاركة