ازاى . . .وليه
وأنا واقف فوق أرض الكرم
وشايف قدامى الهرم
باسأل يامصرى بيجرى إيه
شباب زمان كان محترم
دايما يحافظ ع القيم
بس النهاردة جرى له إيه
ليه الشباب فاتوا القيم
نسيوا الكرامة والهمم
عايشين كده
إزاى . . . وليه
ده شاب وبيرقص خليع
الثانى قال أشرب وأضيع
قالوا الكرامة دى شئ فظيع
وكلام بيوجع قلوبنا
ده شاب أهله فى الكويت
والثانى اهله فى العراق
ومن فلوسهم شاب ضاع
والثانى برضه راح يضيع
حافظوا ياناس على شعبنا
وقولولى بس . . .ده كله ليه
وأنا ماشى ع النيل فى السهر
وحاضن بعيونى القمر
سألت نفسى ده كله ليه
رديت وقلت : ماتساويش
إنى لنفسى فى غربة أعيش
على حساب أبنى الضعيف
وفى لحظة للكيف ينجرف
لو بنت وبتكبر جديد
وفـ سن ممكن تنحرف
كل الفلوس لو تتصرف
ماتداوى حسرة قلبنا
ونقول ده كله جرى لنا ليه
قالولى بس ماتفتريش
من غير فلوس إزاى نعبش
أنا قلت ستر يكفى جيش
لو نرضى قسمة ربنا
دى مؤامرة يابنى ضدنا
على شبابنا وحلمنا
علشان يضيعوا عقلنا
من غيره بس ح نعمل أيه
ردوا وقولولى إزاى وليه
منقول