وعليكم السلام ورحمة الله وبركاته ....

هقولك الأول ليه حودا عايز يسيب المنتدى او بيفكر يسيبه ...

اللى حصل من فترة ...
جالي شكوى من عضو بيقولي ان فى مشرف كاتب لواحده بحبك يا كذا فى شريط الـ SMS الخاص بالعضو...

دخلت وفعلاً اتفاجأت بالاهداء او الـ SMS اللى كان مكتوب
وكرد فعل طبيعي ده لو عضو بنحذره ان الرسايل دي متنفعش فى المنتدى لو اول مرة
وبعد كده لو كررها بيتوقف ...
حودا المفروض انه مشرف .. فعارف القوانين كويس ... فتشال من الاشراف لأني متأكد انه عارف ان حاجة زي كده ضد مبدأ الكافيه ...

بعدها بحاولي يوم
افاجأت انه كاتب فى توقيعه نفس الجمله ...
فالطبيعي بردو انه يتوقف ... بس الإدارة اكتفت بمنع التوقيع بس عنه

دي هي الاسباب...

كلمة اخيره :
ان واحد يحب واحده ويقولها فى المنتدى بحبك ... شايف انها حاجة مش شكلها كويس للبنت قبل ما تكون للولد .. لو هو فعلاً بيحب الانسانه دي المفروض يحافظ على شكلها قدام الناس
وحاجة زي كده مش محتاج انك تقول للمنتدى كله كده !

الكلمة دي اكبر من انها تتقال فى توقيع او منتدى !!

دي مبادئ الكافيه اللى ماشيين عليها ...
والقوانين دي اي عضو بيسجل بيشوفها قبل ما يسجل وبيقبلها
وقولنا كذا مرة
ده منتدى .. محترم
مش شات!
وعايزين نحافظ على الاحترام بين بعض... دي مش الأخوة اللى بينا!...


الموضوع مغلق ...
وسيتم حذفه

كل عام وانتم بخير