مكنتش متخيله انه هايجى اليوم ده بالشكل ده

[عاشقة الرومانسية]

ايه بقى انا هاحكيلكم حكايتى انا مخلصه دراسه بقالى سنتين ومعاايا بكالريوس خدمة اجتماعيه زى كل البنات وانا فى الدراسة حبيت واحد حب مش قادرة اوصفلك حبى ليه كان عامل ازاى حب جنونى كده زى ما بيقولوا المشكله بقى واللى كان مصعب حبى ليه انه كان من طرف واحد يعنى انا بس اللى بحبه وهو ولا هنا مع انه كان من ضمن الشلة بيتاعتى صحيح كان مش من الفرقه بيتاعتى ولا كان معايا اصلا فى الدراسة بس كان صاحب واحد زميلنا اد ايه شدتنى فيه خفه دمه وايمانه بربنا وكان دايما يتحايل على البنات تروح تصلى وقت الصلاة وكان ياخد الشباب وما اشااء الله عليه كان بيصلى بيهم جماعه وكان ماشاء الله عليه قمه فى الجمال مش عشان كنت بحبه بس فعلا امور جدا المهم خلصت دراسه والواد ده فضل معلق فى دماغى فترة وكنت بعتبر نفسى مرتبطة بيه طبعا بينى وبينكم كنت مرتبطة بالهوا يعنى مش عايزة اعمل حاجة لحسن يكون مش بيحبها ومش عايزة اروح مش هاكلم حد حاجات كده يعنى وهم بنات بقى المهم يااااه قعدت فترة كبيرة لا بشوفه ولا بعرف حاجة عنه المهم اخدت كورس كمبيوتر ويشاء القدر بعد ما بدأت الكورس بحوالى 3 ايام الاقى مين بياخد الكورس معايا فتى احلامى المطنش وهو الحقيقه مش مطنش ولا حاجة هو مش فى دماغه اصلا لانى مش حاولت حتى ألمح ليه ومش كنت راضيه خالص احسسه بحاجة واعتبرت الموضوع ده اعجااب ومنتهى المهم خلص الكورس دبينا كذا خناقه مع بعض وتقولوا ديوك هبوا فى بعض لا انا طايقاه ولا هو طايقنى وسبب الخناقه كان عبيط موت بس مش عارفه ليه عملت كده وكنت مستغربه انه اتخانق بالشكل ده كان اخر يوم فى الكورس يعنى مش هاشوفه تانى لاء وايه دابين خناقه المهم بعد كام شهر كده شوفته بالصدفه ازيك عامله ايه واخبارك ايه وكأنى مافيش حاجة حصلت طبعا انا عرفت ساعتها انه فى عرق ضارب عنده وانا بقى خدتنى الجلاله اوى اعصابى سابت يا سلام بقى شوفت فتى احلامى وبقت اتنح ومش شايفه قدامى والحركات دى بتاعه الحب المهم خلصنا كلامنا وكله كان فى اطار ازيك عامله ايه الحمد لله ازيك عامل ايه الحمد لله بس طمنينى عليكى عامله ايه الحمد لله وانت بقى قولى اخبارك ايه الحمد لله وهكذاا واستمرينا فى حمد ربنا حوالى ربع ساعه خلصنا ومشيت ومشى وانا مصممة وخدين بالكم من مصممة دى انى مرتبطة بيه وانه حبيبى صحابى يقولولى يابنتى قوليله وانا ابدا مش ممكن دى كرامه يا ناااس وكلام كده مش قده انا خالص ماتخدوش فى بالكم عدى اد تقريبا سنة مكدبش عليكم كان بيجى على بالى كده كل فين وفين لحد لماــــــــــــــــ بابا جه وقالى سندس يا حبيتى فى ناس جايين يوم الاحد مين يا بابا قالى عريس طالب يتقدم قولتله مين ده قالى انا لسه معرفش حاجة عنه هو طلب انه ياخد ميعاد وجاى يوم الاحد طيب يا بابا اما نشوف
يوم الاحد بقى لبست الحته اللى على الحبل وظبطت الظبابيط على اساس عريس ياماااااااااى المهم
ابص الاقى مين والله والله والله فات سنة وكام شهر وما اعرف عنه حاجة الاقى مين ؟؟؟ هو !! طيب ازاى وعرف طريقى منين معرفش ؟؟ لحد لما الاهالى خلصوا كلام وجه بابا ياخد رأيه طبعا انا من طنطا واقفة ورا العمود اللى فى الريسبشن اجهزة التصنت شغاله وبابا حب ياخد رايه صحبيتكم قالت ادونى فرصه افكر طبعا قالى ماتتستعبطيش انا عرفت انه يعرفك وانك تعرفيه المهم وافقت طبعا وقعدت معاه اسأل عن انه كان حاسس بيا ولا لاء لقيت انه مش كان حاسس هو اللى كان جواه حب يكفى 100 راجل بس مش قالى طيب ليه مش قولتلى قالى عشان ابقى جاهز من كل عشان مش ادى فرصه لباباكى يرفضنى والمفاجأة انى اتخطبت وكمان ايه الفرح الشهر واحد عارفين والله انا هاتجوز بهدومى بس وطلب منى حتى ماجيبش هدومى ايه ده اد كده فى حب بالشكل ده واد ايه استحملنا كل واحد على حدى كل واحد كان بيتألم لوحده مش فى كام يوم ولا كام شهر فى سنين يااه على الحب

انتوا مش متصورين انا فرحانة أد ايه مبسوطة اوى عشان الانسان اللى حبيته هو اللى انا هاكمل معاه حياتى

مش طالبه منكم غير انكوا تفرحولى وتفرحونى انا كمان فرحتى مالهاش حدود ربنا يسعدكم انتوا كمان
وتفرحوا زى
وياريت يا جماعه بالله عليكم تدعولى على اد ما تقدروا دى أمانة فى رقابتكم وربنا يبارك فى عمركوا

ســــــــــــنـــــــــــ ـــدس

[iLWda3]

ههههه بجد صدفه جميييله
وحلوه اوي قصتك العجيبه دي
وبجد فرحانه ليكي من قلبي وربنا
يارب يسعدك يارب
وتحققي كل اللي بتتمنيه
ويوفقك في زواجك
واشوفك عروسه كده زي العسل
بس ابقى اعزمينا

يلا سلام يا عسل
وعشان شكلك كده متعرفيش اسمي فا هقولهولك
اختك الصغنتوته ايمـــــــــي

[عاشقة الرومانسية]

حبيبه قلبى ايمى انا سعيده كتير انك اول واحده تردى عليا ربنا يسعدك زى ما اسعدتينى بمرورك ويفرح قلبك يارب ويرزقك بالزوج الصالح ويبارك فى عمرك يارب العالمين وميرسى يا حبيبتى عقبالك

[شيري العسولة]

ياسيدى على الحب
ربنا يوفقك ياقمراية وتعيشوا فى سعاده مع بعض ان شاء الله
وترزقوا بالخلف الصالح باذن الله
والف الف الف مبروك ياحبيبتى والعريس مستر شيزو صح ولا الذاكرة خانتنى
وانا كمان فرحى 2\2 اديعلى بقى ان ربنا يتمملى على خير ان شاء الله

[♥بـونـبـونـايـه سـكـره♥]

بكد فرحنالك اوى سندس وبفرح اوى لما القى اى بنت اخدت الى بتحبه وربنا يتمملك على خيررر ياااااااااااااارب وتتجوزو وتخلفوا عيال كتير تجننكوا بالساعده زى ما عملانه فى اهلاينا انتى صحيح من طنطا اصل بابتى من طنطا يعنى بلديات عموما يا حبى الف الف مبروك اختك سهيله

[saso164]

سبحان الله صدف غريبه اوى


ربنا يسعدك يا سندس و يتمملك على خير يارب

و يسعدك و يوفقك في حياتك الجايه


و الف مبروك يا قمر

[Mr.Mo0ody]

الفرحه باينه جدا فى كلامك يا سندس

انا مش عايز احلفلك ان من كلامك خلتيني ادمع

لأن الحاجه دي فعلا نعمه من ربنا ولازم تخافظي عليها انك تاخى الى بتحبيه

ربنا يااارب يكملك على خير يااااارب وما يحرمكم من بعضكم ابدا ابدا

وهو امانه فى رقبتك اوعى تزعليه ابدا

وهو اكبد طلاما بيحبك وعمل كل ده يبقى مش هيزعلك

المهم هو خلص الماجستير ولا لأ

والف مليون مبروك يا سندس

ونورتى بيتك من تاني ويارب ماتغيبيش عننا تانى

أخوكي / مودي

[MIG21]

good luck with him and thats very nice story

[sue]

سندس حقيقي أنا فرحنالك كتير و بدعيلك من كل قلبي إن ربنا يوفقك و يسعدك معاه

[طلة القمر]

الف مبروك سندس
مع اطيب التمنيات بحياة سعيدة
انشاء الله ربنا يوفقك
ويسعدك
ويكملك فرحتك اللى واضحه من كلامك
بارك الله لكما
اختك طله