سؤال: هو احنا مش اسلاميين؟

[عبقرينو]

السلام عليكم ورحمة الله وبركاته


بأمانة الموضوع ده كان عبارة بين نقاش بينى وبين واحد صاحبى وكان بيحكيلى حاجة حصلت معاه ... المهم ده اللى قاله صاحبى على لسانه :


" سمعت حوار لزعيم حزب الكرامة اللى انا مش متذكر اسمه دلوقتى بيتكلم فيه عن أهداف الحزب وكده المهم عجبنى أوى كلامه وقعدت بدها أفكر فى اللى قاله ومقتنع جدا بيه حتى قررت أنى أروح اشترك ف الحزب ده وانى اكتب فى الجريدة بتاعتهم ببلاش المهم اتصلت بيهم وكنت رايح مقر الحزب خلاص .... تصادف وسمعت حوار تانى ليه وبيقول فيه " احنا مالناش علاق بالاسلاميين أحنا حزب منفصل ومستقل " الكلمة دى ضايقتنى أوى ....


يعنى هو فى اسلاميين وغير اسلاميين يعنى أنا مثلاً مسلم لكن مش اسلامى !

قلتله: ما علينا

ما علينا ازاى

ثم ايه موضوع عصام الحضرى ده كمان ؟

البلد كلها قامت ومقعدتش علشان عصام ساب البلد ومشى , طيب وأيه يعنى ما ياما ناس سافرت وسابت البلد لكن كنت بتبقى محملة وسارقانا اشمعنى بقى عصلم اللى زعلانين منه .


طيب انت عارف - صاحبى بيقولى يعنى - انا بشجع الأهلى ليه وفرحت لما المنتخب كسب ليه لأنى أخيراً لاقيت حاجة صح فى بلدنا وحاجة اتعملت صح .وقال أيه يقولولك كنا بنصحى نصلى الفجر ونقعد ندعى ربنا اننا نكسب قال يعنى عمرو بيه زكى اللى عندى ليه صور على الكمبيوتر وهو قاعد فى كباريه وقدامه البيرة والبنات قاعدين معاه كان بيصلى كل يوم الفجر ويقعد يدعى ربنا انه يكسب ...


على العموم ربنا يهدى العاصى ..."""



كده صاحبى خلص كلامى وطبعاً انتوا شايفين انه اتكلم فى كذا حاجة مالهومش دعوة ببعض لكن انا شايف انه عنده حق وللعلم انا اختصرت الحوار كتير وشلت كلام كتير أحسن انتوا عارفين الظباط اديهم تقيلة ؟

[طيف عابر]

والله يا عبقرينو انا برضه بستغرب جدا التهرب من كلمة مسلم واسلامي
وكأنه فعلا الانتماء للاسلام اصبح خطر او شيء منفر
واصبحوا ينعتوا بمسلم اى ارهابي يريد الارهاب والدمار
مش معنى انه في اشخاص بيستغلوا الاسلام لمآرب خاصه وبيعملوا اشياء سيئة باسمه انه فعلا اصبحو اسلاميين
الاسلام دين كامل متكامل لو فعلا مشينا صح على قواعده واتبعناه صح كما انزله علينا الله وكما امرنا به ليس كما حوله البعض

اما الحضري فاعذرني فانا لا املك تعليق
شكرا لك وبارك الله فيك على الفضفضة

[احمد التيتى]

موضوع جميل و سؤال مهم جدا عبقرينو
اصبحنا فى الوقت الحالى نخاف كثيرا عندما يطلق علينا اسلاميين فهى تسبب فوبيا للبعض مثل ما يحدث هنا فى مصر باتهام اى شخص يقوم بانتقاد اى شئ فى مصر بانه اخوانى او اخوانجى بمعنى انه ينتمى للاخوان المسلمين
عموما كلمة اسلاميين تطلق فى الغالب فى الدول الاوروبية و الولايات المتحدة على الاسلاميين المتشددين او من ينتهجون الاسلام الراديكالى و هو المنهج الذى خرجت منه كثير من الحركات مثل الجهاد الاسلامى فى مصر و تنظيم القاعدة و هى الحركات التى اشتهرت بالعمليات الارهابية او التفجيرات و لكن حدثت مشكلة و هى عدم وضوح صورة الاسلام السمحة و التى رفضت العنف بكل انواعه لنشر افكار معينة و بسبب هذه الحركات التصق بالاسلام فى اذهان الغرب انه دين الارهاب و الارهابيين و كذلك بسبب عدم وجود اعلام عربى و اسلامى جيد لاظهار الاسلام فى صورته الحقيقية و اتجاه رجال الدين الى تمجيد و تبجيل و منافقة الحكام العرب و اصدار الفتوى التى تصب فى مصلحة الحكام المستبدين و لكن مع ذلك فالمؤشرات تؤكد زيادة الداخلين فى الاسلام فى الولايات المتحدة الامريكية بعد احداث 11/9 و كذلك زيادة عدد الباحثين فى الدين الاسلامى و الباحثين عن معلومات عن الاسلام فى شبكة الانترنت و هذا من فضل الله
اعتذر عن الاطالة فى الرد او خروجى عن سياق الموضوع ولكن لابد من فهم الفرق بين المسلمين و الاسلاميين من وجهة نظر الغرب و حتى الاعلام العربى

[عبقرينو]

أولاً مشكور يا طيف على مرورك وردك الجميل

موضوع جميل و سؤال مهم جدا عبقرينو

اصبحنا فى الوقت الحالى نخاف كثيرا عندما يطلق علينا اسلاميين فهى تسبب فوبيا للبعض مثل ما يحدث هنا فى مصر باتهام اى شخص يقوم بانتقاد اى شئ فى مصر بانه اخوانى او اخوانجى بمعنى انه ينتمى للاخوان المسلمين
عموما كلمة اسلاميين تطلق فى الغالب فى الدول الاوروبية و الولايات المتحدة على الاسلاميين المتشددين او من ينتهجون الاسلام الراديكالى و هو المنهج الذى خرجت منه كثير من الحركات مثل الجهاد الاسلامى فى مصر و تنظيم القاعدة و هى الحركات التى اشتهرت بالعمليات الارهابية او التفجيرات و لكن حدثت مشكلة و هى عدم وضوح صورة الاسلام السمحة و التى رفضت العنف بكل انواعه لنشر افكار معينة و بسبب هذه الحركات التصق بالاسلام فى اذهان الغرب انه دين الارهاب و الارهابيين و كذلك بسبب عدم وجود اعلام عربى و اسلامى جيد لاظهار الاسلام فى صورته الحقيقية و اتجاه رجال الدين الى تمجيد و تبجيل و منافقة الحكام العرب و اصدار الفتوى التى تصب فى مصلحة الحكام المستبدين و لكن مع ذلك فالمؤشرات تؤكد زيادة الداخلين فى الاسلام فى الولايات المتحدة الامريكية بعد احداث 11/9 و كذلك زيادة عدد الباحثين فى الدين الاسلامى و الباحثين عن معلومات عن الاسلام فى شبكة الانترنت و هذا من فضل الله

اعتذر عن الاطالة فى الرد او خروجى عن سياق الموضوع ولكن لابد من فهم الفرق بين المسلمين و الاسلاميين من وجهة نظر الغرب و حتى الاعلام العربى

بالنسبة بقى لردك يا أحمد أنا شايف ان انت معاك حق فى كل اللى بتقوله لكن المشكلة اللى انا شايفها انه غلط اصلاً التفرقة بين كلمة اسلامى وكونى مسلم فعلاً فإنك قد تجد بعض الأشخاص يقولون انهم مسلمين ولكن ليسوا اسلاميين !!!!


وعلى العموم شكراً على ردك ومرورك يا باشا

[dr_manoon]

موضوع مهم فعلا يااحمد احنا بقينا بنربط الاسلام بالارهاب اوو اننا هنروح فىداهيه لو جيبنا سيره اننا اسلاميين مثلا مش عارفه ليه الخوف تملك كده من كثيرمنا
مرسى ليك عبقرينو موضوع مهم فعلا

[شمس الأصيل]

قررت أنى أروح اشترك ف الحزب ده وانى اكتب فى الجريدة بتاعتهم ببلاش

ليه كده بس

غاوي تعب قلب

مين قال اننا في مصر عندنا أحزاب شايله هم الناس

احنا عندنا أحزاب آه

شايله هم ايه أي حاجة مبس مالهاش دعوة بالناس

وعلى رأسها هم الكراسي والمناصب وافتراس السلطة

يعنى هو فى اسلاميين وغير اسلاميين يعنى أنا مثلاً مسلم لكن مش اسلامى !

مفيش حاجة اسمها اسلامين

احنا اسمنا مسلمين

وفي سورة الحج : ( ملة أبيكم إبراهيم هو سماكم المسلمين من قبل)(8)

أما المسميات الموجودة دلوقتي فهي مجرد بدع غريبة


منشأها مش من هنا زي ماقال أحمد التيتي

وقال أيه يقولولك كنا بنصحى نصلى الفجر ونقعد ندعى ربنا اننا نكسب

ياترى كنا بنصحى نصلي الفجر عشان ربنا يتقبلنا في رحمته

ياترى الناس لسه فاكره همه مين وشغلتهم ايه

ياترى المسلمين كانوا يسجدوا ويحط راسهم في التراب

عشان الأهلي يفوز

ولا عشان الأراضي المسلمة تتحرر

ولسه بنقول

ليه ربنا مابيرفعش عنا البلاء

لما نحس بيه الأول

ونقدر المصيبة اللي احنا فيه

يمكن ربنا يرحمنا ويرفع عننا
شكرا ياعبقرينو

قلبت علينا المواجع

الا بالحق

فيه حد تابع المؤتمر الصحفي بتاع كونداليز رايس

بمناسبة الكورة يعني

[سنا1]

كلمة اسلاميين كلمة لها معنى واضح وللاسف مسلمين مصر مش اسلاميين وهى دى الحقيقة لا السكوت عن الحق مش من شيم الاسلام والرضوخ للظلم مش من شيم الاسلام دا من شيم الضعف والاسلام عمره ما امر بالضعف ورضاء المذلة والمهانه علشان نكون اسلاميين يجب ان نعبر ونغير من حياتنا علشان نكون اسلاميين يجب ان نقف فى وجه الظلم وامحسوبية هو دا الاسلام ولا شئ غيره

[BlAckPhAnToM]

والله يا عبقر الموضوع ده شديد بجد و محتاج نقاش كبير

بس بالنسبه لعصام الحضرى فا لو انته جيت تشوف خوه عنده كام سنه هتلاقيه حاجه وتلاتين يعنى كبير على الكوره و طبعا الراجل عند عيال و متجوز و لسه مأمنش مستقبل عياله لانه بياخد هنا ملاليم بالنسبه للاعبين المحترفين او بالنسبه لاى لاعب بره مصر و اظن ده من حقه يعنى لانه مقصرش خالص مع النادى الاهلى او مع المنتخب بل بالعكس ده اقوى حارس مرمى فى افريقيا كمان يعنى المفروض اننا نشجعه علشان يتقدم.

بس برده ملهاش لزمه الضجه الاعلاميه دى اللى حصلت عنه دا بيتهيألى ان مفيش ولا قناه اعلاميه عملت الحوارات الفاشله دى عن اى واحد سرق فلوسنا و هرب بيها فالحكايه كلها انهم عايزين يعملوا اى شبوره و بيصطادوا فى الميه العكره زى ما بيقولوا

واسف انى طولت فى الرد مع تمنياتى لجميع المسلمين بالنصر و الفلاح