ايه رايك ؟ ادخل وقولنا ّ منتظركم!!

**~ man neO ~** · 13 - 12 - 2009, 09:53 AM

شكراا لكى ريم على رايك
ولك احمد على طرحك لموضوعك
واحناا اساسا من ايمتى والدوله مهتمه بينا داخلياا او خارجياا
انتى ممكن تسمع اقاويل وحكايات تكتب بهاا مواويل وابيات شعر
لكن كله كلام فى كلام
يعنى هو الكلام بفلوس لو كان بفلوس ماكنش حد منا فتح فمه
اه والله
فلو كل شخص يحاسب على كل كلمه تخرج منه فكان يجب على حوكمتنا ان تزال
كفايه الموقف اللى سمعته من الفتره ان دوله من دول الخليج وتقريباا الامارات
عامله اعلانات فى مصر تطلب عاملات للخدمه بشرط ان تكون خريجه جامعيه
مهزله والله خادمه وتكون خريجه جامعيه
الغلط مش عليهم الغلط على حكومتناا اللى مش عامله اى اعتبار ليناا ولحقوقناا
فمتقولش لكفاله ولا بتاع
اهو كله بقى كوسه
شكراا ليك احمد

**طلة القمر** · 14 - 12 - 2009, 09:38 AM

كله كلام فى كلام
يعنى هو الكلام بفلوس لو كان بفلوس ماكنش حد منا فتح فمه

بارك الله فيك احيك على الموضوع
مشكلتنا بنتكلم اكتر ما بنعمل
السيناريو معروف
نسيب مشاكلنا الاساسيه
ونطلع لنفسنا مشكله ما لاتعنينا
ونشغل نفسنا بيها ونقعد نحللها
وبالتالى وده المطلوب
طبعا
ننسى مشاكلنا الاساسيه
النقاب مكنش لازم يمس
لاننا مسلمين وحريه شخصيه
ودى زيادة تدين ياريتنا نوصل لها
و الاهم كان يفجر اللبس الشرعى
مش اللى فى الشارع الان
وننقى نفسنا من الداخل
ونفس السيناريو
سيبنا مشكله لبس البنات اللى فى الشارع
ولبس الشباب وتقليدهم للغرب واعلاناتنا زى لبس بنات سفن
ونسبة عدم الحجاب اللى لسه موجوده فى الشارع وامور كتيره واضحه لينا
وساكتين
السائحات اللى رايجه وجايه فى بلدنا
وبرضه ساكتين
لاننا امام العالم بنتناقش فى اساسيات ديننا
ونتعارض مع بعض
وده المفروض ما يحصلش
خبرجديد سمعته امس
المحكمه قضت للمنقبات بدخول الدراسه والمدينه الجامعيه منقبه لانها حريه شخصيه
بس حينفذ الله اعلم
اختكم طله

**طلة القمر** · 14 - 12 - 2009, 09:43 AM

الفقر
قلة الفلوس واعباء الحياه ومطالبها
لاترحم
النتيجه كانت دى من يومين
ربنا يرحمهم
الحل ايه
اختكم طله

**كهرمان** · 14 - 12 - 2009, 11:17 AM

صباح الفل عليكم اولا احب اهنى محمود على التوبيك الجميل واللى هايكون مفيد ان شاء الله

ياخبر يا طله انت دخله على التقيل اللى مالوش حل كده على طول
الناس خلاص وصلت لمرحله عذاب العذاب دا حتى كمان اللى بيقبض كويس بيشتكى وبيقول جاى مابلك باللى انتحرو دول طبعا ربنا اعلم بيهم وبعقولهم بس انا شايفها
نتيجه طبعيه الفقر مش بش جيوب قوليلى دول هايتمسكو
بالدنيا ليه اكيد هما تحت خط الفقر بمراحل خلاص مخهم وقف ودا اللى بيميز الانسان المخ يوقف خلاص بتنسى كل حاجه
الحل بقى وحده من اتنين نولع فى الحكومه ونحكمها احنا وتبقى ثوره جديده ونعيد كتابه التاريخ ودا مستحيل لاننا تحت حكم الجيش يعنى متحزمين
او نعمل زيهم ونتعلق فى دراع عمنا هتلرالشمال
ونريح ونستريح ربنا يستر من اللى جاى
تسلمى طله على السؤال
وشكرا محمود على التوبيك

**~ man neO ~** · 14 - 12 - 2009, 10:32 PM

شكراا ليكى طله لرئيك الجميل
وشكراا ليكى كهرمان
وحسبى الله ونعم الوكيل فى هؤلاء

**~ man neO ~** · 14 - 12 - 2009, 10:40 PM

اما بالنسبه للفقر والانتحار فده طبعاا
اللى بيموت منتحر مهما كان فهو كافر
سواء فقير اوغنى
اناا مش علشان فقير اروح اموت نفسى
طب ما اناا اشوف نفسى اقرب من ربناا واكيد هكون غنى بذلك
وغير كده لازم نشوف النااس المحتاجه ونساعدهم
لانعطى اللامبالاه فى كل شىء
احناا لو هنقف على الحكومه يبقى كلنا هنعمل كده
لو كل مسلم اخرج من جيبه جنيه صدقه
هنقدر نساعد به فقير زى كده
بس احناا فى زمن الناس تاهت فيه عن ذلك
وبعدت عن الدين
وربناا يكون فى عون الناس
" الله فى عون العبد ما كان العبد فى عون اخيه "
فلازم كلنا نكون ايجابيين ونساعد الفقراء ولو من اهلناا
فلو كل غنى اهتم باقرباءه محدش هيحتاج لاحد
وشكراا ليكى طله على الطرح

**~ man neO ~** · 15 - 12 - 2009, 11:41 AM

تم النقل " احسن ناس "

**~ man neO ~** · 15 - 12 - 2009, 11:45 AM

~ المقاهي.. احتلت الشوارع ~
اصبح كُل من أصاحب المقاهى محتلين فقد احتلوا الشارع
وهذا نهب وسلب
فللطريق حق عليناا فلابد ان نعطى الطريق حقه
كما اخبرنا النبى " صلى الله عليه وسلم "

**iLWda3** · 20 - 12 - 2009, 12:59 AM

توبيك جميل اووي يا محمود بجد
تسلم على افكارك الجميله دي
...................
وبخصوص المشكله اللي انت عارضها دي
فا فعلا المقاهي احتلت الشوارع
ومبقاش في حاجه اسمها طريق
او ان الطريق ليه علينا حق
بجد شىء عجيب من اصحاب المقاهي
والناس اللي بتقعد عليها !
ولو جيت تقول لحد من اصحاب المقاهي دي يا اخ
مينفعش اللي انت عامله ده راعي الناس اللي بتعدي
في الشارع راعي الشارع نفسه يقولك واكل منين هو انا لوحدي يعني !!
يبقى الحل ايه هنا ! هنقول تتقفل...!!
مش هتتقفل طبعا
كنت سمعت راي من ناس بردو اتناقشوا في الموضوع ده
انهم ينقلوا المقاهي دي لاماكن خاصه كده وشوارع معينه
المهم انهم يبعدوهم عن الشوارع العامه عشان الناس اللي رايحه وجايا
بس بردو هتقول فين التنفيذ
هقولك شوية كلام !
بجد المنظر بيبقى غير طبيعي لما بعدي من اي شارع او مكان والاقي فيها مقاهي
وكلها ناس قاعده فاااضيه على الاخر وحياتها في الطراوه
وكمان يضايقوا في الناس اللي ماشيه مش بس قاعدين في حالهم
لا حول ولا قوة الا بالله

جزاك الله كل خير يا حودا على الموضوع المتميز ده
وتقبل مروري

**طلة القمر** · 20 - 12 - 2009, 08:52 AM

المشاركة الأصلية كتبت بواسطة abdelnaby

~ المقاهي.. احتلت الشوارع ~

اصبح كُل من أصاحب المقاهى محتلين فقد احتلوا الشارع
وهذا نهب وسلب
فللطريق حق عليناا فلابد ان نعطى الطريق حقه
كما اخبرنا النبى " صلى الله عليه وسلم "

تقريبا
بين كل مقهى ومقهى مقهتين
علشان الناس تنسى مشاكلها
ومتفكرش غير
فى الشاى والسحلب والشيشه اللى دمرت صحتهم والناس مش حاسه
اما نصف الشارع اللى اتاكل
علشان الناس تقعد براحتها
امال نقول ايه على النيل والاراضى اللى حوليه
اللى كل لحظه بيحصل لها ريجيم
ازاى منعرفش
حسبى الله ونعم الوكيل
بارك الله فيك
اختك طله