حاجات بستغربها في البنات

[hero]

السلام عليكم ورحمة الله وبركاته


بما ان معظم اعضاء المنتدى حاليا من البنات.. فكنت عايز

احكيلكم عن حاجات بتضحكني اوووووووووووي بجد في البنات

بس والله مش اقصد انتقاص من قدركم ولا حاجه مثلا.. ماحنا برضه بنعمل بلاوي.. ومنقدرش نستغنى عنكم يعني.. بس دي حاجات بحسها ظريفه اوي فيكم بجد
واحنا مدركين والله ان النساء من الزهرة والرجال من المريخ والكلام ده كله..



هو اللي جاب على بالي الحكايه دي.. جوء من حلقه عمرو اديب مع عزت ابو عوف.. وكان السؤال " هل الستات بتعني ما تقول " ؟؟
دي حاجه بجد من اكتر الحاجات والله العظيم اللي بندهشلها في الحياة كلها.. انهم بيقولو كلام كتير جدا وفي الاخر يقولو انهم مكنوش يقصدو ولا حاجه منه !! مع ان الكلمات والمعنى واضح جدا يعني وضوح الشمس..
على فكره نسيت اقول اغلب كلامي بين المتحابين.. مخطوبين متجوزين ايا كان وضعهم
النموذج الشهير بتاع طلقني

انه يحصل اي اختلاف في اي حاجه.. فتلاقي الست اتجننت وتقوله طلقني وهي مصره انه خلاص لا حوار ولا تفاهم
والراجل مش عايز يطلقها يعني!! وهو باقي عليها وعايزها وكل حاجه.. وهي مصره.وبنفس طبقة الصوت.. طلقني
في الاخر خلاص الراجل عنده كرامه برضه.. فيقوم يقولها انتي طالق
الست بقى تتصدم
بتطلقني بعد كل العشره والعمر ده وعشت خدامه تحت رجليك وربتلك عيالك و.. بتطلقنيي
وتقوم منطلقه


حاجه كمان مشهوره جدا بقه.. في ابداء الراي في اي حاجه يكون الراجل مش فارقه معاه في الموضوع ده ويبقى عايز يريح الست وتعمل اللي تحبه..
مدحت انا مش عارفه عايزين ناكل حاجه جديده النهارده
ياحبيبتي اعملي اللي تحبيه اي حاجه من ايديكي حلوه
بس انا عايزه اغير النهارده.. ايه رايك ناكل بره

خلاص ماشي ياحبيبتي تحبي تاكلي فين ؟
ممممممم ايه رايك ناكل في تشيليز؟
خلاص ماشي ياحبيبتي تعالي نروح فرع المهندسين عشان بحبه..
مممممم بس انا حاسه انه مش تجديد اوي يعني ده احنا لسه واكلين فيه قريب وكمان بحب اكل معاك لوحدنا
الراجل جوا نفسه بقه(ايه الست المجنونه دي ! دي هي اللي اقترحت اصلا)
ماشي ياحبيبتي خلاص ناكل في البيت اي حاجه..
بس انا عايزه اخرج يامدحت.. اي رايك ناكل عند مامي؟
ماشي ياحبيبتي انا كمان عايزه اسلم على ست الكل..
بس يامدحت بقولك بحب اقعد معاك لوحدنا امال مين يدعلك وانت بتاكل وبعدين خلاص انا عايزه اكل في البيت
طب ماشي اعمليلنا اكله جامده بقه..
تحب تاكل ايه ياحبيبي؟
اي حاجه كله حلو
طب خلاص انا حعمل ملوخيه عشان انت بتحبها
ماشي يا حبيبت قلبي ربنا يخليكي ليا
بس الملوخيه اللي عندي مش طازه اوي خلاص انا حعمل فاصوليا عشان قربت تبوظ

الراجل حيتجنن ومعرفش ايه فايده الحديث الطويل ده كله
ماكانت تقوله من الاول انها حتعمل فاصوليا وخلاص بدال كل الكلام الغير مفهوم ده.. وهو مش فارق معاه اصلا يعني..
دي بجد حاجه رهيييييييييبه وبتكرركتير جدا وبشكل لانهائي في مليون حاجه وبندهشلها بشكل غريب وبتضحكني

حاجه كمان باستغربها.. اللي هي العنين.. احنا لما بنكون بنكلم حد.. بنبص في عينه عادي!! البنات لا.. بس يمكن ده من الحياء او حاجه الله اعلم.. دايما الاقي البنات عاملين يبصو في اي حاجه تانيه.. يلعبو في الايشارب يبصو على جزمتهم ويبصو على جنب يعملو اي حاجه في الحياه لكن البص في العين ده حاجه نادره جدا
فيما يخص موضوع العنين ده برضهفيه حاجه بتمومتنييييي من الضحك.. اللي هو البصه الخبيثه.. ان لما بنت تحس انها حتتعاكس او حد مهتم بيها وبيبص عليها مثلا.. لا يمكن تبص عليه عادي زي الناس اللي هو

تلف رقبتها وعادي يعني وتشوف فيه ايه.. لا تقوم بصه البصه الخبيثه


بعنيها بس.. والمشكله انها بتفضل باصه كتيييييييربضحك اوووووووووووووووووووووووو ووووووووووووووووووووووووو ووي بجد منها كأن كده احنا مش حناخد بالنا يعني.. بالعكس والله دي بتكون واضحه اكتر الف الف مره بما لا يدعو مجال للشك.. لكن لو كانت بصت عادي زي الناس العاديه.. مش باين بتبص على حد معين ولا اللي وراه ولا حركه لا اراديه كده ولا ايه بالظبط..
بس كفايه كده عشان مطولش وان كان الحديث عن البنات مالوش نهايه ماشاء الله
والولاد بيحيبو البنات زي ماهما والله بالرغم من شدة غرابتها بس حلوه بشكل او باخر
ماحدش عايز يتجوز واحد صاحبه يعني!! فاختلافات دي

[~ man neO ~]

هههههههههههههههههههههههه
موضوعك رائع ياحمد
وفعلا اشياء كثيره ما تحدث
ربناا يهديهم

[hero]

هههههههههههههههههههههههه

موضوعك رائع ياحمد
وفعلا اشياء كثيره ما تحدث

ربناا يهديهم

تسلم ياحودا لمرورك بس هو ده الابيحصل فعلا

[ميره]

ههههههههههههههههههههههههه ههههههههههههههههههههههههه ه ماشى ياهيرو ولا هقولك يااحمد ههههههههههههههههههههههههه هه بس بجد كلامك جامد وفعلا بيحصل بس انا معتقتش انى لما اتجوز اعمل كده مع حبيبى ودوخه عشان اغديه الففيفو كل ده حبه فى المطعم وحبه فى البيت وحبه عند مامى بجد كلامك جامد وييزعلش اما بئا لبصات العيون دى بئا البنت لما بتبص فى عين الولد بجد فى احساس كده مبيتقلش بس بيتحس وخصوصا لما الى بتبص فى عينه ده بتحبه اوى وكمان بيئا خجل وكثوف ومتحرجنيش اكتر من كده ههههههههههههههههههههههههه ههههه الا بعد الى قولته كده بتحرج وخد بالك تسلم بجد على الموضوع الجميل ده وياريت تجيب حاجات تانيه عشان الوحد ميعملهاش وانا فى انتظار موضوعتك ياهيرو ياعسل تقبل مرورى

[بك أستجير فمن يجير سواك]

يسلموا بجد يا احمد رائع الموضوع
يعنى فى حاجات صح بس كمان ماتجيش علينا اوى كده
مش كفاية جريمة القاتل الا هناك
يلا مافيش غيرنا النهارد بقى
احنا سكر الحياة
مشكور احمد

[hero]

ههههههههههههههههههههههههه ههههههههههههههههههههههههه ه ماشى ياهيرو ولا هقولك يااحمد ههههههههههههههههههههههههه هه بس بجد كلامك جامد وفعلا بيحصل بس انا معتقتش انى لما اتجوز اعمل كده مع حبيبى ودوخه عشان اغديه الففيفو كل ده حبه فى المطعم وحبه فى البيت وحبه عند مامى بجد كلامك جامد وييزعلش اما بئا لبصات العيون دى بئا البنت لما بتبص فى عين الولد بجد فى احساس كده مبيتقلش بس بيتحس وخصوصا لما الى بتبص فى عينه ده بتحبه اوى وكمان بيئا خجل وكثوف ومتحرجنيش اكتر من كده ههههههههههههههههههههههههه ههههه الا بعد الى قولته كده بتحرج وخد بالك تسلم بجد على الموضوع الجميل ده وياريت تجيب حاجات تانيه عشان الوحد ميعملهاش وانا فى انتظار موضوعتك ياهيرو ياعسل تقبل مرورى

اولا بجد مشكور كتير على الكلام الجميل ده ياميره
ومش فرقه احمد من هيرو اى حاجه تجى منك اكيد هتكون جميله
اما بالنسبه لموضوع واللهى انا بشوف حاجه كتير من البنات تموت من الضحك
وحاجه تضايق انا كاشخصيه واكيد هاكملك الموضوع بس الفكره عندى انى عايز اوصل الكلام
بسهوله علشان محدش يزعل منى بجد ميرسى مره تانيه لمروك الجميل ده

[hero]

يسلموا بجد يا احمد رائع الموضوع

يعنى فى حاجات صح بس كمان ماتجيش علينا اوى كده
مش كفاية جريمة القاتل الا هناك
يلا مافيش غيرنا النهارد بقى
احنا سكر الحياة

مشكور احمد

مشكور ياريم لمرورك الجميل والاكثر من رائع تسلمى
بس واللهى بجد انا مش جى عليكم يعنى
انا عما اظن وصلت الكلام بسهوله
هههههههههه
وبردو انتى الا قاتلى بابيه ايه يابيه
وانتم ياريم سكر الشاى طبعا قصدى الدنيا من غيركم منعرفش نعيش
واكيد احنا بعمل حاجه كتير بردو
وهاكمل الموضوع عن البنات
والشباب ايضا