السلام عليكم ورحمة الله وبركاته



إحنا عارفين إن الإنسان بيتولد


بلا أفكار


بلا تجارب


بلا خبرات


و بيبدأ يتفاعل مع الناس المحيطين بيه


بياخد منهم عاداتهم


تقاليدهم


بدون تمييز


ويبدأ يقيد نفسه بيها وميرضاش يغيرها





و يمكن ده عيبنا


إننا بناخد من غيرنا من غير ما نفكر


ده صح ولا غلط


ده يناسبنا كمسلمين ولا لأ ..؟


و هنا إنتشر الفساد





فســاد الأخــلاق


فســاد العــادات


فســاد الأمــثال


فساد فى كل حاجة


كمثال على فســاد الأمـثال


بص و غمض





معناه .. إنك تشوف الغلط حواليك و متحاولش تغيره .. و تسكت عليه


ودى من أمثالها .. يا عم طنش


على قد لحافك مد رجليك





هنا بيحصر الإنسان فى الظروف اللى حواليه .. و إنه يأقلم نفسه مع الظروف


لكن المفروض العكس


إنت حتأقلم الظروف مع قدراتك


و الفساد ده مش سهل إنك تتخلص منه


عارف ليه ..؟


الأفكار و العادات دى أخدت سنين عشان تترسخ فينا


و بالتالى لما تعوذ تصلحها أو تغيرها حتاخد سنين و سنين






بس سبحان الله .. الإنسان ربنا كرمه بالإرادة


يعنى إيه


يعنى لما تحط إنك تعمل حاجة فى دماغك .. حتعملها


حتى لو الناس كلها ضدك


" والذين جاهدوا فينا لنهدينهم سبلنا "





إعرف إنك لما تعوذ تبطل عادة سيئة


إنك داخل حرب


لأنها فى الغالب بتكون متأصلة فيك


سيدنا على رضى الله عنه قال


غالب شهوتك و غالب غضبك و خالف سوء عادتك
تزك نفسك و يكمل عقلك وتستكمل ثواب ربك





غالبوا أنفسكم على ترك العادات تغلبوها
و جاهدوا أهوائكم تملكوها


طب ايه المطلوب


دورك زى المصفة





مش أى حاجة حتوصلك حتنشرها و تنقلها


الحاجة الحلوة و الكويسة حتعديها
أما الوحشة لا


زى ما جه واحد عمل عادة سيئة والناس قلدته فيها .. كل حد فينا ممكن يعمل عادة حسنة و الناس يقلدوه فيها






بس الفرق بينكم ميزان الحسنات




ودلوقتى عايزين نتكلم عن العادات اللى شايفنها غلط وعايزين نصلحها


كل واحد هيقول رايه هنا وكلنا هنتناقش معاه فيها


يــا ترى

فى عادة نفسك إنها تختفى ..؟