كلنا أقلام رصاص .... إزاي؟!!!

[AhMeD El-Za3eEm]

" كلنا أقلام رصاص .... إزاي؟!!! "

يعني لما أقول كده مش قصدي ماركات و حوارات زي HPأو 2B و الكلام ده
اللي عايز أقوله إنك قلم رصاص
أيوه طبعا، ما تستغربوش طب شوف كده و تخيل نفسك قلم رصاص

( 1 )
حتكون قادر إنك تعمل حاجات كتيرة أوي عظيمة، بس لما تبقي ما بين ايد حد

( 2 )
حتتعرض لبري مؤلم من فترة للتانية بس دا مهم عشان تبقي قلم أفضل

( 3 )
حيبقي عندك قدرة علي تصحيح أي أخطاء ممكن تعملها

( 4 )
دايما حيكون أهم حاجة فيك اللي جواك

( 5 )
مهما كانت ظروفك برضه حتفضل تكتب و لازم تسيب خط واضح وراك مهما كانت المواقف صعبة و قاسية

- دي 5 حاجات لو انت كنت قلم كنت ممكن تعملها، تشوفها بقي في شخصيتك-

يعني إنك حتبقي قادر إنك تعمل حاجات كتيرة مهمة و عظيمة بس لو سبت نفسك بين ايدين ربك و سيب باقي البشر يجولك عشان مواهبك الكتيرة اللي انت بتمتلكها. حتي لو انت موهوب و شخص متميز برضه لازم حتقابل إحباط و مشاكل بس لما تعديها أكيد بعدها جتبقي أقوي، الجزء المهم اللي جواك اشتغل عليه و اعرف إنه مرايتك الأصلية، و في أي سكة تمشي فيها لازم تسيب أثر و بغض النظر عن الموقف لازم دايما تخدم ربك في كل حاجة.

إنت بقي نوعك إيه من الأقلام؟!!

زي ما الأقلام أنواع، إحنا كمان أنواع، كل واحد فينا موهوب في حاجة معينة مختلفة عن الباقي، كل واحد فينا بيقدر يعمل حاجة ميقدرش يعملها حد غيره، المهم اننا نقتنع بكده، و نكتشف قدراتنا الحقيقية.

ها ... ما قولتليش إنت نوعك إيه بقي ؟!!

[Essam Net]

مش عارف انا من اى نوع ..

بس اللى اعرفه ..
انى بجد بشكركـ على الموضوع الجامد والمشجع ده ..
وان شاء الله نكون زى القلم الرصاص ..

فى كل صفاته ..
ان شاء الله ..

[AhMeD El-Za3eEm]

شكرا يا عصام علي ردك اللذيذ دا و ألف شكر علي مرورك الكريم

[Rosy magic]

قلم رصاص اممم ......

فكرة بردو ..

بس ما قلت عن انو في ناس اقلام جاف ...

خطو ما ينمحي بسهولة ...

مصمم على رايه وعنيد ..

زيي تمام .. ( متاخدش في بالك )

ومشكلة القلم الرصاص الوحيدة لما ينكسر صعب انو يتركب تاني ...

موضوع حلو وجديد

تسلم يا زعيم

[dr_manoon]

موضوع جامد يازعيم جامد جدا وفعلا لازم نكون قلم يستطيع ان يعبر ويبدع قلم حر جيد الاختيار
مرسى ليك يازعيم مشكورررررررررر

[AhMeD El-Za3eEm]

كلامك جميل يا روزي .. بس القلم الجاف برضه بينكسر
و مش برضه القلم الجاف صفة مش كويسة .. ان الواحد يتشبث برأيه
طيب لو غلط برضه حتصممي علي رأيك
لازم بشكل أو بآخر تكوني قلم رصاص ... و لا ايه ؟!!
عموما ميرسي كتير علي مشاركاتك الجميلة دي
و ميرسي منور علي مرورك و ردك الجميل

[Rosy magic]

اه منا قولت تصميم على راي ....

مش غتااااااااتة .... ههههه

ولعلمك الاقلام الرصاص اليومين دول بتنكسر بسرعة ....

ويتقصف ونبريه ويتقصف ونبريه وشغلانة ....

لحد ما يخلص ...

لكن الحبر لو خلص تعرف تمليه تاني وكسره مش سهل ...

ولو اتكسر هات غطا قلم فاضي مش مشكلة

لكن القم الرصاص هتبدله بشخصية تانية ازاي ؟

والعفو يا سيدي ومستنيين مواضيعك

[طيف عابر]

بصراحة احمد الصفات الخمسة روووووعه
والخلاصه والتشجيع بنهاية التوبيك ممتازة

فعلا موضوع جميل يساعد ويشجع على الاستمرار
تماما كالقلم يستمر الى النهاية
مشكور جدا احمد
بارك الله فيك

حتبقي قادر إنك تعمل حاجات كتيرة مهمة و عظيمة بس لو سبت نفسك بين ايدين ربك و سيب باقي البشر يجولك عشان مواهبك الكتيرة اللي انت بتمتلكها. حتي لو انت موهوب و شخص متميز برضه لازم حتقابل إحباط و مشاكل بس لما تعديها أكيد بعدها جتبقي أقوي، الجزء المهم اللي جواك اشتغل عليه و اعرف إنه مرايتك الأصلية، و في أي سكة تمشي فيها لازم تسيب أثر و بغض النظر عن الموقف لازم دايما تخدم ربك في كل حاجة.

[سنا1]

كمان مشكلة القلم الرصاص انه مهما يكتب ممكن فى لحظة يتمسح كتابته ممكن ما يكلهاش اثر وهو دا الشعب المصرى كتاباته ليس لها اثؤر كذلك صوته ملهوش اثر هيفضل ديما منقاد مش هيعرف يعبر عن اللى جواه وهى دى المصيبة الكبرى انا الكبار ديما بعلموا اولادهم انهم يمشوا جنب الحيط وملهمش دعوا بالسياسة واحنا ملنا واللى يسرى على الناس يسرى عليان ..... وكما قال سعد باشا زغلوا .... مفيش فايده وشكرا

[AhMeD El-Za3eEm]

طيف شكرا علي مرورك و ردك الجميل
روزي .. حأسألك سؤال .. ليه دايما بيقولوا ان العباقرة بيستخدموا أقلام رصاص
و ليه برضه لما بيبقي فيه رسمة تكون مرسومة بالقلم الرصاص تبقي تحفة
ـــــــــــــــــــــــــ ـــ
أنا لما أتكلمت عن القلم الرصاص .. مكنش قصدي القلم الرصاص بالمعني الحرفي
و دا اللي انتي مصممة عليه .. بصي للموضوع نظرية فيها ابعاد أكتر و اكيد ساعتها حتفهمي قصدي ايه

عموما انتي اثرتي حته حلوة برضه .. قولتي لو القلم الجاف انكسر حجيب عطا قلم تاني
القلم هو انت و اخلاقك و عملك و شخصيتك و عاداتك و تقاليدك
تقدري تغيري كل دا لو انكسرتي .. تقدري تستبدلي كل دا عشان تكملي
لو انت مستعدة انت تضحي بكل دا .. يبقي خلاص اختاري القلم الحبر
أما القلم الرصاص لو انكسر مرة .. خلاص بيتمسح فعلا
و لكن هو و اخلاقه و عمله و شخصيته و عاداته و تقاليده موجوده فيه
و كل دا عشان هو مستعد انه يضحي بنفسه في سبيل انه ميغيرش من اي افكاره
:: دي نظرة بعدية شوية ::

ـــــــــــــــــــــــــ ـــ

أختي سنــا1 .. فيه أقلام رصاص كتير مننا لسسه خالدة فينا لحد دلوقتي
و أولهم سعد زغلول زي ما تفضلتي و قولتي .. القلم الرصاص بما يقدمه
و بالنسبة للشعب المصري .. المشكلة في كل واحد فينا
احنا اللي مكبرين دماغنا .. احنا اللي بنضحك علي نفسنا
و لو فضلنا نقول (مفيش فايدة) .. يبقي اضمنلك ان احنا مش حنعمل حاجة أبدا
لازم أبدأ بنفسي و أكيد .. أكيد علي الاقل واحد تاني حيبدأ معايا

ـــــــــــــــــــــــــ ـــ

شكرا ليكم علي مشاركاتكم التي أمتعتني كتير