مش فاهم

[عبقرينو]

السلام عليكم ورحمة الله وبركاته



ملاحظ حاج غريبة اوى اليومين دول ملاحظ ان حالة الزهق والغضب من الحكومة زادت أوى اليومين دول وده طبيعى لكن اللى أنا مستغربله فعلاً أن الحكومة بتتبع مبدأ السكوت التام واللامبالاة الكاملة برغم ان فى برامج كتير بتناقش المشاكل اللى موجودة وبرغم المظاهرات والجرايد وده كله لكن برده الحكومة ساكتة ولا حتى بتحاول ترد وتدافع عن نفسها وكأن اللى بيتكلم ده لا شئ أو غير ذى صفة ...


يعنى على سبيل المثال : ايام انتخابات مجلس الشعب جه واحد اترشح وقالولنا ده ابن البلد وكلنا وقفنا وراه على أمل أنه يحاول يغير من أوضاع بلدنا شوية - اللى هيا طامية - لأ وكان شعاره انه أول حاجة هيصلحها هيا مرافق البلد علشان بايظة وفضلنا معاه لحد ما نجح وبعد ما نجح مشوفناهوش غير وهو راكب عربيته رايح القاهرة او جاى منها وبرغم ان شبكة المياه والمجارى بايظين فى البلد كلها لدرجة ان الشوارع بقت عبارة عن مستنقعات والواحد بيحتاج خريطة علشان يعرف يمشى فيها , روحنا رايحين لسعادة النائب بتاعنا ووعدنا انه هيتصرف وعلى فكرة الكلام ده بقاله حوالى سنتين وحتى الان متغيرش حاجة والأوضاع زى ما هيا . ...


كل اللى انا عايز اقوله ان الحكومة فعلاً بقت منفضة للشعب وكأن الشعب ده مالوهوش لازمة ومهما اتكلمنا مش بترد , ده حتى أيام زمان كان بيبقى فى رد على اللى بيتكلم حتى ولو كان بيبقى من باب الأعتقال لكن دلوقتى بيعاملونا على اننا كلاب بتنبح لأ وياريت كلاب ده حتى الكلاب الناس بترميلها أكل لما بتنبح لكن أحنا تقريباً مالناش لازمة فى البلد دى ...


لأ واللى يغيظك ان المشاكل كل يوم بتزيد سواء كانت بطالة أو غلاء أسعار - وانا والله مش عارف ازاى الاتنين يمشوا مع بعض - أو زحمة مرور أو أو .......... لكن هما برده منفضين ونقولهم فى بطالة وهما برده ساكتين طيب فى غلاء اسعار وبرده لاحياة لمن تنادى ...



وفى الأخر كل اللى أحب أقوله ان الحكومة تنزل تعيش معانا على الأرض شوية أحسن أحنا تعبنا من كتر ما بنحاول نطلعلهم ونشرحلهم مشاكلنا فبقولهم ياريت ياريت تنزلولنا شوية وارأفوا بينا ده حنا رجلينا وجعتنا من كتر الطلوع ...........

[dr_manoon]

انا معاك ياعبقرينو البلد دى خلاص عليها العوض ومنها العوض انا بشوف ماسى اما مثلا تلاقى شباب بكاللريوسات بيشتغلواى شئ عشان الفلوس ومش فى مهنتهم خالص وبعيد عنها يعنى دمار للاحلام
مش كفايه ده مش عاوز الحكومه تنفض لشويهمرافق عامه اذا كانت الناس نفسها عاوزه اصلاح وترميم واللى يعتنى بيها اانا مش عارفه اخرتهاايه ربنا يستر

[طيف عابر]

والله عبقرينو كانك بتتكلم عن الحال في كل الدول العربيه
وقالو زمان
جرحك بالكف لمين تشتكى
والحال من بعضه
وفعلا الحكومات حتى ما بتكلف نفسها ترد ولا اصلا بتسمع للاسف
وحال العالم صارت في الحضيض
انا شفت ناس صاروا يملوا الكاز قدر حاجة يومهم بس
وكل شي ملخبط وغريب
بارك الله فيك عبقرينو

[بسام الصواف]

ماشى يا عم السياسى بس نصيحة منى ليك ( يا ابن عمى وحبيبى واخويا ) بلاش تتكلم فى المواضيع دى عشان متحرقش اعصابك واعصابك تهمنى ( يابن عمى ) عشان ممكن تتحرق فى مكان ليس به ماء بســـــــــــــــــــــــ ـــــــــــــ الصواف ـــــــــــــام